Atortulersuutit oqimaatsut errorsisarfiillu

Nalinginnaasumik paasissutissiineq 

INI-p inissiaataa attartortittagaq tassaavoq pisortat inissiaataat attartortittagaq, Namminersorlutik Oqartussanit imaluunniit kommuninit pigineqartoq aammalu INI-mit aqunneqartoq. Tassa imaappoq INI-p inissiamut tunngasut nalinginnaasut amerlasuut isumagisarpai.

Naak attartortutut najugaqaraluarlutit – tassa inissiarisat nammineq piginagu – illit kissaatigisatit malillugit inissiarisat allanngortitissallugu periarfissaqarputit. Imaassinnaavoq assersuutigalugu atortulersuutinik oqimaatsunik ikkussinissat kissaatigigit, assersuutigalugu:
• Errorsivik
• Erruivik
• Panersaat

Inissianni atortulersuutinik oqimaatsunik ikkussuilersinnak INI-mit akuersissummik peqaqqaassaatit. Atortulersuutit oqimaatsut ikkussortinneri nammineq akilissavatit kiisalu errorsivimmik imaluunniit erruivimmik ikkussiniarluni igaffimmi sikaavimmik illuartittariaqarsimasat nuunnermi iluarseqqinnissaa akilissallugu.

Sanasumit akiligassap allagartaa inaalissavat, pissutigalugu ikkussorsimasap suliareqqinneratigut nuunnermi inissiavit pitsanngorsarneqarnera utertinneqarsinnaammat.
Pitsanngorsaanerit qaammammut 1 %-imik akilersorneqartarput, soorlu qularnaveeqqusiinertut.

Erruiviit aamma errorsiviit pillugit immikkut ittumik paasissutissat 

Inissiani tamani erruiviit imaluunniit errorsiviit ikkussinnaanerat ajoraluartumik teknikkikkut periarfissaaneq ajorput. Erruivimmik imaluunniit errorsivimmik ikkussisinnaanermut akuersissummik pissarsisimaguit, illit:
• Ikkussugassap ikkunnissaanut atatillugu akuerisaasumik sulisartumik (nalinginnaasuuvoq innaallagisserisoq) atuissaatit
• Imermut matusaammik peqartoqassaaq (Water Block)
• Erngup kuuttoorsinnaaneranut pooruseqassaaq

Errorsivik ikkunneqareerpat tamanna nakkutilliisumit akuerineqassaaq.

Qinnuteqarneq 

Akuersissummik qinnuteqarniaruit errorsivimmik, erruivimmik panersaammillu qinnuteqarnissamut immersugassaq immersussavat.

Errorsivimmik, erruivimmik panersaammillu ikkussinissamut qinnuteqaat

Qinnuteqarnermi immersugassaq immersoreerukku, najukkanni INI-p allaffeqarfianut nassiutinngikkukku tunniutissavat.

Matuma kingorna ineqarfinni immikkoortortaqarfimmi nakkutilliisup illit inissianni atortulersuutinik oqimaatsunik ikkussuinissamut teknikkikkut periarfissaqarnersoq nalilersussavaa.
INI A/S
E-mail: ini@ini.gl
Oqarasuaat: 70 10 00
Fax: 86 57 00

Ammasarfii:
Ataasinngornermiit tallimanngornermut 08.00 - 16.00
Inissialiornermut tapiissuteqartarneq 10.00 - 14.00

Toqqaannartumik sianerfissat:
Inissiat attartortittakkat: 70 10 00, 1 tooriarlugu 1 toorlugu
Inissialiornermut tapiissuteqartarneq aqqutigalugu illuutit (Boligstøttehuse): 70 10 00, 1 tooriarlugu 2 toorlugu
Saaffiginnittarfik: 70 10 00, 1 tooriarlugu 9 toorlugu

Nittartagaq: www.ini.gl