INI-p inissiaataani attartortittakkani imeq aamma kiassarneq – Akinik allannguinerit

INI-p inissiaataani attartortittakkani imeq aamma kiassarneq – Akinik allannguinerit 

INI-p inissiaataa attartortittagaq tassaavoq pisortat inissiaataat attartortittagaq, Namminersorlutik Oqartussanit imaluunniit kommuninit pigineqartoq aammalu INI-mit aqunneqartoq. Tassa imaappoq INI-p inissiamut tunngasut nalinginnaasut amerlasuut isumagisarpai, assersuutigalugu Nukissiorfiit sinnerlugit imermut kiassarnermullu akiligassanik akileeqqusineq.

Ilaqutariinnut amerlasuunut illut (inissiarsuit aamma uiguleriiaat) nutartigaanngitsut, namminneerlutik imermut kiassarnermullu uuttuutinik peqanngillat. Tamatuma kingunerisaanik ataasiakkaat imermik kiassarnermillu atuinerat uuttorneqarsinnaanngilaq. Paarlattuanik illit atuinerpiannut akiliuteqarnissannut taarsiullugu qaammatit tamaasa imermut kiassarnermullu siumoortumik akiliuteqartarputit.

Imermut kiassanermullu atuinermut siumoortumik akiliut naatsorsorneqartarpoq makku tunngavigalugit:
  • Illit inissiavit angissusia
  • Inissiavit inissisimanera
  • Imermut kiassarnermullu akigititat
  • Olie-p akia

Imermut, kiassarnermut aamma olie-mut akit qaffakkaangata apparaangataluunniit, imermut kiassarnermullu siumoortumik akiliut nalimmassarneqartarpoq, taamaaliornikkut qulakkeerneqartarpoq illit imermut kiassarnermullu siumoortumik akiliutigisat annertuallaarnanilu annikippallaanngitsoq.

INI-p allannguutit nalunaarutigisarpai kingusinnerpaamik allannguinerit atuutilernissaat sapaatit akunnerinik pingasunik sioqqutsisumik.

Allaaserisat attuumassutillit

INI A/S
E-mail: ini@ini.gl
Oqarasuaat: 70 10 00
Fax: 86 57 00

Ammasarfii:
Ataasinngornermiit tallimanngornermut 08.00 - 16.00
Inissialiornermut tapiissuteqartarneq 10.00 - 14.00

Toqqaannartumik sianerfissat:
Inissiat attartortittakkat: 70 10 00, 1 tooriarlugu 1 toorlugu
Inissialiornermut tapiissuteqartarneq aqqutigalugu illuutit (Boligstøttehuse): 70 10 00, 1 tooriarlugu 2 toorlugu
Saaffiginnittarfik: 70 10 00, 1 tooriarlugu 9 toorlugu

Nittartagaq: www.ini.gl