Inuttaqarniarnikkut nakkutilliineq

Inuttaqarniarnikkut nakkutilliineq 

Aalisarsinnaanermut Akuersissutinik Nakkutilliisoqarfik (KANUAANA/GFLK) pisortat oqartussaaffigaat, qularnaassallugu aalisarneq maleruagassat naalakkersuinikkut aalajangiunneqartut malillugit ingerlanneqassasoq. Aalisarnermik nakkutilliinerup ilagaa, Inuttaqarniarnikkut nakkutilliineq.

Inuttaqarniarnikkut nakkutilliineq, kalaallit angallataanni sulisut aamma angallatini suliffiit qanoq qulakkeerneqarnissaat pillugu maleruagassaavoq. Maleruagassat kalaallit angallataannut 90 BT/50 BRT-mit anginerusunut atuupput.

Sulisorisat suliaminnut atuuffimminnullu atatillugu sukumiisumik ilinniartinneqartarnermikkut qulakkeerneqartarput.

Kalaallit Nunaannut immikkut ittumik attuumassuteqartuunissaat aallaavigalugu, angallatini suliffiit ikinnerpaamik aqumiut (officer-it) 60 % -rissagaat aamma inuttat sinneri 100 % -rissagaat qulakkeerneqartarpoq. Attuumassuteqarneq pillugu piumasaqaatinik eqquutsitsiniaruit taava

  • Kalaallit Nunaanni ukiuni kingullerni marlunni inuit allattorsimaffianniissimassaatit
  • Kalaallit Nunaanni ukiuni kingullerni marlunni tamakkiisuusumik akileraarsimassaatit


Kalaallit Nunaat ukiut kingulliit marluk iluanni ilinniarneq pissutigalugu qimassimasimagukku, inuit allattorsimaffianniissimanissaq pillugu piumasaqaat piffissamut tassunga ilanngaanneqassanngilaq.


Malugiuk
Inuttanik atorfinitsitsinermut akisussaasup inuup, maleruagassat malinneqarnissaat qulakkeertussaavaa.

Inuttat allassimaffianni takuneqarsinnaassapput, inuup aqqa, sumik atorfeqarnera, CPR-normua, kommuni najugaqarfigisaq aamma ilinniagaqarsimanermut uppernarsaatit. Allattuiffik Kalaallit Nunaanni Aalisarsinnaanermut Akuersissutinik Nakkutilliisoqarfimmut aallarnissaq sioqqullugu aamma umiarsuup ingerlarnanik nalunaarsuivik ilanngullugu nassiunneqassapput.

Aalisarnermik nakkutilliinermi suleqatigiinnissamut pisussaaffeqarputit. Taamak iliunngikkuit mianersoqqussummik tunineqarsinnaavutit imaluunniit politiinut nalunaarutigineqarsinnaavutit akiligassinneqarlutillu.

Allaaserisat attuumassutillit

Kalaallit Nunaanni Aalisarsinnaanermut Akuersissutinik Nakkutilliisoqarfik (KANUAANA)
Indaleeqqap Aqq. 3
Postboks 501
3900 Nuuk

Oqarasuaat: (+299) 34 50 00
Fax: (+299) 34 63 60
E-mail: gflk@nanoq.gl
Nittartagaq: www.naalakkersuisut.gl