Inummut namminermut tunngasumik pinerluuteqarsimanermut uppernarsaat inniminneruk

Inummut namminermut tunngasumik pinerluuteqarsimanermut uppernarsaat inniminneruk 

Suliffeqarfiit arlallit sulisunik nutaanik atorfinitsitsileraangamik, pineqaatissinneqarsimanngi-nnermut uppernarsaammik pissarsiaqarumasarput. Politiinut inuttut saaffiginninnissannut taarsiullugu maannakkut attaveqaatitigoortumik toqqaannartumik pineqaatissinneqarsimanermut uppernarsaat inniminnersinnaalernikuullugulu nassiutsissinnaalerpat.

Pineqaatissinneqarsimanermut uppernersaatit inniminnerneranut akiliuteqaussaanngilatit. Pineqaatissinneqartarneq pillugu inatsimmik, pinerluttulerinermut inatsimmik imaluunniit ikiaroornartut pillugit inatsimmik unioqqutitsisimasutut eqqartuunneqarsimaguit, tamanna illit inuttut pinerluuteqarsimasutut uppernarsaatinni allassimassaaq. Inuttut pinerluuteqarsimasutut uppernarsaat tassaavoq uppernarsaat, eqqartuunneqarsimanermik, akiligassinneqarsimanermik inatsimmik unioqqutitsinermillu pinngitsuutitaanermik paasissutissanik imaqartoq.


Pinerluuteqarsimanermut uppernarsaammik inniminniineq
Pinerluuteqarsimanermut uppernarsaat periutsit marluk atorlugit inniminnersinnaavat:
  • Attaveqaatitigoortumik toqqaannartumik
  • Politeqarfinnut ornigulluni saaffiginninnikkut

Attaveqaatitigoortumik toqqaannartumik
Politiit immikkut kiffartuunnermik aaqqiissutaat ikiortigalugu, illit inuttut pinerluuteqarsimanermut uppernarsaatit attaveqaatitigoortumik toqqaannartumik inniminnersinnaavat. Allatut oqaatigalugu, taakku nittartagaanni ingerlaqqeriarnissannut ilitsersuunneqassaatit. Pineqaatissinneqarsimanermut uppernarsaat inniminnereerukkut, taanna illit digitalikkut allagaasivinnut nassiunneqassaq. Malugiuk, imminut kiffartuunnissamut aaqqiissut taamaallaat qallunaatut allassimasuummat.

Illit inuttut pinerluuteqarsimanermut uppernarsaatit attaveqaatitigoortumik toqqaannartumik inniminnersinnaassagukku, makku pigissavatit:
  • NemID
  • Digitalikkut allagaasivik, assersuutigalugu e-boks.

Politinut imminut sullineq


NemID-qanngilatit?
NemID-qanngikkuit, inuttut nammineerlutit politiinut saaffiginnillutit immersugassaq immersorlugu najukkanni politeeqarfimmut tunniutissavat.

Pineqaatissinneqarsimanermut uppernarsaammik inniminniigit

Pineqaatissinneqarsimanermut uppernarsaatit politiinut ornigullutit qinnutiginarukku makku nassassavatit:
  • Immersuiffissaq immersorneqarsimasoq
  • Kinaassutsimut uppernarsaat assitalik, pisortanit tunniunneqarsimasoq assersuutigalugu:
    • Pas-i
    • Biilersinnaanermut uppernarsaat
    • Akileraartarnermut allagartaq
    • Kuisinnermut allagartaq
    • Najugaqarnermut uppernarsaat

18-it inorlugit ukioqaruit, pinerluuteqarsimanermut uppernarsaatit tunniunneqarsinnaanera sioqqullugu, angajoqqaatit imaluunniit ilinnut oqartussaassuseqartut, immersuiffissamut atsiussapput.


Uppernarsaatip suliarineqarnerata sivisussusia
Imminut kiffartuunnermik attaveqaatitigoortoq aaqqiissuussaq atorsimagukku pinerluuteqarsimannginnerillu uppernarsarneqarpat uppernarsaatip ilinnut apuunniarnera sivisuneq ajorpoq. Taamaakkaluartoq pinerluuteqarsimanermut uppernarsaatip suliarineqarnera ilinnullu apuuniarnissaa ullunik tallimanik suliffiusunik sivisussuseqarsinnaavoq.


Malugiuk
Ullup unnuallu 1-p ingerlanerani inuttut pinerluuteqarsimanermut uppernarsaatinik amerlanerpaamik 2-nnik inniminniisinnaavutit, ullullu 14-it ingerlaneranni 5-nik inniminniisinnaallutit.

Inatsisinik unioqqutitsinerit, pinerluuteqarsimasunut nalunaarsuiffimmi allassimasuutigineqartut, illit inuttut pinerluuteqarsimanermut uppernarsaatinni ukiut 2 5-llu akornanni allassimasinnaapput.

Meeqqanut tunngassuteqartunik uppernarsaatinik politiit tunniussineq ajorput.

Allaaserisat attuumassutillit

Politeeqarfik Qaqortoq
Hovedstation
Postboks 506
3920 Qaqortoq

Oqarasuaat: (+299) 70 11 22
Fax: (+299) 64 12 22
Oqarasuaat angallattagaq: (+299) 49 41 22
E-mail: grl-qaqortoq@politi.dk