Angerlarsimaffimmi ikiorteqarneq – Qinnuteqarneq

Angerlarsimaffimmi ikiorteqarneq – Qinnuteqarneq 

  • Kommune Kujalleq

    Qinnuteqarneq
    Angerlarsimaffimmi ikiortimik qinnuteqarniaruit, illit najukkanni innuttaasunut sullissivik imaluunniit nunaqarfimmi allaffik attaveqarfigissavat.

Angerlarsimaffimmi ikiorteqarneq tassaavoq nammineq angerlarsimaffimmi inuttut ikiorneqarneq paaqqutarineqarnerlu. Assersuutigalugu uffarnermut eqqiluisaarnermullu ikiorserneqarneq kiisalu nalinginnaasumik eqqiaanermut, pisiniarnermut aamma atisanik errorsinermut ikiorsiineq. Ikiorsiineq illit ukiutit pinnagit pisariaqartitatilli aallaavigalugit annertussuseqassaaq.


Pisariaqartitsinermik nalilersuineq
Inuit assigiinngitsunik pisariaqartitsisarput aamma illit aalajangersimasumik inissisimaninnut naleqqussarluakkamik angerlarsimaffimmi ikiorserneqartussaavutit. Taamaammat angerlarsimaffimmi ikiorteqarnissat qinnuteqaatigereerukku, illit angerlarsimaffinnut pulaartoqassaatit nalilersuiartortunik. Tassani illit angerlarsimaffiit tamakkiisuusumik nalilersorneqassaaq, kiisalu sutigut suliniuteqartoqarsinnaanersoq nalilersorneqassallunittaaq.

Tassani nalilersuinermi ikiorsiissutigiumaakkap annertussusissaa, suussusissaa aamma piffissamik qanoq atuiffiujumaarnissaa nalilersorneqartarput.

Tamanna tunngavigalugu angerlarsimaffimmi ikiortip pisariaqartumik ikiorsiineq ilinnut tunniussinnaavaa. Angerlarsimaffimmi ikiortip suliassaa taamaalilluni pisariaqartitat nalilersornerannut attuumassuteqartarpoq.


Allannguineq
Angerlarsimaffimmi ikiortip pisariaqartitsinermik nalilersuineq ingerlaavartumik nutartertarpaa, taamaalilluni ikiorneqarnissaq illit nikerartumik pisariaqartitannut naleqquttoq tamatigut pisinnaaniassagakku.

Pisariaqartitatit annertunerusumik nalilersorneqarnissaat pisariaqartikkukku, angerlarsimaffimmi ikiorti, najukkanni innuttaasunut sullissivik imaluunniit kommunimi utoqqarnut immikkoortortaq tamatigut attaveqarfigisinnaavatit.

Allaaserisat attuumassutillit