Najugaqarfigisami tv-eqarfinnut aallakaatitassiornermut tapiissutit – Qinnuteqarneq

Najugaqarfigisami tv-eqarfinnut aallakaatitassiornermut tapiissutit – Qinnuteqarneq 

Najugaqarfigisami radio-qarfiit tv-eqarfiillu inunnik akuunerulersitsisarnerat aamma kulturikkut naleqarnerat pissutigalugu atajuarnissaat Namminersorlutik Oqartussat soqutigisaraat. Taamaammat najugaqarfigisami tv-eqarfiit aallakaatitassiornermut tapiiffigineqarnissamik Namminersorlutik Oqartussanut qinnuteqarnissamut periarfissaqarput.

Makkununnga tapiiffigineqarnissamik qinnuteqartoqarsinnaavoq
  • aallakaatitassiat nammineerluni suliarisat
  • aaqqissuuteriikkanut aamma qaammatini kingullerni pingasuni siullermeersumik aallakaatinneqartunut

Qinnuteqarnissamut piumasaqaatit
Aallakaatitassiornermut tapiissuteqarfigineqarnissamik qinnuteqarniaraanni, taava
  • najugaqarfigisami tv-eqarfiusariaqarpoq
  • atuussinnaasumik aallakaatitsisinnaanermut akuersissummik peqartoqartariaqarpoq
  • tv-iikkut aallakaatitassianik aallakaatitsisoqartassaaq

Qinnuteqarneq
Aallakaatitassiornermut tapiissutinik qinnuteqarniarussi, qinnuteqarnermi immersugassaq immersussavarsi. Quppernermi uani ilanngussat ilaanni qinnuteqarnermi immersugassaq nassaarisinnaavarsi.

Qinnuteqaammi makku ersarissumik allassimanissaat pingaaruteqarpoq:
  • Aallakaatitassiat sorliit tapiiffigineqarnissaat qinnuteqaatiginerissi
  • Aallakaatitassiani qulequttat sorliit sammineqarnersut
  • Aallakaatitassiat minut-sinngorlugu qanoq sivisutiginersut

Paasissutissat allat ilanngussatut ilanngussinnaavasi.

Qinnuteqaat Ilinniartitaanermut, Ilageeqarnermut, Kultureqarnermut Naligiissitaanermullu Naalakkersuisoqarfimmut nassiunneqassaaq.

Ukiut tamaasa qinnuteqarnermut piffissaliussatut killiliunneqarsimapput 5. januar, 5. april, 5. juli aamma 5. oktober.

Qinnuteqarnissamut piffissaliunneqartut qaammatip ataatsip missaanik qaangiunneraniit qinnuteqaatissinnut akissummik pissarsissaasi.


Aningaasat tunniunneqarnissaannut piumasaqaatit
STTK-mut ukiumoortumik naatsorsuutisi nassiukkussigit, aallakaatitassiornermut tapiissutinik aatsaat pissarsisinnaavusi.


Malugiuk
Qinnuteqartut amerlassusaat aallaavigalugu aallakaatitassiornermut tapiissutit annertussusaat aalajangerneqartarpoq.

Atugassiissutitut tapiissutit Naalakkersuisoqarfimmiit tunniunneqarneq ajorput, Namminersorlutilli Oqartussat qitiusumik naatsorsuuserivianiit (DCR) tunniunneqartarlutik.

Allaaserisat attuumassutillit

Ilinniartitaanermut, Kultureqarnermut Ilisimatusarnermut Ilageeqarnermullu Naalakkersuisoqarfik
Imaneq 4
Postboks 1029
3900 Nuuk

Oqarasuaat: (+299) 34 50 00
E-mail: ikiin@nanoq.gl
Nittartagaq: www.naalakkersuisut.gl