Uumasunit nerisassianik Danmarkimut eqqussuisinnaatitaaneq - Nalinginnaasumik paasissutissiineq

Uumasunit nerisassianik Danmarkimut eqqussuisinnaatitaaneq - Nalinginnaasumik paasissutissiineq 

Nunatsinniit Danmark-imut angalatillutit uumasunit nerisassianik nassataqassallutit inuinnartut periarfissaqarputit, taakkununnga ilanngullugit uumasut piniagassat aalisakkallu nammineq pisarisimasat

Kalaallit Nunaanniit Danmark-imut inuinnartut nerisassiat imatut annertutigisut nassatarineqarlutillu nassiunneqarsinnaapput:
  • Neqit, neqit nerisassiat, immuit immunnillu nerisassiat 10 kg
  • Aalisakkat aalisakkallu nerisassiat 20 kg
  • Nerisassiat allat (soorlu manniit honning-ilu) 10 kg

Nerisassat eqqunniarneqartut nammineq angalanermi nassatarisanut ilanngullugit poortorneqarsimassapput, imaluunniit Kalaallit Nunaanniit inunnut aalajangersimasunut nassiussatut allattorneqarsimassallutik.

Inuinnartut pisinnaatitaanngilatit nerisassiassanik Danmark-imi suliffeqarfinnut tunisassiarineqartussanik nassiussinissamut. Nassiussat tamarmik inuinnarnut nassiussaasariaqarput. Inuup Danmark-imi najugaqartup qulaani taaneqartut nunatsinnit nassiussarsiarisinnaavai. Taamatut nassiussarsisup nassiussarsiani inunnut allanut tuniniarlugillu tunissutigisinnaanngilai. Nassiussarsiat tamarmik nammineerluni nerisassatut kisiat atorneqarsinnaatitaapput.

Nerisassiat uumasuneersut inunnit arlalinnit atugassiassanngorlugit najugaqarfimmut ataatsimut nassiunneqarsinnaapput, makku malinneqarpata:
  • Nassiussat suuneri allattorneqarsimassapput, taavalu kikkut sumilu najugallit nassiussiffiginiarneqarnersut aamma ersarissumik allattorneqarsimassallutik. Tamatuma saniatigut immikkut poortoqqinneqarsimassapput nassiussat sorliit kimut nassiunneqarsimanersut ersarissarlugit
  • Inuup qulaani taaneqartutut nassiussiffiginiarneqartup nammineerluni poortugaq allanngortinnagu puuiarneqarsimanngitsoq aassavaa. Taamatullu nassiussarsisut allat poortugassarsiassartik nammineerlutik najugaqarfimmut pineqartumut aassallugit
  • Nassiussarsiat tamarmik immikkoortiterlugit poortorneqarsimassapput, qulaanilu taaneqartut naapertorlugit uumasut ataasiakkaat annertussusissaat qaangernagit poortorneqarsimasariaqarlutik
  • Nassiunneqarniartut tamarmik Danmark-imut tikinnginnerini Danmark-imi killeqarfinni nakkutilliisuni uumasup nakorsaa ilisimatinneqartassaaq. Siumut ilisimatitsereernermi allattorneqarsimassapput kikkorpiaat poortukkanik ataasiakkaanik nassitsivigineqarnersut aammalu qanoq poortukkap iluaniittut oqimaassuseqarlutillu suunersut. Paasissutissat pineqartup poortukkap nassiunneqarneranut atatillugu allattuiffimmut allattorneqarsimassapput
  • Nerisassiat tuniniarneqaqqusaanngillat imaluunniit tunissutitut tunniunneqaqqusaanngillat, nammineq atugassatut naatsorsuutigineqartussaapput

Allaaserisat attuumassutillit

Uumasut Nakorsaqarfia Inuussutissalerinermullu Oqartussaqarfik (VFMG)
Postboks 269
3900 Nuuk

Oqarasuaat: (+299) 34 50 00
Fax: (+299) 34 63 55
E-mail: uumasut@nanoq.gl

Aallaqqaasiutigalugu qinnuigissavassi Uumasut Nakorsaqarfia Inuussutissalerinermullu Oqartussaqarfik-mut saaffiginnissutit tamarmik uunga nassiunneqassasut uumasut@nanoq.gl