Aningaasarsiat tunniunneqartarnerat

Nalinginnaasumik paasissutissiineq 

Kalaallit Nunaanni suliffeqarfiit pisortanit namminersortuniillu ingerlanneqarput. Namminersortut pisortallu suliffeqarfiutaanni sulinermut atatillugu pissutsit inatsisit aqqutigalugit naleqqussagaapput. Tamatuma saniatigut pisortani atorfeqartunut atorfinitsinneqarnermi atugassarititaasut isumaqatigiissummi sulisut ataasiakkaat atorfinitsinneqarneranni malinneqartuni aamma maleruagassiorneqarput, ilaatigullu namminersortuni atuuttumik. Matuma kinguliani allassimasut pisortat suliassaqarfiannut taamaallaat tunngatinneqarput.

Aningaasarsiavit tunniunneqarnerannut atatillugu pissutsit arlaqarput eqqumaffigisassatit:
• Aningaasarsiat qaqugu tunniunneqassanersut
• Tapisiat qaqugu tunniunneqassanersut
• Aningaasarsiat allagartaat sunik imaqassanersoq
• Eqqortumik aningaasarsititsinissamut sulisitsisut suut atussanerai
• Danmarkimiit Kalaallit Nunaannut nuukkuit akileraartarnermut tunngasut allanngortinneqassasut

Ulloq aningaasarsiffik 

Pisortani sulisuuguit qaammamut ataasiarlutit imaluunniit ullut 14-kkaarlugit tamaasa ataasiarlutit aningaasarsiaqassaatit. Aningaasarsiavit qanoq innikkut tunniunneqartarnissaannut apeqqutaavoq:
• Qaammammusiaqarnersutit imaluunniit akunnermusiaqarnersutit
• Siumoortumik imaluunniit kingumoortumik aningaasarsiaqarnersutit

Qaammammusiaqarneq kingumoortumillu aningaasarsiaqarneq
Qaammammusiaqaruit kingumoortumillu aningaasarsiaqaruit aningaasarsiassatit qaammammi ullormi suliffimmi kingullermi ilinnut tunniunneqassapput. Tassa imaappoq assersuutigalugu oktoberimut aningaasarsiassatit oktoberimi ullormi suliffimmi kingullermi ilinnut tunniunneqassapput.

Akunnermusiaqarneq kingumoortumillu aningaasarsiaqarneq
Akunnermusiaqaruit kingumoortumillu ullut 14-kkaarlugit tamaasa aningaasarsiaqassaatit. Ullut 14-it sulereernerpit kingunitsianngua sapaatip akunnerani aningaasarsisassaatit. Tassa isumaqarpoq assersuutigalugu sapaatit akunnerini 3 aamma 4-mi sulininnut sapaatip akunnerani 5-imi aningaasarsissasutit.

Qaammammusiaqarneq siumoortumillu aningaasarsiaqarneq
Qaammammusiaqaruit siumoortumillu aningaasarsiaqarlutit qaammatip siuliani ullormi suliffiusumi kingullermi aningaasarsiatit tunniunneqassapput. Tassa imaappoq assersuutigalugu aprilip qaammataani aningaasarsiassatit martsimi ullormi suliffiusumi kingullermi tigussagitit. Siumoortumik aningaasarsiallit tassaanerupput tjenestemandit.

Tapisiat 

Aalajangersimasumik tapisiat qaammammi tassani aningaasarsianut ilanngullugit tunniunneqartarput. Tapisiat nikerartut siumoortumik tunniunneqarsinnaapput.

Tamanna isumaqarpoq tapisiat piffissamut aningaasarsiffiusussamut tapisiat katersorneqartut kingullermik nalunaarutigineqartut aatsaat piffissami aningaasarsiffissami tulliuttumi aatsaat tunniunneqarsinnaasut.

Aningaasarsiat allagartaat 

Aningaasarsisoqarneranut atatillugu aningaasarsiat allagartaannik tunineqassaatit, tassani allassimassalluni aningaasarsiatit qanoq amerlatiginersut aammalu qanoq katitigaanersut. Aningaasarsiat nalinginnaasumik imaapput:
• Tunngaviusumik aningaasarsiat
• Tapisiaasinnaasut
• Soraarnerussutisianut tapiissutit
• Kattuffimmut sulisulluunniit kattuffiinut ilaasortatut akiliutaasinnaasut

Qanoq annertutigisumik akileraarnersutit aammalu ukiup ingerlanerani sulinngiffeqarnermi aningaasarsiat qanoq amerlatigisut katersorsimaneritit aningaasarsiat allagartaanni aamma allassimasarput.

Aningaasarsiat eqqortut 

Aningaasarsiassavit eqqortumik tunniunneqarnissaat pillugu suliffeqarfiit paasissutissat makku pigissavai:
• Atit
• Inuttut normut
• Aningaaserivimmi kontut
• Akileraartarnermi allagartat

Aningaasarsiavit allagartaata misissornissaa pingaaruteqarpoq. Aningaasarsiavit allagartaa kukkuneqarsorigukku imaluunniit aningaasarsiavit allagartaat pillugu apeqqutissaqaruit aqutsisunnut qaninnerpaamut imaluunniit aningaasarsialerivimmut saaffiginnittariaqarputit. Taamaaliussaatittaaq aningaasarsiatit ikippallaartut imaluunniit amerlavallaartut nalornissutigigukku.

Aningaasarsiatit ikippallaarpata aningaasarsiassavit sinneruttut kingusinnerusukkut tunniunneqarnissaannut pisinnaatitaavutit. Aamma taamaappoq amerlavallaartunik aningaasarsiaqarsimaguit sulisitsisut taakku utertinnissaannut piumasaqaateqarsinnaatitaavoq.

Danmarkimit Kalaallit Nunaannut nuunnermi 

Danmarkimiit Kalaallit Nunaannut nuussimaguit aammalu Kalaallit Nunaannut tamakkiisumik akileraartussaatitaallutit Danmarkimut akileraartussaatitaassanngilatit.

Nuuttunut akileraartarneq pillugu paasissutissat allat atuakkit

Kommune Kujalleq
Postboks 514
3920 Qaqortoq
Oqarasuaat: 704 100
Fax.: 704 177
E-mail: kommune@kujalleq.gl
http://www.kujalleq.gl

Aningaasaqarnermut Sulisoqarnermullu Aqutsisoqarfik (ASA)
Aqqusinersuaq 5
Postboks 1039
3900 Nuuk

Oqarasuaat: (+299) 34 50 00
Fax: (+299) 32 44 48
E-mail: asa@nanoq.gl