Danmarkimi akuulersitsineq

Danmarkimi akuulersitsineq 

Danmarkimut nuukkuit oqaatsinik ilinniartitaanermut, oqalutseqarnermut assigisaanullu periarfissat nammineerlutit aallussisumik ujartorlugillu misissussavatit.

Naalagaaffeqatigiinnermi Kalaallit Nunaanni innuttaasutut danskisut innuttaassuseqarputit. Tamatuma kingunerisaanik danskisut innuttaassusillit allat assigalugit inunnut ikiorsiissutinik pissarsisinnaavutit.
Pisinnaatitaaffitit aammalu atugarissaarnermi pisassarisatit suunersut imaluunniit ikiortissarsiorlutit sumut saaffiginnissanersutit paasiuminaassinnaavoq.


Oqalutseqarneq aamma oqaatsinik ilinniartitaaneq
Oqaatsitigut ajornartorsiutit paatsuuinerilluunniit pinngitsoorumallugit, pisortatut oqartussaasunik oqaloqateqarninni oqalutseqarnissat iluaqutaasumik toqqarsinnaavat.

Oqalutseqarneq pillugu annertunerusumik uani atuagaqarit


Danskisut oqaatsinik piginnaasavit pitsanngorsarnissaannut aamma periarfissaqarputit, Danmarkimut nuuttut nunami allamiut assigalugit danskisut ilinniartinneqarnikkut. Kommunimut saaffiginninnikkut paasissutissat annertunerusut pissarsiarineqarsinnaapput.

Oqaatsinik ilinniartitsineq pillugu annertunerusumik uani atuagaqarit


Kulturit suliffeqarnerlu assigiinngillat
Kalaallit danskillu kulturiat assigiinngillat. Taamaammat kulturikkut assigiinngissutsit iserfiginissaat isumassarsiatsialaassaaq, ilutigisaanillu Danmarkimut nuunnissaq toqqarsimagukku ikiortissat tapersersortissallu sumiinneri paasisaqarfigisinnaavatit.

Kalaallit Nunaanni ilinniakkat ilaat Danmarkimi akuerisaanngillat, taamaattumik pisariaqarsinnaavoq ilinniagarisat qaffassarfigisariaqarit. Danmarkimi maannakkut suliffissaaleqineq annertuvoq, suliffissarsisinnaanissarlu ajornakusoorsinnaalluni. Tamanna pingaartumik ilinniagaqarsimanngitsunut atuuppoq, pingaartumik danskisut oqalussinnaanngikkaanni ilisarisimasaqanngikkaannilu.

Kulturikkut assigiinngissutsit pillugit annertunerusumik uani atuagaqarit


Inunnut atugarliortunut neqeroorutit
Danmarkimi kalaallinut inuttut atugarliortunut neqeroorutit arlallit pigineqarput, taakku pisortatut oqartussaasunit namminersortuniillu tunniunneqartarput. Periarfissat neqeroorutillu assigiinngitsut pillugit paasissutissat ajornannginnerusumik pissarsiarineqarsinnaanerat siunertaralugu nittartakkat arlallit ataatsimoortillugit katersorneqarsimapput.

Neqeroorutit pillugit annertunerusumik uani atuagaqarsinnaavutit

Allaaserisat attuumassutillit