Attartortittakkamik tunniussineq pillugu qinnuteqaat

Nalinginnaasumik paasissutissiineq 

INI-p inissiaataa attartortittagaq tassaavoq pisortat inissiaataat attartortittagaq, Namminersorlutik Oqartussanit imaluunniit kommuninit pigineqartoq aammalu INI-mit aqunneqartoq. Tassa imaappoq INI-p inissiamut tunngasut nalinginnaasumik amerlasuut isumagisarpai, assersuutigalugu attartornerup tunniunneranik akuersineq.

INI-mi attartornerit nammineerlutit unitsissimagukku, illit qanigisavit ilaannut inissiarisat tunniussinnaavat.

Piumasaqaatit 

Illit inooqatinnut, imaluunniit najugaqatinnut inissiat tunniussinnaavat:
• Meeqqatit
• Qatanngutitit
• Inooqatit imaluunniit inooqatigisimasat
• Illooqqatit

Taassuma saniatigut inuk inissiamik tigusisoq:
• Sivikinnerpaamik ukiuni marlunni ilinni inissiami najugaqataasimassaaq
• 18-it sinnerlugit ukioqassaaq

Qinnuteqarneq 

Inissiarisat tunniukkusukkukku najukkanni INI-p allaffeqarfianut qinnuteqaat allaganngugaq nassiulluguluunniit tunniutissavat.

Qinnuteqaammut tassunga ilanngutissavatit inuup inissiamik tigusisussatut kissaatigisavit najugaqarnermut uppernarsaataa. Najugaqarnermut uppernarsaatip uppernarsassavaa, inuk tunniussiffigerusutat sivikinnerpaamik ukiuni marlunni illit inissiami attartukkanni ilinnut najugaqataasimasoq.

Qinnuteqaatit INI-p suliarereerpagu, akissummik allaganngukkamik nassiussarsissaatit.
INI A/S
E-mail: ini@ini.gl
Oqarasuaat: 70 10 00
Fax: 86 57 00

Ammasarfii:
Ataasinngornermiit tallimanngornermut 08.00 - 16.00
Inissialiornermut tapiissuteqartarneq 10.00 - 14.00

Toqqaannartumik sianerfissat:
Inissiat attartortittakkat: 70 10 00, 1 tooriarlugu 1 toorlugu
Inissialiornermut tapiissuteqartarneq aqqutigalugu illuutit (Boligstøttehuse): 70 10 00, 1 tooriarlugu 2 toorlugu
Saaffiginnittarfik: 70 10 00, 1 tooriarlugu 9 toorlugu

Nittartagaq: www.ini.gl