Oqaluffimmit ilisineq

Oqaluffimmit ilisineq 

Kikkulluunniit Kalaallit Nunaanni najugaqartut, tikeraartut imaluunniit arlaatigut attuumassuteqartut qanoq upperisaqarneq apeqqutaatinnagu, kalaallit iliveqarfianni ilisaasinnaapput. Kristumiuusup ilisaanerani palasi isumaginnittuuppat, taava tamanna oqaluffikkoortumik ilisineruvoq.


Piumasaqaatit
Naalagiarnertalimmik ilisaajumagaanni toqukkut qimaguttoq ilagiinni ilaasortaassaaq.


Toqusoqarneranik uppernarsaat
Toqusoqartillugu nakorsaq toqusoqarneranik uppernarsaasoq, toqusoqarneranik uppernarsaammik sanassaaq. Matuma kingorna toqusoqarneranik uppernarsaat najukkami oqaluffiup allaffianut nassiunneqassaaq. Toqukkut qimaguttoq palaseqarfimmi allami angerlarsimaffeqarsimappat, toqusoqarneranik uppernarsaat tassunga ingerlateqqinneqassaaq. Assersuutigalugu inuk Nuummeersoq Danmark-imi toquppat, Danmark-imi napparsimmaveqarfik toqusoqarneranik uppernarsaammik sanassaaq, taanna Danmark-imi najukkami oqaluffiup allaffianut nassiunneqassaaq matumalu kingorna tassanngaanniit toqusoqarneranik uppernarsaat Nuummi oqaluffiup allaffianut nassiunneqassaaq.

Toqusoqarneranik uppernarsaat, toqukkut qimaguttup qanoq upperisaqarnera apeqqutaatinnagu, oqaluffiup allaffiata tigussavaa. Toqusoqarneranik uppernarsaat oqaluffiup allaffiata tigoreeruniuk, taakku toqusoqarnera pillugu oqartussaasunut nalunaassapput.


Ilisinissap piareersarnera
Toqukkut qimaguttup naalagiarnertalimmik ilineqarnissaq kissaatigisimappagu, toqukkut qimaguttup najugaani oqaluffiup allaffia attaveqarfigissavat. Ilisinissaq qaqugu qanorlu ililluni ingerlanneqassanersoq palasimut isumaqatigiissutigissavat. Palasip oqaloqatiginerani tussiutit sorliit ilisinermi atorneqassanersut isumaqatigiissutigissavarsi. Toqukkut qimaguttup palaseqarfimmi najugaani arlalinnik oqaluffeqarpat, ilisineq oqaluffimmit sorlermit ingerlanneqassanersoq aamma isumaqatigiissutigissavarsi.

Toqukkut qimaguttoq ilagiinni ilaasortaanngippat, ilaqutaasulli naalagiarnertalimmik ilisinissaq kissaatigippassuk, palasi ajoqiluunniit toqusut inaanni imaluunniit oqaluffimmi naatsumik naalagiartitsisinnaavoq.

Oqaluffiup allaffianut saaffiginnikkuit, toqukkut qimaguttup kuisinnermut, ateqarnermut imaluunniit katinnermut uppernarsaataa nassassavat.

Oqaluffiup allaffiata isumagissavai:

  • Ilisiartornermi bus-imik ingerlanneqarnissap aaqqissuunnera
  • Ilisisoqarnissaanik nalunaaruteqarneq
  • Illerfiup oqaluffimmiit iliveqarfimmut ingerlanneqarnera
  • Iliveqarfimmi assaasussat


Illerfissarsiutileqatigiit
Toqukkut qimaguttoq illerfissarsiutileqatigiiffimmi ilaasortaasimappat, peqatigiiffik attaveqarfigissavat. Ilaasortaq toqugaangat ilisinermut aningaasartuutit illerfissarsiutileqatigiiffiup akilertarpai, tamanna qimataasunut iluaqutaasarpoq ilisineq akisusinnaasarmat.


Malugiuk
Toqukkut qimaguttup upperisamut allamut ilaasortaappat, assersuutigalugu pinse-siortut oqaluffianni, ilisinissap aaqqissuunnissaanut tassunga saaffiginnissaatit.


Allaaserisat attuumassutillit

Kommune Kujalleq
Postboks 514
3920 Qaqortoq
Oqarasuaat: 704 100
Fax.: 704 177
E-mail: kommune@kujalleq.gl
http://www.kujalleq.gl

Palaseqarfik