Sulinermut atatillugu angalaneq – Piffissaq suliffiusoq

Sulinermut atatillugu angalaneq – Piffissaq suliffiusoq 

Kalaallit Nunaanni suliffeqarfeqarfiit pisortanit namminersortunillu ingerlanneqarput.
Namminersortut pisortallu suliffeqarfiutaanni sulinermut atatillugu pissutsit inatsisit aqqutigalugit naleqqussagaapput. Tamatuma saniatigut pisortani atorfeqartunut atorfinitsinneqarnermi atugassarititaasut isumaqatigiissummi sulisut ataasiakkaat atorfinitsinneqarneranni malinneqartuni aamma maleruagassiorneqarput. Matuma kinguliani allassimasut pisortani atorfeqartunut taamaallaat atuupput.

Sulinermut atatillugu angalanissat sulininni ilaatigut pisariaqartassaaq. Tassa imaappoq, illit piffissami sivikinnerusumi sivisunerusumiluunniit suliat isumaginiarlugu aallassasutit imaluunniit aallarnissannik peqquneqassasutit.

Sulinermut atatillugu angalaninni ulloq suliffigisat nalinginnaasumik sivisussuseqarajuttarpoq. Sapaatip akunneranut piffissaq suliffigisartakkat nalinginnaasumik akunnerit 40-inik sivisussuseqartarpoq. Akunnerit 40-it taakku agguataagaapput, taamaalillutit ulluinnarni tamani piffissap 7.00 aamma 17.00-ip akornanni akunnerit 8-it sulisassallutit.


Immikkut pissutsit
Sulinermut atatillugu angalaninni ullormut akunnerit nalinginnaasumik atortakkavit amerlaqatai atorlugit pisarnertut sulisassaatit. Taamaattorli immikkut pissutsit makkuupput:

  • Ullut angalaffiusut ullortut suliffittut tamakkiisutut isigineqarajupput – aamma angalaneq akunnerit 8-it inorlugit qaangerlugilluunniit sivisussuseqaraluarpat
  • Pikkorissarnerit ullortut suliffittut tamakkiisutut isigineqarajupput – pikkorissarnerup akunnernik pingasunik qulingiluanilluunniit sivisussuseqarnera apeqqutaatinnagu


Sapaatip akunnerata naanerani sulinermut atatillugu angalaguit sapaatip akunnerata naanera piffissatut suliffissatut nalinginnaasumik isigineqanngilaq. Sapaatip akunnerata naanera piffissatut suliffissatut aatsaat isigineqassaaq sulisitsisuit sapaatip akunnerata naanerani suleqqusimappatit. Taamaattoqarsimappat sulinerunermut akissarsisinneqarsinnaatitaassaatit.


Malugiuk
Sapaatip akunnerata naanerani ullormusiaqarsinnaatitaavutit – aamma sapaatip akunnerata naanerani sulinngikkaluaruilluunniit.

Ullormi sulinngiffiusussami isumaqatigiissutit aqqutigalugu qulakkeerneqartumi sulinermut atatillugu angalaguit ullup sulinngiffigisassavit piffissami kingusinnerusumi taarserneqarnissaanut pisinnaatitaavutit.

Sulinermut atatillugu angalaninni piffissaq suliffigisat isumaqatigiissutinni immikkut ittumik maleruagassiuunneqarsimasinnaavoq.

Allaaserisat attuumassutillit

Kommune Kujalleq
Postboks 514
3920 Qaqortoq
Oqarasuaat: 704 100
Fax.: 704 177
E-mail: kommune@kujalleq.gl
http://www.kujalleq.gl

Aningaasaqarnermut Sulisoqarnermullu Aqutsisoqarfik (ASA)
Aqqusinersuaq 5
Postboks 1039
3900 Nuuk

Oqarasuaat: (+299) 34 50 00
Fax: (+299) 32 44 48
E-mail: asa@nanoq.gl