Eqqaaviit imaarneqartarnissaannik imaarneqartarunnaarnissaannillu nalunaarneq

Eqqaaviit imaarneqartarnissaannik imaarneqartarunnaarnissaannillu nalunaarneq

Eqqaaviit imaarneqartarnissaannik imaarneqartarunnaarnissaannillu nalunaarneq 

  • Kommune Kujalleq

    Akuttussuseq
    Kommunimi sorlermi najugaqarnerit apeqqutaalluni eqqakkavit imaarneqartarnerisa akuttussusii allanngorartarput:
    • Inissiami nammineq eqqaavilimmi najugaqaruit, sapaatip akunneranut ataasiarluni taanna imaarneqartarpoq
    • Inissiani namminersortuni najugaqaruit, eqqaavivit sapaatip akunneranut ataasiarluni imaluunniit marloriarluni imaarneqartarnissaa toqqarsinnaavat
    • Narsami inissiami namminersortumi najugaqaruit, eqqaavivit sapaatip akunneranut ataasiarluni, marloriarluni pingasoriarluniluunniit imaarneqartarnissaa toqqarsinnaavat

    Akit allattorsimaffiat - 2017
Angerlarsimaffinniit igitassalerineq tassaavoq pisortat aaqqissuutamik ingerlataasa ilaat, Eqqagassalerinermut ilaasoq. Eqqagassalerineq tassaalluni igitassaatitsinnik qanoq isumaginnittarnersugut, tassa pinngortitap eriaginissaa inoqatittalu peqqissuunissaat eq­qarsaatigalugit.

Angerlarsimaffinniit igitassat, tassaallutik illoqutigiit igitassaataasa katersorneri. Illuniit igitassat, tassaasut aamma igiinnagassat, soorlu nerisat sinnikui, immuit puukui puukullu allat, igaffimmiit igitassat nangikullu.

Angerlarsimaffiit/illut tamarmik aaqqissuussaasumik eqqaavilerinermi peqataanissaat kommunip akisussaaffigivaa.

Illumi najugaqaruit, attartugaralugu namminerluunniit illuutigalugu, aaqqissuussaasumik Eqqaavilerinermut atatillugu pisussaaffialoqarputit:
  • Igitassatit katersorlugit eqqaavimmut ikissavatit
  • Illit nammineq eqqaaveqarnissat isumagissavat
  • Aaqqissuussaasumik eqqaavilerinermut nammineq ilanngunniarlutit nalunaassaatit

Kommunit ataasiakkaarlutik namminneq qanoq akulikitsigisumik eqqaaviit imaarneqartarnissaat aalajangersartarpaat. Eqqaaviit imaarneqarneri tamaasa, eqqaavilerisut puussiartaa taarsertarpaat.

Akiligassaq ilinnut nassiunneqassaaq.

Imaarneqartarnissaannik imaarneqartarunnaarnissaannillu nalunaarneq allannguinerlu
Eqqaaviit imaarneqartarnissaannik imaarneqartarunnaarnissaannilluunniit nalunaarutiginiarukku imaluunniit allannguisitsiniaruit assersuutigalugu imaarsititsisarnerit amerlassusaannik immersugassaq immersussavat.

NemID-mik peqaruit, immersugassaq toqqaannartumik attaveqaatitigoortumik immersorsinnaavat nassiullugulu.

NemID-mik peqanngikkuit, immersukkat sumiiffinni innuttaasunut sullissivimmut imaluunniit nunaqarfiup allaffianut tunniutissavat.

Allaaserisat attuumassutillit

Kommune Kujalleq
Postboks 514
3920 Qaqortoq
Oqarasuaat: 704 100
Fax.: 704 177
E-mail: kommune@kujalleq.gl
http://www.kujalleq.gl