INI-p inissiaataanik attartortittakkamik attartortup allamut attartortitsisarnera – Qinnuteqarneq

INI-p inissiaataanik attartortittakkamik attartortup allamut attartortitsisarnera – Qinnuteqarneq 

INI-p inissiaataa attartortittagaq tassaavoq pisortat inissiaataat attartortittagaq, Namminersorlutik Oqartussanit imaluunniit kommuninit pigineqartoq aammalu INI-mit aqunneqartoq. Tassa imaappoq INI-p inissiamut tunngasut nalinginnaasut amerlasuut isumagisarpai, assersuutigalugu attartortup allamut attartortitsineranik isumaginninneq.

Illit inissiarisat attartortutut allamut attartortikkumagukku, immersugassaq immersussavat:

Allamut attartortitsisinnaanermut qinnuteqarneq

Immersugassami allassavatit:
  • Illit inissiarisaq kimut attartortinniarnerlugu
  • Inissiami qanoq amerlatigisut najugaqassanersut
  • Attartorneq qanoq sivisutigissanersoq
  • Attartukkami najugaqarneq qanoq akeqassanersoq
  • Qularnaveeqqusiissut akilerneqassanersoq
  • Illit najugaqarfissat, illit inissiannik attartortitsinivit nalaani

Immersugaq najukkanni INI-p allaffeqarfianut tunniutissavat nassiulluguluunniit.

Illit inissiarisavit attartortutut allamut attartortissinnaanera akuerineqarpat, allamut attartortitsinermi isumaqatigiissut illit attartortorlu atsiussavarsi.


Malugiuk
Illit inissiarisat allamut attartortikkukku, inissiamut suli illit akisussaasuussaatit. Tamatuma kingunerisaanik assersuutigalugu akisussaaffigaat:
  • Ineqarnermut akiliut kiisalu kiassarnermut imermullu akiligassat piffissamut akilerneqartarnissaat
  • Inissiami ajoqusertoqarpat, attartortumit piliarineqartut pitsanngorsarnissaat

Suliffimmut atatillugu inissiami najugaqaruit, inissiap allamut attartortissinnaaneranut sulisitsisunnit akuersissummik pissarsisussaavutit.
A/S INI
E-mail: ini@ini.gl
Oqarasuaat: 70 10 00
Fax: 86 57 00

Ammasarfii:
Ataasinngornermiit tallimanngornermut 08.00 - 16.00
Inissialiornermut tapiissuteqartarneq 10.00 - 14.00

Toqqaannartumik sianerfissat:
Inissiat attartortittakkat: 70 10 00, 1 tooriarlugu 1 toorlugu
Inissialiornermut tapiissuteqartarneq aqqutigalugu illuutit (Boligstøttehuse): 70 10 00, 1 tooriarlugu 2 toorlugu
Saaffiginnittarfik: 70 10 00, 1 tooriarlugu 9 toorlugu

Nittartagaq: www.ini.gl