Danmark-imi peqatigiiffinnut nassiussisarnerit

Danmark-imi peqatigiiffinnut nassiussisarnerit 

Peqatigiiffik Danmark-imi inissisimasoq uumasunit nerisassiassanik nunatsinneersunik nassitsivigineqarsinnaavoq, pineqartut ilaasortanit allattorneqarfiit naapertorlugit nalunaarsorneqarsimasut nammineq atugassaattut pissarsiarineqarsimappata.

Peqatigiiffinnut nassiussat poortorneqarnermikkut immikkuutitaarnikkut imatut annerpaamik oqimaassuseqarsinnaapput:
  • Neqit neqiniillu tunisassiat 5 kg
  • Immuit immunniillu tunisassiat 5 kg
  • Aalisakkanit tunisassiat aalisakkallu ilivitsut 5 kg aamma
  • Tunisassiat allat (soorlu manniit honning-ilu) 5 kg

Peqatigiiffiup siunertarisariaqarpaa poortukkat ataasiakkaat peqatigiiffiup ilaasortanut allattaaviinut allattorneqarsimasunut ingerlateqqinnissaat. Peqatigiiffinnut nassiunneqarsinnaasut qanoq annertutigissanerat pillugu aalajangersaasoqarsimanngilaq, taamaattorli ilaasortat ataasiakkaat nassiussarsiassaat qulaani taaneqartut qaangerlugit annertussuseqarsinnaatitaanatik.

Poortukkat ataasiakkaat sunik imaqartinneqarnersut allattorneqarsimasariaqarput.

Peqatigiiffiup Danmark-imi killeqarfinni killilersuisuni uumasup nakorsaa nassiussassarsiassat ataasiakkaat pillugit siumut ilisimatitsereernikkut nalunaarutigisassavaa, ilumut peqatigiiffimmi atugassatut naatsorsuutigineqartut. Taamatut ilisimatitsinissaq pissaaq nassiussarsiat Danmark-imut tikisinneqannginneranni.

Peqatigiiffiup ilaasortat ataasiakkaat nassiussarsiassaat pillugit ilisimatitsissutigisassavaa tunisassiat nassiunneqartut suliffeqarfimmit dansk-it oqartussaassuinit nakkutigineqartumit nassiussaanngimmata.

Peqatigiiffiup ilaasortani akiliuteqartissinnaavai nioqqutissap pisiarineqarnerani akia nassiunneqarneranilu aningaasartuutaasimasut toqqammavigalugit, aamma tamatumunnga ilanngullugit toqqortarineqarneranni akiliutaasimasut.

Nerisassat pineqartut tuniniarneqaqqusaanatillu tunissutissatut ingerlateqqinneqaqqusaanngillat, ilaasortalli ataasiakkaat akornanni nammineq atugassatut naatsorsuussaassapput.


Danmark-imi killeqarfinni uumasut nakorsaat ugguuna attavigineqarsinnaapput:

Grænsekontrolstedet i Kastrup lufthavn (Mittarfik):
Kystvejen 16
2770 Kastrup
Oqa.: +45 32 46 00 99 / +45 72 27 64 50

Grænsekontrolstedet i Aalborg (Umiarsualivik)
Sofiendalsvej 90
9220 Aalborg
Oqa.: +45 72 27 50 00 / +45 72 27 50 04

Allaaserisat attuumassutillit

Uumasut Nakorsaqarfia Inuussutissalerinermullu Oqartussaqarfik (VFMG)
Postboks 269
3900 Nuuk

Oqarasuaat: (+299) 34 50 00
Fax: (+299) 34 63 55
E-mail: uumasut@nanoq.gl

Aallaqqaasiutigalugu qinnuigissavassi Uumasut Nakorsaqarfia Inuussutissalerinermullu Oqartussaqarfik-mut saaffiginnissutit tamarmik uunga nassiunneqassasut uumasut@nanoq.gl