Angerlarsimaffinni uumasut – Kalaallit Nunaanniit Danmark-imut annissineq

Angerlarsimaffinni uumasut – Kalaallit Nunaanniit Danmark-imut annissineq 

Piumasaqaatinik aalajangersimasunik naammassinnikkuit Kalaallit Nunaanniit Danmark-imut uumasunik annissisinnaavutit. Uumasut ukua angerlarsimaffinni uumasuutitut isigineqarput:
  • Qimmit, qitsuit aamma toqutsisooraq qimmerisaq (fritter)
  • Timmissat, timmiaatit (fjerkræ) ilanngunnagit
  • Kaniinat aamma kikkaasut (gnavere)
  • Paarngortut naraserluillu
  • Uumasut qimerloqanngitsut, igutsaat aamma uumasut qaleruallit ilanngunnagit
  • Aalisagaaqqat nunani kiattuneersut

Qimmit qitsuillu
Qimmeq qitsulluunniit Danmark-imut anninniarukku, taava:
  • Eqqunneqarnissaa sioqqullugu sivikinnerpaamik ullut 30-it sivisunerpaamillu qaammatit 12-it sioqqullugit perlerornermut akiuussutissamik uumasoq kapineqarsimassaaq. Qimmiaqqat qitsuillu qaammatit pingasut inorlugit utoqqaassusillit perlerornermut akiuussutissamik kapineqarsimanissaat piumasaqataanngilaq, uumasulli nakorsaannit peqqissuunermut uppernarsaateqassallutik. Qimmiaqqanut qitsuillu piaraannut peqqissuunissamut uppernarsaataat annerpaamik ullunik qulinik pisoqaassuseqassaaq
  • Qimmiaraq/qitsuk qaammatit pingasut sisamallu akornanni utoqqaatigippat perlerornermut akiuussutissamik kapineqarsimassaaq. Aallarnissaq sioqqullugu ullut 30-it qaangiutsinnagit kapineqarsimanngippat uumasut nakorsaannit peqqissuunermut uppernarsaat aamma pisariaqarpoq. Peqqissuunermut uppernarsaat annerpaamik ullunik qulinik pisoqaassuseqassaaq

Akiuussutissamik kapitinneqanngitsut
Paasineqarpat qimmeq imaluunniit qitsuutit akiuussutissamik kapitinneqarnissaa puigorneqarsimasoq, aallarnissamullu qaammat ataaseq inorpagu, taamaattoq qimmit qitsuillu nujuitsut pingasut tikillugit angalaqatiginissaat akuerineqarsinnaavoq. Tikinnissarli kingusinnerpaamik nalunaaquttat akunneri 48-t sioqqullugit killeqarfimmi uumasut nakorsaat attavigissavat.
  • Kastrup-imi killeqarfimmi uumasut nakorsaat, Kystvejen 16, 2770 Kastrup. Oqarasuaat: (+45) 72 27 64 40
Tikinnerup kingunitsianngua killeqarfimmi uumasut nakorsaata uumasup peqqissuunera misissussavaa. Uumasut napparsimasut killeqarfimmi uumasup nakorsaata eqqunneqarnissaat itigartissinnaavai. Aammattaaq killeqarfimmi uumasut nakorsaata uumasut peqqissut perlerornermut akiuussutissanik kapissavai. Kapisinermut peqqissuuneranullu misissuinermut akiliisoqassaaq.

Akiuussutissamik kapisisoqarnerata kingorna uumasoq Danmark-imi najugaqarfimmut killeqarfimmi uumasut nakorsaannut paasissutissiissutigisimasannut toqqaannartumik ingerlanneqassaaq. Najugaqarfimmi nalunaarutigineqartumi sivikinnerpaamik ulluni 30-ni uumasoq uumasunit allanit immikkoortinneqassaaq. Piffissami immikkoortitaaffiusumi napparsimaneranik arlaannik takussutissaqarpat tamanna ingerlaannartumik nunap immikkoortuani Inuussutissalerinermut Immikkoortortaqarfimmut imaluunniit killeqarfimmi uumasut nakorsaannut nalunaarutigineqassaaq.


Ingialluineq
Danmark-imut angalanermi uumasoq inummit angallanneqarnissaa piumasaqaataavoq. Tamanna isumaqarpoq illit aamma angerlarsimaffimmi uumasuutit angallammi/timmisartumi angalaqatigissagakku. Uumasuutit inummut allamut nassartissinnaavat, kisianni tamanna assartuisartut sulliviannut isumagitissinnaanngilat. Uumasoq tuniniarneqarnissaanik siunertaqartumik eqqunneqaqqusaanngilaq, imaluunniit allanut tunniussassatut siunertaqartumik eqquteqqusaanngilaq.

Angerlarsimaffimmi uumasuutit inummit angallanneqanngippat tamanna niuernerpalaartumik maleruagassat malillugit eqqussineq suliarineqassaaq. Uumasup tikiunnissaa kingusinnerpaamik nalunaaquttap akunneri 48-t sioqqullugit killeqarfimmi uumasut nakorsaat nalunaarfiigineqassaaq. Tikinneranilu killeqarfimmi uumasut nakorsaata uumasup peqqissuunera misissussavaa.


Angerlarsimaffimmi uumasutit allat
Eqqutiinnarneqarsinnaasut 5-t:
  • Kikkaasut (taamaallaat pinnagit kaniinat, ukallit, chinchilla-t, bisamrotte (teriarsuit ilaat) aamma sissinnguit qasertut (gråegern))
  • Paarngortut naraserluillu
  • Spindlere-t aamma sullerngit (igutsaat ilanngunnagit)
  • Finker (timmissat ilaat) aamma inimiutannguaq (kanariefugl)

Uumasunik taaneqartunik tallimat sinnerlugit eqqussiniaruit, Danmark-imi Fødevarestyrelsen-imut eqqunneqarsinnaaneri qinnutigissavat. Tamanna pillugu Fødevarestyrelsen-ip nittartagaani sukumiinerusumik paasiniaasinnaavutit www.foedevarestyrelsen.dk.

Angerlarsimaffimmi uumasuutit tulliuttut minnerpaamik qaammatini arfinilinni uumasuutigisimagukkit pinngornerannilluunniit uumasuutigisimagukkit, Danmark-imut ajornaquteqanngitsumik eqqussinnaavatit. Ukununnga atuuppoq:
  • Kaniinat
  • Ukallit
  • Chinchilla-t
  • Finker (timmissat ilaat) aamma inimiutannguit (kanariefugle)

Malugiuk
Tamatigut eqqaamallugu angalatillutit uumasuutivit timmisartuussisartuniit ilaatinneqarsinnaanera qulakkiissallugu.

Qimminik qitsunnillu Kalaallit Nunaannut eqqussineq Kalaallit Nunaanniillu annissineq pillugit malittarisassanik Fødevarestyrelsen-p ilisimatitsinera sukumiinerusumik takuuk http://www.foedevarestyrelsen.dk.

Allaaserisat attuumassutillit

Fødevarestyrelsen
Stationsparken 31-33
2600 Glostrup
Danmark

Oqarasuaat: (+45) 72 27 69 00

Ammasarfii
Ataasinngorneq - Sisamanngorneq: 09.00 - 16.00
Tallimanngorneq: 09.00 - 15.00

Annertunerusumik attaveqarnissamut paasissutissat
Kalaallit Nunaata Sinniisoqarfia
Strandgade 91
Postboks 2151
1401 København K
Danmark

Oqarasuaat: (+45) 32 83 38 00
Fax: (+45) 32 83 38 01
E-mail: info@ghsdk.dk
Uumasut Nakorsaqarfia Inuussutissalerinermullu Oqartussaqarfik (VFMG)
Postboks 269
3900 Nuuk

Oqarasuaat: (+299) 34 50 00
Fax: (+299) 34 63 55
E-mail: uumasut@nanoq.gl

Aallaqqaasiutigalugu qinnuigissavassi Uumasut Nakorsaqarfia Inuussutissalerinermullu Oqartussaqarfik-mut saaffiginnissutit tamarmik uunga nassiunneqassasut uumasut@nanoq.gl