Sulisunut inissiamik tigusinissamut qinnuteqarneq

Nalinginnaasumik paasissutissiineq 

Pisortani aalajangersimasumik sulisuusut ilaat suliffimmut atasumik ineqarnissamut pisinnaatitaapput. Suliffimmut atatillugu inissiat amerlanerpaat INI-mit aqunneqarput, assersuutigalugu sulisunut inissiamik tigusinissamut qinnuteqarnerit.

Suliffimmut atatillugu inissiami najugaqaruit INI-mit aqunneqartumik, inissiamik pissarsiniarluni nalinginnaasumik utaqqisut allattorsimaffiannut allatsissinnaavutit. Inissiamut nalinginnaasumut neqeroorfigineqarnerit aallartippat, nuunnissaq toqqarsinnaavat imaluunniit suliffimmut atatillugu inissiaq nalinginnaasumut inissiamut allanngortissinnaavat.

Piumasaqaatit 

Suliffinnut atatillugu inissiarisat taamaallaat inissiamut nalinginnaasumut allanngortissinnaavat, suliffimmut atatillugu inissiami tassanerpiaq ukiut tallimat sinnerlugit najugaqarsimaguit. Taamaattoq suliffiit assigiinngitsut aqqutigalugit suliffimmut atatillugu inissiamik peqarsimassaatit.

Suliffinnut atatillugu inissiarisat utaqqisut allattorsimaffiat aqqutigalugu inissiatut nalinginnaasutut ilinnut neqeroorutigineqarpat, inissiatut nalinginnaasutut tigusinnaavat.

Soraarnerussutisiaqalernermi allannguineq
Suliffinnut atatillugu inissiarisat nalinginnaasumik inissiamut allanngortikkumagukku, soraarnerussutisiaqalernissat pissutigalugu, suliffimmut atatillugu inissiami tassanerpiaq ukiuni pingasuni najugaqareersimassaatit. Taama iliortoqarsinnaavoq taamaallaat illit:
• Utoqqalinermi soraarnerussutisiaqaleruit
• Tjenestemanditut soraarnerussutisiaqaleruit
• Siusinaartumik sulisinnaajunnaarnersiutisiaqaleruit

Malugiuk
Pisortanut inissiat, aalajangersimasunut inissiarititat, suliffimmut atatillugu inissiatut taaneqartut aamma inissiat immikkoortitat inissianut nalinginnaasunut allanngortinneqarsinnaanngillat. Tamanna aamma atuuppoq ukununnga innersuussinernut:
• Naalagaaffimmi atorfillit
• Naalakkersuisunut ilaasortat
• Namminersorlutik Oqartussani pisortat
• Peqqinnissaqarfimmi sulisut, tassanilu Peqqinnissaqarfik inissiamut innersuussisussaatitaaguni

Qinnuteqarneq 

Suliffimmut atatillugu inissiaq tigujumagukku, najukkanni INI-p allaffeqarfianut qinnuteqaatit allaganngugaq nassiulluguluunniit tunniutissavat.

Inissiaq tigugukku attartortutut isumaqatigiissutinnut ilassutitut isumaqatigiissut illit INI-lu atsiussavarsi. Attartornermut isumaqatigiissut nutaaq atsiorneqassanngilaq. Saniatigut makku atuupput:
• Inissiaq nalinginnaasumik iluarsartuunneqassanngilaq misissorneqaranilu
• Qularnaveeqqummik akiliisoqassanngilaq
INI A/S
E-mail: ini@ini.gl
Oqarasuaat: 70 10 00
Fax: 86 57 00

Ammasarfii:
Ataasinngornermiit tallimanngornermut 08.00 - 16.00
Inissialiornermut tapiissuteqartarneq 10.00 - 14.00

Toqqaannartumik sianerfissat:
Inissiat attartortittakkat: 70 10 00, 1 tooriarlugu 1 toorlugu
Inissialiornermut tapiissuteqartarneq aqqutigalugu illuutit (Boligstøttehuse): 70 10 00, 1 tooriarlugu 2 toorlugu
Saaffiginnittarfik: 70 10 00, 1 tooriarlugu 9 toorlugu

Nittartagaq: www.ini.gl