Radio-kkut aamma tv-iikkut aallakaatitsisinnaanermut akuersissutit – Qinnuteqarneq

Radio-kkut aamma tv-iikkut aallakaatitsisinnaanermut akuersissutit – Qinnuteqarneq 

Radio-kkut tv-iikkullu aallakaatitsisinnaaniaraanni, taava siullertut akuersissutinik marlunnik peqatoqartariaqarpoq:
  • Aallakaatitsisinnaanermut akuersissut, taanna aallakaatinneqarsinnaasutut nassuiarneqartut aallakaatinneqarsinnaanerannut akuersissutaavoq
  • Aallakaatitsinermi maligaasat pillugit akuersissut, taanna maligaasat aalajangersimaqqissaartut aqqutigalugit aamma aallakaatitsinermi atortut akuerisaasut pillugit akuersissutaavoq

Aallakaatitsisinnaanermut akuersissut ukiuni tallimani atuuttarpoq, sivikinnerusumik akuersissummik tunineqarnissat qinnutigisimanngikkukku.

Radio-kkut aamma tv-iikkut aallakaatitsisinnaanermut akuersissutit qinnuteqaatigineqarsinnaapput ukuusunit:
  • Peqatigiiffiit
  • Ingerlatsiffiit/suliffeqarfiit
  • Inuit ataasiakkaat

Qinnuteqarneq
Aallakaatitsisinnaanermut akuersissummik qinnuteqarniaruit, qinnuteqarnermi immersugassaq immersussavat.

Nunaqarfigisami radiukkut aamma/imaluunniit tv-kkut aal­la­kaa­titsisinnaanermut akuersissummik qinnuteqaat

Qinnuteqaatitut immersugassamut ilanngutissavatit:
  • Naatsorsuutit
  • Sanaartornermi aamma ingerlatsinermi missingersuutit
  • Malittarisassat aamma malittarisassat allannguutaat
  • Teknikkikkut atortut pillugit nassuiaat
  • Aallakaatitassatut ingerlanneqartut pillugit uppernarsaat
  • Aallakaatitassat suunerinik nassuiaat
  • Ulloq aallartiffissatut kissaatigineqartoq

Qinnuteqaatit ilanngussanik ilaqartoq Ilinniartitaanermut, Ilageeqarnermut, Kultureqarnermut Naligiissitaanermullu Naalakkersuisoqarfimmut nassiussinnaavat.

Aallakaatitsisinnaanermut akuersissummik qinnuteqaatit Naalakkersuisoqarfimmit isummerfigineqareeriarpat, illit sinnerlutit Radioforvaltning-imut maligaasat pillugit akuersissummik taakku qinnuteqassapput.

Nalinginnaasumik qinnuteqaatit qaammatip ataatsip qaangiunnerata missaani suliarineqassasoq naatsorsuutigisinnaavat.

Paasissutissat
Aallakaatitsisanngikkuit imaluunniit inatsisit atuuttut eqquutsinngikkukkit aallakaatitsisinnaanermut akuersissut pigisat annaasinnaavat.

Allaaserisat attuumassutillit

Ilinniartitaanermut, Kultureqarnermut Ilisimatusarnermut Ilageeqarnermullu Naalakkersuisoqarfik
Imaneq 4
Postboks 1029
3900 Nuuk

Oqarasuaat: (+299) 34 50 00
E-mail: ikiin@nanoq.gl
Nittartagaq: www.naalakkersuisut.gl