Danmarkimi inissiat aamma orniguttarfiit

Danmarkimi inissiat aamma orniguttarfiit 

Danmarkimi illoqarfinni anginerni inissaqarniarnikkut pissutsit assut ajornartorsiutaasinnaapput aammalu inissiaatileqatigiit aqqutigalugit inissiamik pissarsiorneq sivisuumik utaqqiffiusinnaavoq. Inissiaatileqatigiiffimmi utaqqisunut allattorsimaffimmut allatsissinnaavutit, sapaatip akunneranut saqqummersartut aviisikkut inissiamik ujarlersinnaavutit imaluunniit internet aqqutigalugu inissiat saqqummiussat ujartorlugit.

Inissiamik attartoruit inissiamut iserternermi qularnaveeqqusiissut aamma siumoortumik inissiamik attartornermut akiligassaq akilissavatit. Iserternermi qularnaveeqqusissut qaammatinut pingasunut inissiamik attartornermi akiligassanut naapertuupput, qaammatinilu pingasuni siumoortumik inissiamik attartornermut akiligassaq akileqquneqarsinnaalluni. Saniatigut qaammatip siulliup inissiamik attartornermut akiligassaq ilanngullugu akilernissaanut piumaffigineqarsinnaavutit.
Tassa imaappoq aningaasat amerlangaatsiartut iserternermi akiliummut ineqarnermullu akiliummut akilertussanngorsinnaavatit. Katillugit 50.000 kr. tikillugu akiliutissaq naleqariataarsinnaasarpoq.
Iserternermi akiliummut aningaasassaqanngikkuit inissiamik attartortittakkamik attartornissaq ajornakusoortorujussuusinnaavoq.


Inissiat attartortittakkat
Inissiat namminersortut aqqutigalugit nassaarineqarsinnaasut inissiaatileqatigiiffiit aqqutigalugit pissarsiarineqartuniit akisunerusinnaapput, soorluttaaq inissiat namminersortut aqqutigalugit pissarsiarineqarsinnaasut sukkasuumik attartortussarsineqartartut.

Inissianik amigaateqartoqarnerani ikinngutini nalunngisaniluunniit unnuissalluni pilerinarsinnaavoq, kisianni tamanna utaqqiisaasumik aaqqiissutaavoq.

Danmarkimi inissiamik qinnuteqarneq pillugu annertunerusumik uani atuarit


Kofoed skole
Kofoed skole tassaavoq sumiiffik suliaqartitsinermut atorneqartartoq, ilaatigut amernik mersortarfeqartoq aammalu atuartitsinermi ininik peqartoq. København-imi, Aalborg-imi aamma Esberg-imi pisariaqartitsineq malillugu kalaallinik siunnersuineq ilitsersuinerlu sumiiffiup neqeroorutigisarpai. Neqerooruteqarnermi siunertaavoq inuit ataasiakkaat inuunerminnut akisussaanermik tigusinissaannut ikiuunneq.

Kofoed Skole pillugu annertunerusumik uani atuarit


Ornittakkat
Danmarkimiikkuit ineqarnallu unnuisarfimmi unnuinissamut periarfissaqarpoq, taakkunani inissaqarpat. Unnuisarfinnili tamatigut inissanik peqartoqarneq ajorpoq, taamaammat tamanna utaqqiisaasumik aaqqiissutaavoq.
Ulluunerani ornittakkat atornerisigut suliassaqarnissamut periarfissaqartoqarpoq.

Unnuisarfiit ornittakkallu pillugit annertunerusumik uani atuarit


Fedtekælderen
Angerlarsimaffeqanngikkuit Fedtekælderen-imi qasuersaarnissannut nerisassanillu kissartunik nerinissamut periarfissaqarputit. Fedtekælderen-ip ullaakkorsiutit akeqanngitsut aammalu nerisassat kissartut 15 kr.-illit neqeroorutigisarpai. Aamma uffartoqarsinnaavoq inunnullu qulinut inissalik eqqissisimaartarfik pigineqarpoq. Fedtekælderen-imi unnuisinnaanngilatit.

Fedtekælderen pillugu annertunerusumik uani atuarit


Reden
Reden tassaavoq arnanut atortittartunut siunnersuisarfik, siunnersuinermik, ilitsersuinermik aammalu inuttut imminut paaqqutarinermik neqerooruteqartartoq. Arnat imminnut paaqqutarinissamut aammalu namminneerlutik nukissaminnik atuinissamut kajumissaarneqartarput. Reden aamma atortittartuunerup aammalu ikiaroorniutinik atuinerup qaangerniarneranut ikiuunnissaq neqeroorutigisinnaavaa, tamanna arnap kissaatigippagu. Arnat kinaanertik oqaatiginngikkaluarlugu saaffiginnissinnaapput.
Reden-imi arnat aqqaneq-marluk (12) unnuinissaminik inissaqarput.

Reden pillugu annertunerusumik uani atuarit.

Allaaserisat attuumassutillit