Najugaqarfigisami radio-qarfinnut aamma tv-eqarfinnut tunngaviusumik tapiissutit – Qinnuteqarneq

Najugaqarfigisami radio-qarfinnut aamma tv-eqarfinnut tunngaviusumik tapiissutit – Qinnuteqarneq 

Najugaqarfigisami radio-qarfiit tv-eqarfiillu inunnik akuunerulersitsisarnerat aamma kulturikkut naleqarnerat pissutigalugu atajuarnissaat Namminersorlutik Oqartussat soqutigisaraat. Taamaammat najugaqarfigisami tusagassiuutit Namminersorlutik Oqartussanit tapersersorneqarput, ilaatigut najugaqarfigisami radio-qarfiit aamma tv-eqarfiit ingerlanneqarnerannut tunngaviusumik tapiissutit aqqutigalugit.


Qinnuteqarnissamut piumasaqaatit
Tunngaviusumik tapiissuteqarfigineqarnissamik qinnuteqarniaraanni, taava

  • najugaqarfigisami radio aamma tv-eqarfiusariaqarpoq
  • atuussinnaasumik aallakaatitsisinnaanermut akuersissummik peqartoqartariaqarpoq
  • radio-kkut tv-iikkulluunniit aallakaatitassianik aallakaatitsisoqartassaaq


Qinnuteqarneq
Najugaqarfigisami radio-qarfiugussi tv-eqarfiugussiluunniit tunngaviusumik tapiiffigineqarnissamik qinnuteqarniarussi, qinnuteqarnermi immersugassaq immersussavarsi. Quppernermi uani ilanngussat ilaanni qinnuteqarnissamut immersugassaq nassaarisinnaavarsi.

Qinnuteqarnermi immersugassamut ilanngutissavasi:

  • Ukiumut ullorsiuteqarfiusumut tapiissutit atorneqarfissaannut missingersuutit
  • Ukiut siuliini Namminersorlutik Oqartussanit tapiissutinik 150.000 kr.-inik imaluunniit taakkuninnga amerlanerusunik tigusaqarsimagussi, ukiumut ullorsiuteqarfiusumut tapiissutit atorneqarfissaannut anguniakkatut iliuusissatullu pilersaarutit


Missingersuutit aamma anguniakkatut iliuusissatullu pilersaarutit siulersuisut siulittaasuannit kiisalu ikinnerpaamik siulersuisunut ilaasortanit marlunnit atsiorneqarsimassapput.

Qinnuteqaat nassiutissavarsi uunga:

STTK
P.O. Box 559
3900 Nuuk
Kalaallit Nunaat

Ukiut tamaasa qinnuteqarnissamut piffissaliunneqartoq tassaavoq 5. januar.


Aningaasat tunniunneqarnissaannut piumasaqaatit
Atugassiissutitut tapiissutit ukioq naallugu atuuttarput qaammatillu pingasukkaarlugit tunniunneqartarlutik. Tapiissutit tunniunneqarnissaat pisinnaajumagussiuk, imaaliussaasi:

  • Siorna ukioq ullorsiuteqarfiusoq pillugu ukiumoortumik nalunaarusiaq siulersuisunit tamarmiusunit atsiorneqarsimasoq STTK-mut nassiutissavarsi. Ukiumoortumik nalunaarusiaq kingusinnerpaamik 1. juni STTK-ip tigoreersimassavaa
  • Aallakaatitassiat aallakaatinniakkasi pillugit nalunaarusiaq STTK-mut nassiutissavarsi. Nalunaarusiaq qaammatit tamaasa kingusinnerpaamik qaammatit ulluisa tallimaanni STTK-ip tigoreertassavaa
  • Ukiup siuliani ukiumoortumik naatsorsuutit siulersuisunit tamanit akuerineqarsimasoq atsiorneqarsimasorlu STTK-mut nassiutissavarsi. Ukiumoortumik naatsorsuutit kingusinnerpaamik 1. juni STTK-ip tigoreertassavaa


Ukiup siuliani Namminersorlutik Oqartussanit 150.000 kr.-inik imaluunniit amerlanerusunik tapiissutinik pissarsisimagussi, naatsorsuutit kukkunersiuisumit nalunaarsorneqarsimasumit imaluunniit naalagaaffimmit akuerisaasumit kukkunersiorneqarsimassapput.

Ukiup siuliani Namminersorlutik Oqartussanit 150.000 kr.-init ikinnerusunik tapiissutinik pissarsisimagussi, naatsorsuutit kukkunersiuisorisamit imaluunniit kukkunersiuisumit nalunaarsorneqarsimasumit kukkunersiorneqarsimassapput.

Kukkunersiuisut nalunaarutaat siulersuisunit tamarmiusunit atsiorneqarsimassapput ukiumoortumillu naatsorsuutinut ilanngunneqarsimassallutik.


Malugiuk
Qinnuteqartut amerlassusaat aallaavigalugu tunngaviusumik tapiissutit amerlassusaat aalajangerneqartarput.

Aallakaatitassiat ingerlanneqarneranni allannguutit nalunaarutiginissaat eqqaamassavat.

Atugassiissutitut tapiissutit Naalakkersuisoqarfimmit tunniunneqarneq ajorput, Namminersorlutilli Oqartussat qitiusumik naatsorsuuserivianit (DCR) tunniunneqartarlutik.

Allaaserisat attuumassutillit

Ilinniartitaanermut, Kultureqarnermut Ilisimatusarnermut Ilageeqarnermullu Naalakkersuisoqarfik
Imaneq 4
Postboks 1029
3900 Nuuk

Oqarasuaat: (+299) 34 50 00
E-mail: ikiin@nanoq.gl
Nittartagaq: www.naalakkersuisut.gl