Inuttaqarniarnikkut nakkutilliineq

Nalinginnaasumik paasissutissiineq 

Kalaallit Nunaanni Aalisarsinnaanermut Akuersissutinik Nakkutilliisoqarfik (KANUAANA) pisortani oqartussaaffiuvoq naalakkersuinikkut aalajangikkanik maleruagassanik tunngaveqarluni aalisarnerup ingerlanneqartarnissaanik qularnaarinnittussaq. Inuttaqarniarnikkut nakkutilliineq aalisarnermik nakkutilliinerup ilagaa.

Inuttaqarniarnikkut nakkutilliineq, kalaallit angallataanni sulisut aamma angallatini suliffiit qanoq qulakkeerneqarnissaat pillugu maleruagassaavoq. Maleruagassat kalaallit angallataannut 90 BT/50 BRT-mit anginerusunut atuupput.

Aalisarnermik nakkutilliinermi suleqatigiinnissamut pisussaaffeqarputit. Taama iliunngikkuit mianersoqqussummik tunineqarsinnaavutit imaluunniit politiinut nalunaarutigineqarsinnaavutit akiligassinneqarlutillu.

Sulisorisanik qulakkeerineq 

Sulisorisat suliaminnut atuuffimminnullu atatillugu sukumiisumik ilinniartinneqartarnermikkut qulakkeerneqartarput.

Kalaallit Nunaannut immikkut ittumik attuumassuteqartuunissat aallaavigalugu, angallatini suliffiit ikinnerpaamik aqumiut 60 %-erissagaat aamma inuttat sinneri 100 %-erissagaat qulakkeerneqartarpoq.

Attuumassuteqarneq pillugu piumasaqaatinik eqquutsitsiniaruit taava:
• Kalaallit Nunaanni ukiuni kingullerni marlunni inuit allattorsimaffianni nalunaarsorsimassaatit
• Kalaallit Nunaanni ukiuni kingullerni marlunni tamakkiisumik akileraarsimassaatit

Kalaallit Nunaat ukiut kingulliit marluk iluanni ilinniarneq pissutigalugu qimaqqasimagukku, inuit allattorsimaffianni nalunaarsorsimanissaq pillugu piumasaqaat piffissamut tassunga ilanngaanneqassanngilaq.

Malugiuk
Inuttanik atorfinitsitsinermut akisussaasup inuup, malerugassat malinneqarnissaat qulakkeertussaavaa.

Inuttat allattorsimaffianni inuup aqqa, atorfiup taagutaa, inuup normua, kommune najugaqarfigisaq aamma ilinniagaqarsimanermut uppernarsaatit takuneqarsinnaapput. Allattorsimaffik aallarnissaq sioqqullugu KANUAANA-mut aamma umiarsuup ingerlarnganik nalunaarsuivik ilanngullugu nassiunneqassapput.

Allaaserisat attuumassutillit

Kalaallit Nunaanni Aalisarsinnaanermut Akuersissutinik Nakkutilliisoqarfik (KANUAANA)
Indaleeqqap Aqq. 3
Postboks 501
3900 Nuuk

Oqarasuaat: (+299) 34 50 00
Fax: (+299) 34 63 60
E-mail: gflk@nanoq.gl
Nittartagaq: www.naalakkersuisut.gl