Nipisanniarneq

Nalinginnaasumik paasissutissiineq 

Aalisakkat ilaat immikkut aalisarneqarluartartut tassaapput nipisat. Nipisat kangerlunni uumasuupput. Ilaatigut uillut aamma siuteqqut nerisarisarpaat.

Piumasaqaatit 

Inuussutissarsiutigalugu aalisartuuguit nipisanniarnissamut akuersissummik peqartuaannassaatit.

Sunngiffimmi aalisartuuguit Kalaallillu Nunaanni ukiuni marlunni najugaqarsimallutit, nammineq atugassannik nipisanniarsinnaatitaavutit.

Nipisannik 1. marts aallarnerfigalugu 15. juli tungaanut aalisarsinnaavutit. Aalisarneq aqutsiveqarfinnut agguagaavoq. Piffissaq 16. juli aallarnerfigalugu 28. februar tikillugu nipisanniartoqarsinnaanngilaq.

Akuersissummi peqqussuteqartoqarsinnaavoq akuersissummi ataatsimi qanoq amerlatigisunik aqutsiveqarfinni aalajangersimasuni qassusersortoqarsinnaanersoq.

Nipisanniarnissamut inuussutissarsiutigalugu piniarnermut allagartaqarnissaq 2015 aallarnerfigalugu atuukkunnaarpoq. Tamanna MSC-mik nalunaaqutsersuinerup atulernissaanut ilaatinneqarpoq.

Aalisarnissamut akuersissummik qinnuteqarneq 

Sinerissamut qanittumi nipisanniarnissamut akuersissummik qinnuteqarniaruit, illit kommuninni innuttaasunut sullissivik imaluunniit inuussutissarsiornermut siunnersortimut saaffiginnissaatit.

2017-imi inuussutissarsiutigalugu sinerissamut qanittumi nipisanniarnissamut qinnuteqaat

Sinerissamut qanittumi nipisat aalisarnissaannut akuersissummik peqaruit, Kalaallit Nunaanni nunami tunitsivimmut/umiarsuarmut tunitsivimmut pisatit tamakkerlugit tulaattassavatit. Tunisigaangavit aalisarnermut akuersissut pigisat tamatigut takutittassavat.

Naammagittaalliorneq 

Isumaqaruit pissusissamisuunngitsumik itigartinneqarsimallutit, naammagittaalliorsinnaavutit uunga apn@nanoq.gl.

Kommune Kujalleq
Postboks 514
3920 Qaqortoq
Oqarasuaat: 704 100
Fax.: 704 177
E-mail: kommune@kujalleq.gl
http://www.kujalleq.gl

Aalisarnermut Piniarnermullu Naalakkersuisoqarfik
Imaneq 1A, 701
Postboks 269
3900 Nuuk

Oqarasuaat: (+299) 34 50 00
Fax: (+299) 34 63 55
E-mail: apnn@nanoq.gl
Nittartagaq: www.naalakkersuisut.gl