TV-ikkut nassitsissut digital-iusoq – Nalinginnaasumik paasissutissiineq

TV-ikkut nassitsissut digital-iusoq – Nalinginnaasumik paasissutissiineq 

Nassitsissummut Analog-iusumut taarsiullugu tv-iikkut nassitsissut digital-iusoq atorlugu aallakaatitsineq ingerlanneqartarpoq. Tv-iikkut nassitsissutip illit isiginnaakkavit assiliartaata pitsaanerusunissaa qulakkeertarpaa, tamannalu ullumikkut isiginnaakkamik assiliartaata pitsaannginneranik misigisaqarfiusartumi sumiiffimmi najugaqaruit tamanna pingaartumik malugisinnaassavat.

Kitaata sineriaani illoqarfiit amerlanersaanni nassitsissutit digital-iusut nutaat 2010-mi november-ip 28-anni ammarneqarput. Nassitsissutit digital-iusut nunap sinneranut 2011-ip aamma 2012-ip ingerlanerani atuutilersinneqassapput.

Nassitsissutinut digital-iusunut ikaarsaarneq siullertut pingaarnertullu teknologi-kkut ineriartornerup malitsigisaatut pisutut oqaatigineqarsinnaavoq. Atortulersuutit analog-iusut pissarsiariniarnerat aserfallatsaaliniarnerallu ukiut ikittunnguit ingerlaneranni ajornarsilluinnartussaavoq. Taamaattumik ukiuni makkunani nunani killerni amerlanerit nassitsissutinut digital-iusunut ikaarsaarnerat ingerlavoq.


Atortulersuutit
Nassitsissutit digital-iusut aamma nassitsissutit analog-iusut maannakkut atorneqartut atorlugit 2011-mi KNR aallakaatitsisarpoq. Kisianni illoqarfinni nunaqarfinnilu nassitsissummik digital-iusumik pilersorneqarsimasuni, nassitsissutit analog-iusut 2011-mi december-ip 31-anni atorunnaassapput. Taamaattumik piffissaalluarallartillugu tv-iikkut nassitsissut digital-iusoq atorlugu isiginnaarsinnaalernissamut piareersimalernissat pingaaruteqarpoq. Tamatuma kingunerisaanik tigooqqaassummik kiisalu antenne-mik nutaamik pissarsisariaqarputit.

www.tv-nutaaq.gl -imi annertunerusumik atuagaqarsinnaavutit makku pillugit:

  • Sumiiffimmi najukkanni piffissap qanoq ilinerani atuutilersinneqassanersoq
  • Nassitsissut digital-iusoq atorlugu tv-ikkut tigusisinnaaniaraanni atortulersuutit suut pissarsiarissaneritit
  • Sumut ikiortissarsiorsinnaanersutit
Ilinniartitaanermut, Kultureqarnermut Ilisimatusarnermut Ilageeqarnermullu Naalakkersuisoqarfik
Imaneq 4
Postboks 1029
3900 Nuuk

Oqarasuaat: (+299) 34 50 00
E-mail: ikiin@nanoq.gl
Nittartagaq: www.naalakkersuisut.gl