Peqatigiiffiup illuutaata ingerlanneqarneranut tapiissutit – Qinnuteqarneq

Peqatigiiffiup illuutaata ingerlanneqarneranut tapiissutit – Qinnuteqarneq 

  • Kommune Kujalleq

    Ingerlatsinermut tapiiffigineqarnissamik qinnuteqarniarussi, allaganngukkamik qinnuteqaateqassaasi. Qinnuteqaammut ilanngullugit nassiutissavasi:
    • Aningaasartuutit akilerneqarsimasut uppernarsaataat
    • Naatsorsuutit kukkunersiukkat naatsorsuutinit kingullerpaaneersut
    • Ataatsimeersuarnermi missingersuutit akuerisat

    Qinnuteqaat ilanngussanik ilaqartoq nassiunneqassaaq uunga:

    Kommune Kujalleq
    Kulturimut – sunngiffimmut ingerlatsivik
    Postboks 37
    3921 Narsaq

    Malugiuk
    Ingerlatsinermut tapiissutit ukiumut ataasiartumik qinnutigisinnaavasi. Kommunalbestyrelsip november-imi ataatsimiinnerani ukiup tullissaanut missingersuutit suliarineqarnerannut atatillugu qinnuteqaatersi kommunip suliassamut ataatsimiititaliaanit suliarineqassaaq. Taamaammat aningaasat ukiumi tulliuttumi atornissaat sioqqullugu kingusinnerpaamik november-imi ingerlatsinermut tapiissutit qinnuteqaatigissavasi. Assersuutigalugu ukioq 2013-imut ingerlatsinissamut tapiissutit qinnuteqaatiginiarussigit, kingusinnerpaamik 2012-imi november-imi qinnuteqassaasi.

Peqatigiiffiup illuutaanik pigisaqarnermut ingerlatsinermullu atatillugu aningaasartuutit aalajangersimasut amerlasuut piusinnaasarput – aningaasartuutit peqatigiiffiit namminneq akileruminaatsissinnaasaat. Taamaammat peqatigiiffittut peqatigiiffiup illuutaanik ingerlatsinissinnut kommunimut tapiiffigineqarnissamik qinnuteqarsinnaavusi. Nalinginnaasumik ingerlatsinermut tapiissutit qinnutigisinnaavasi makkununnga:

  • Innaallagiaq, imeq aamma kiassarneq
  • Eqqiaaneq
  • Eqqagassalerineq
  • Nalinginnaasumik aserfallatsaaliineq
  • Ingerlatsinermut aningaasartuutit


Malugiuk
Kommunimi suliassamut ataatsimiititaliaq tassaavoq tapiiffigineqassanersusi aamma qanoq annertutigisunik pissarsisinnaanersusi aalajangiisussaq.

Ingerlatsinermut tapiiffigineqarnissamik qinnuteqarsimagussi akuerineqarlusilu, kommunimi suliassamut ataatsimiititaliaq isumaqatigiissummik sanassaaq, ilaatigut tapiissutit piffissap qanoq ilinerani ilissinnut tunniunneqassanersut tassani nassuiarneqassallutik.


Utertillugit akiliuteqarneq
Aningaasat atugassiissutigineqartut atunngikkussigit, aningaasat sinneruttut kommunimut utertittussaavasi.

Allaaserisat attuumassutillit

Kommune Kujalleq
Postboks 514
3920 Qaqortoq
Oqarasuaat: 704 100
Fax.: 704 177
E-mail: kommune@kujalleq.gl
http://www.kujalleq.gl