INI-p inissiaataa attartortittagaq – Sillimmatitut akiliut

INI-p inissiaataa attartortittagaq – Sillimmatitut akiliut 

INI-p inissiaataa attartortittagaq tassaavoq pisortat inissiaataat attartortittagaq, Namminersorlutik Oqartussanit imaluunniit kommuninit pigineqartoq aammalu INI-mit aqunneqartoq. Tassa imaappoq, INI-p inissiamut tunngasut nalinginnaasut isumagisarpai, assersuutigalugu sillimmatitut akiliutinnik aqutsineq.

Inissiamik attartortittakkamik tunineqaruit, iserterlutit nuunnissat sioqqullugu sillimmatitut akiliut akilissavat. Sillimmatitut akiliutip naligaa qaammatini pingasuni inissiamut akiliutaasartoq. Sillimmatitut akiliut inissiamit anillutit nuunnerpit kingorna inissiap iluarsartuunneranut aningaasartuutaasinnaasut matussusernissaannut atorneqartarput. Tamakku assersuutigalugu aningaasartuutaasinnaapput makkununnga:
  • Iikkat qilaallu qalipannerannut
  • Natermik lak-erinermut
  • Inissiami ajoqusernerit iluarsinerannut, assersuutigalugu matut nutaat imaluunniit iikkami putut

Illit inissiarisanniit anillutit nuuttussanngoruit, illit inissiat INI-mit nakkutilliisumit misissorneqassaaq. Matuma kingorna illit sillimmatitut akiliutit tamakkiisoq imaluunniit ilaannaa utertillugu tigussanerit imaluunniit inissiap iluarsartuunneranut tamakkerlugu atorneqassanersoq nalilersorneqassaaq.


Malugiuk
Qaammatit 12-it tikillugit sivisussusilimmik sillimmatitut akiliut naafferartumik akilersorsinnaavat. Taamaattoq naafferartumik aaqqissuussineq atorniarukku akiliuteqartoqassaaq. Akiliutissaq 500 kr.-iuvoq taassumalu saniatigut naafferartumik aaqqissuussinermut ilaasumik qaammatit tamaasa 50 kr.-i ilanngunneqartassalluni.

Ukiumut 180.000 kr.-it inorlugit akissarsiaqarsimaguit akiliutissaq akilertassanngilat.
A/S INI
E-mail: ini@ini.gl
Oqarasuaat: 70 10 00
Fax: 86 57 00

Ammasarfii:
Ataasinngornermiit tallimanngornermut 08.00 - 16.00
Inissialiornermut tapiissuteqartarneq 10.00 - 14.00

Toqqaannartumik sianerfissat:
Inissiat attartortittakkat: 70 10 00, 1 tooriarlugu 1 toorlugu
Inissialiornermut tapiissuteqartarneq aqqutigalugu illuutit (Boligstøttehuse): 70 10 00, 1 tooriarlugu 2 toorlugu
Saaffiginnittarfik: 70 10 00, 1 tooriarlugu 9 toorlugu

Nittartagaq: www.ini.gl