Erninermi sulinngiffeqarnerup kipitinneqarnera

Erninermi sulinngiffeqarnerup kipitinneqarnera  

Erninermut atatillugu sulinngiffeqarneq tassaavoq piffissaq, meeqqap inunngorneranut atatillugu angajoqqaanngortut imaluunniit meeravissiartaartut meeqqamik paarsinissamut suliffimminnit sulinngiffeqarallarsinnaanermut pisinnaatitaaffiusoq. Pisinnaatitaaffiup pigiinnarnissaanut maleruagassat arlaqartut eqquutsinneqassapput. Taamaattoqanngippat sulinngiffeqarneq unitsinneqartutut isigineqassaaq. Assersuutigalugu tamanna atuutilissaaq sulinngiffeqarnerup nalaani

  • sulileqqikkaanni
  • sulinngiffeqaraanni imaluunniit sulinngiffeqarnermi aningaasarsiassat tunniunneqarpata
  • atuartitsinermi ilinniakkamiluunniit peqataagaanni


Erninermut atatillugu sulinngiffeqarnerit unitsikkukku, piffissaq sulinngiffeqarnissap sinnera atorunnaarsinnaavoq. Tamatuma kingunerisaanik piffissap sinnerani ullormusianik pisartagaqarnissamut pisinnaatitaaffeqarnerit annaassavat.


Sulileqqinneq
Inuit amerlasuut sulinermut isumaqatigiissutigisartik malillugu erninermut atatillugu sulinngiffeqarnerminni akissarsiaqaannarnissamut pisinnaatitaaffeqarput. Illit erninermut atatillugu sulinngiffeqarnivit nalaani akissarsiaqaruit, piffissaq akissarsiaqarfigisat naappat aatsaat piffissaq ullormusiaqalerfiit aallartissaaq. Taamaallaanuna piffissami ullormusiaqarfigisanni sulileqqissinnaanngitsutit, taamaalillutillu sulinngiffeqarnerit unitsillugu.

Sulinngiffeqarnerit unitsissanngilat

  • killilimmik innuttaasutut pisussaaffinnik ingerlatsiguit, assersuutigalugu atuarfimmi siulersuisutut imaluunniit kommunalbestyrelse-mi ilaasortatut
  • piffissami sivikitsumi sulinermut attuumassuteqartumik pikkorissarnerni, ataatsimeersuarnerni, qulequtaqarluni ulloqarnerni assigisaanniluunniit


Sulinngiffeqarneq aamma sulinngiffeqarnermi aningaasarsiat
Piffissami ullormusiaqarfinni sulinngiffeqaruit imaluunniit sulinngiffeqarnermi aningaasarsiguit, erninermut atatillugu sulinngiffeqarninnik unitsitsinertut tamanna isumaqarpoq. Taamaattumik piffissap ullormusiaqarfiusup naanissaanut sulinngiffeqarnermi aningaasarisassat tigunissaat utaqqissuttariaqarpat.


Atuartitaaneq ilinniartitaanerlu
Ilinniartuuguit, erninermut atatillugu sulinngiffeqarnerup unitsinneranik kinguneqanngitsumik, atuartitsinermi annikitsumik peqataasinnaavutit. Annikitsumik peqataaneq assersuutigalugu tassaasinnaavoq

  • ilinniaqatigisanik ataatsimeeqateqarneq
  • atuartitsineq suugaluartorluunniit
  • immikkut ittumik allaaserisamik allanneq
  • imaluunniit soraarummeernermi peqataaneq

Allaaserisat attuumassutillit

Kommune Kujalleq
Postboks 514
3920 Qaqortoq
Oqarasuaat: 704 100
Fax.: 704 177
E-mail: kommune@kujalleq.gl
http://www.kujalleq.gl