Sunngiffimmi ornittakkat – Nalinginnaasumik paasissutissiineq

Sunngiffimmi ornittakkat – Nalinginnaasumik paasissutissiineq 

  • Kommune Kujalleq

    Kommune Kujallermi sunngiffimmi ornittakkat pigineqarput Narsami, Qaqortumi aamma Nanortalimmi. Sunngiffimmi ornittakkat pillugit annertunerusumik paasisaqarumaguit, toqqaannartumik taakku attaveqarfigisinnaavatit:
    • Narsami Nanoq: oqarasuaat 66 12 31
    • Qaqortumi Kaasassuk i Qaqortoq: oqarasuaat 64 24 72
    • Nanortalimmi sunngiffimmi ornittagaq: oqarasuaat 61 32 40
Sunngiffimmi ornittagaq tassaavoq meeqqanut inuusuttunullu tamanut arfinilinniit 21-t tikillugit ukiulinnut ornittagaq. Sunngiffimmi ornittakkami assigiinngitsunik sammisassaqartarpoq, ukioqatigiiaanut ataasiakkaanut naleqqussakkanik. Sammisassat assigiinngitsut assersuutigalugu tassaasinnaapput:
  • Qitinneq
  • Unammisaqattaarnerit
  • Aallaarsimaarnerit
  • Ikinngutinnersumik ilagiinnerit
  • Sunngiffimmi ornittakkami siunnersuisoqatigiit

Illoqarfinni tamani nunaqarfinnilu ataasiakkaani sunngiffimmi ornittakkanik peqarpoq. Sunngiffimmi ornittakkamiinneq akeqanngilaq.


Sunngiffimmi ornittakkami siunnersuisoqatigiit
Sunngiffimmi ornittakkat amerlanerit sunngiffimmi ornittakkami siunnersuisoqatigiinnik peqarput. Sunngiffimmi ornittakkami siunnersuisoqatigiit meeqqanik inuusuttunillu sunngiffimmi ornittakkamiittartunik inuttaqartarput. Sunngiffimmi ornittakkami siunnersuisoqatigiit assersuutigalugu suliassarisinnaavaat:
  • Unammisaqattaarnernik aaqqissuinerit
  • Unnummik oqalliffimmik aaqqissuineq assersuutigalugu pinaveersaartitsineq pillugu
  • Sunngiffimmi ornittakkap pitsanngorsarnissaa

Sunngiffimmi ornittakkani amerlanerni sunngiffimmi ornittakkami siunnersuisoqatigiit pisiniarfeeqqamik ingerlataqartarput. Pisiniarfeeqqap sinneqartoorutai sunngiffimmi ornittakkap sammisassaataannut tuttarput.


Malugiuk
Illit kommunit tassaavoq najukkanni sunngiffimmi ornittakkamut aningaasalersuillunilu nakkutilliisoq. Illittaaq kommunerisavit ammasarfiit aalajangersartarpai.

Sunngiffimmi ornittakkami aqutsisut sulisullu piginnaasaqarluartut kommunivit atorfinitsittarpai. Kommunip sunngiffimmi ornittakkami inummik atorfinitsitsinnginnermini, pineqartoq pinerlussimannginnermut uppernarsaataanik kommune takusaqaqqaartussaavoq.

Allaaserisat attuumassutillit