Atermik allannguineq

Atermik allannguineq 

Nutaamik atertaarusukkuit qanoq ateqassanerlutit isumaliutigilluaqqaartariaqarpat. Aternut akuerisaasimasunut illit atit taamaallaat allanngortissinnaavat. Dansk-it aqqi akuerisaasut allassimaffiat familiestyrelse-p nittartagaani nassaarisinnaavat. Oqaasileriffiup nittartagaani kalaallit aqqi akuerisaasut allassimaffiat inniminnersinnaavat.

Siuliaqutit, ativit ilaat imaluunniit kinguliaqutit allanngortinniarukku qinnuteqaativit suliarinissaani tamatuminnga oqartussaaffeqarfiup sorliup suliarinninnissaanut aalajangiisuussaaq.


Oqaluffiup allaffia
Najukkanni oqaluffiup allaffia saaffigissavat, allanngortinniarukkit:

  • siuliaqutit (atit arlariit)
  • imaluunniit angajoqqaavit arlaata kinguliaqutaa kinguliaqutitaariniarukku ativilluunniit ilaannut ilanngunniarukku


Eqqaamassavat nassassagakkit:

  • Kuisinnermut allagartat imaluunniit ateqarninnut uppernarsaatip piviusortaa (original)


Oqaluffiup allaffiani immersugassaq immersussavat.

Matuma kingorna kuisinnermut allagartat imaluunniit ateqarninnut uppernarsaatip piviusortaa immersugassarlu palaseqarfimmi illit inunngorfigisimasanniittumut kuisiffigisimasanniittumulluunniit oqaluffiup allaffianut nassiutissavat.


Katittarnermut oqartussat
Katiffigisimasanni katittarnermut oqartussat saaffigissavatit, kissaatigigukku

  • aappavit kinguliaqutaa kinguliaqutitaarissallugu, imaluunniit
  • katinneq sioqqullugu nammineq kinguliaqutit kinguliaqutitaareqqinniarukku


Katittarnermut oqartussat tassaasinnaapput kommune imaluunniit palaseqarfik.

  • Oqaluffimmi katissimagussi, illoqarfinni oqaluffiup allaffia saaffigissavat
  • Kommunip allaffiani katissimagussi, kommunip allaffianut saaffiginnissaatit


Kalaallit Nunaanni Naalagaaffiup Sinniisua
Ativit ilaat imaluunniit kinguliaqutit allanngortinniarukku Kalaallit Nunaanni Naalagaaffiup Sinniisuanut saaffiginnissaatit. Tamanna assersuutigalugu

  • angajoqqaavit, angajoqqaarsiavit, angajoqqaavit angajoqqaavisa taakkualuunniit angajoqqaavisa aqqat atertaarerusukkukku
  • nutaarluinnarmik pilersitamik kinguliaqutertaarniaruit, imaluunniit
  • illit aappavillu kinguliaqutisi akunnermikkut kittoraaserlugit kinguliaqutertaariniarussigit

Allaaserisat attuumassutillit

Palaseqarfik