Sulinermut atatillugu angalaneq – Nalinginnaasumik paasissutissiineq

Sulinermut atatillugu angalaneq – Nalinginnaasumik paasissutissiineq 

Kalaallit Nunaanni suliffeqarfeqarfiit pisortanit namminersortunillu ingerlanneqarput.
Namminersortut pisortallu suliffeqarfiutaanni sulinermut atatillugu pissutsit inatsisit aqqutigalugit naleqqussagaapput. Tamatuma saniatigut pisortani atorfeqartunut atorfinitsinneqarnermi atugassarititaasut isumaqatigiissummi sulisut ataasiakkaat atorfinitsinneqarneranni malinneqartuni aamma maleruagassiorneqarput. Matuma kinguliani allassimasut pisortani atorfeqartunut taamaallaat atuupput.

Sulinermut atatillugu angalaneq tassaavoq sulininnut atatillugu angalaneq sulisitsisuit aalajangigaa. Sulinermut atatillugu angalanermi siunertarineqartut amerlasinnaapput. Soorlu imaassinnaavoq:

  • Illoqarfimmi nunaqarfimmiluunniit allami pingaarutilimmik ataatsimiigiarniartutit
  • Illoqarfimmi nunaqarfimmiluunniit allami ataatsimeersuariarniartutit


Angalaneq aaqqissuunneqarpoq sulisitsisut sinnerlugu suliamik sumiiffimmi najugarisavit avataani allami sumik ingerlanneqaqquneqartumik ingerlatsinissat pillugu. Taamaattoqartillugu tamanna sulinermut atatillugu angalaneruvoq, tamaattumillu makku akilerneqassapput:

  • Angalaneq
  • Akunninneq
  • Ullormusiat


Sulinermut atatillugu angalanermi tapiissutit sulisitsisumit akilerneqartut akileraarutaasussaanngillat.


Kinguaattoorneq
Sulinermut atatillugu angalaninni kinguaattooruit assersuutigalugu akunninnermut, immikkut ullormusianut immikkullu aningaasartuutit sulisitsisunnit matussuserneqassapput. Taamaattorli kinguaattoornerit nammineq pisuussutiginngikkukku sulisitsisuit aningaasartuutit aatsaat matussusissavai:

  • Timmisartoq ilaaffissat assersuutigalugu sila pissutigalugu kinguaattoorpat, suliffinnut uternissavit tungaanut akunninninni immikkut ullormusiaqartinneqassaatit akunninnerillu akilerneqassalluni
  • Akerlianik assersuutigalugu sinnartoorlutit timmisartoq ilaaffissat angumerinngikkukku immikkut aningaasartuutaasut matussuserneqassanngillat – aamma billet-imut nutaamut akiliunneqassanngilatit


Malugiuk
Sulinermut atatillugu angalatillutit aamma aningaasarsiaqassagavit.

Allaaserisat attuumassutillit

Kommune Kujalleq
Postboks 514
3920 Qaqortoq
Oqarasuaat: 704 100
Fax.: 704 177
E-mail: kommune@kujalleq.gl
http://www.kujalleq.gl

Aningaasaqarnermut Sulisoqarnermullu Aqutsisoqarfik (ASA)
Aqqusinersuaq 5
Postboks 1039
3900 Nuuk

Oqarasuaat: (+299) 34 50 00
Fax: (+299) 32 44 48
E-mail: asa@nanoq.gl