Inissialiornermut tapiissuteqartarneq (Boligstøttehuse) aqqutigalugu illuutit – Attartortitsineq

Inissialiornermut tapiissuteqartarneq (Boligstøttehuse) aqqutigalugu illuutit – Attartortitsineq 

Inissialiornermut tapiissuteqartarneq aqqutigalugu illuut tassaavoq illu, inissialiornermut tapiissuteqartarnermik aaqqissuussineq atorlugu sananeqarsimasoq. Tassa imaappoq illumik piginnittoq Namminersorlutik Oqartussanit illumik sananissamut aningaasanik taarsigassarsisimassaaq, Namminersorlutik Oqartussallu illu qularnaveeqqutigalugu. Taamaammat taarsigassarsiarisat nalikillilerneqarnissaat imaluunniit taarsigassarsiarisat tamakkiisumik akilersimanissaat tikillugu, Namminersorlutik Oqartussanut arlalinnik pisussaaffeqartoqartarpoq. Namminersorlutik Oqartussat sinnerlugit inissialiornermut tapiissuteqartarnermik aaqqissuussineq INI-mit aqunneqarpoq. Tamatuma kingunerisaanik inissialiornermut tapiissuteqartarneq aqqutigalugu illuummik piginnittutut INI attaveqarfigisartussaavat.


Piffissami sivikinnerusumi inissialiornermut tapiissuteqartarneq aqqutigalugu illuutinniit nuussaguit, illuutit attartortissinnaavat. Assersuutigalugu makkuninnga patsiseqarsinnaavoq:
  • Ilinniagaqarneq
  • Suliffeqarneq
  • Pineqaatissinneqarsimasunut inissiisarfimmiikkallarneq
  • Patsisit allat


Inissialiornermut tapiissuteqartarneq aqqutigalugu illuutit taamaallaat ukioq ataaseq attartortissinnaavat. Sumiiffimmi allami ilinniarnermut atatillugu attartortitsinermi  ilinniarnerup sivisussusia tamakkerlugu akuersissuteqartoqarsinnaavoq. Attartortitsineq sivitsorusukkukku ukiut tamaasa qinnuteqartartussaassaatit. Aallaavigalugu illuutit sivisunerpaamik ukiuni pingasuni attartortissinnaavat, piffissamilu attartortitsiviusumi ineqarnermut atatillugu meeqqanut tapiissutinik tunniussisoqarneq ajorpoq.


Illuit attartortinnerata nalaani akiligassat illit tigusassavatit. Taama pineqassaatit pissutigalugu:

  • Illit illu pigigakku
  • Illu suli akisussaaffigigakku aamma akiligassat akilerneqarnissaat akisussaaffigalugu


Illunnik attartortup attartornermi uppernarsaammik takutitsinikkut kommunimit ineqarnermut tapiiffigineqarnissamik qinnuteqarsinnaavoq.



Piumasaqaatit

Inissialiornermut tapiissuteqartarneq aqqutigalugu illuutigisamik attartortitsiniaraanni:

  • Attartortitsineq INI-mit akuerineqassaaq
  • Illu sillimmaserneqarsimassaaq



Qinnuteqarneq

Inissialiornermut tapiissuteqartarneq aqqutigalugu illuutit imaluunniit nammineerluni illuliaq pigisat attartortinniarukku, qinnuteqaammik sanassaatit, taannalu najukkanni INI-p allaffianut tunniutissavat. Qinnuteqaammi allassavatit:

  • Illu qaqugumiit qaqugumut attartortinneqassanersoq
  • Sooq illu attartortinneqarniarnersoq
  • Illit najugaqarfigilikkat nutaaq nalunaarutigissavat
  • Illumik attartortussap aqqa inuuialu
  • Attartortup akissarsiaasa allagartai kingulliit pingasut
  • Piffissami attartorfiusumi illup aserfallatsaalinissaanut pilersaarut akiliisarnissarlu


Qinnuteqaammut ilanngullugit nassiutissavatit:

  • Attartortoq ineqarnermut tapiissutinik pisassappat, inimut tapiissutinik kommunip tunniussinerata nuutinnera
  • Illup sillimmasernerani akiliutaasup uppernarsaataa kingulleq


Attartornermi akiliutissap annertussusissaa aamma attartornermi uppernarsaatip suliarineranut illit attartortullu atsiugassassinnut INI-mullu utertitassassinnut INI ikiuussinnaavoq.

Allaaserisat attuumassutillit

INI A/S
E-mail: ini@ini.gl
Oqarasuaat: 70 10 00
Fax: 86 57 00

Ammasarfii:
Ataasinngornermiit tallimanngornermut 08.00 - 16.00
Inissialiornermut tapiissuteqartarneq 10.00 - 14.00

Toqqaannartumik sianerfissat:
Inissiat attartortittakkat: 70 10 00, 1 tooriarlugu 1 toorlugu
Inissialiornermut tapiissuteqartarneq aqqutigalugu illuutit (Boligstøttehuse): 70 10 00, 1 tooriarlugu 2 toorlugu
Saaffiginnittarfik: 70 10 00, 1 tooriarlugu 9 toorlugu

Nittartagaq: www.ini.gl