Akileraartarnermut allagartaq – Ingerlarnga allannguutillu

Akileraartarnermut allagartaq – Ingerlarnga allannguutillu 

Akileraartarnermut allagartaq skema-tut suliarineqartumi sulisitsisuillu tigusassaani siumoortumik nalunaarsuininneersut paasissutissat allattorsimapput. Qanoq annertugisunik akileraassanersutit akileraarnermut allagartami paasissutissat tunngavigalugit sulisitsisuit naatsorsussavai.

Inuit aqqisa allattorsimaffianni najukkatut nalunaarsorneqarsimasumut akileraarnermut aallagartamik december-ip qaammataani nassinneqassaatit.


Allannguut
Ukiup akileraarfiup ingerlanerani nunatsinni kommune angerlarsimaffiit qimallugu kommunimut allamut nuukkuit, taava nunap immikkoortuani akileraaruseriffimmut saaffiginnissaatit, taamalu nutaamik akileraartarnermut allagartamik pisinnaassallutit. Akileraatarnermut allagartaqanngikkuit sulisitsisuit akissarsianniit akileraarutissatit eqqortumik naatsorsorsinnaanngilai. Tamanna isumaqarpoq sulisitsisuit akissarsiatit ilanngaatigisinnaasatit atornagit 45%-imik akileraarutinut ilanngassavai.

Kalaallit Nunaannut nuukkuit nunap immikkoortuani akileraaruseriffimmut saaffiginnissaatit akileraartarnermut allagartartaarnissat siunnertaralugu.


Ilinniagaqartunut tunnganerusoq
Ilinniagaqarlutit aallartikkuit saniatigullu suliffeqarlutit, taava nutaamik akileraartarnermut allagartamik pissaatit. Nutaamik siumoortumik nalunaarsuiffigitinnissat taamalu nutaamik akileraartarnermut allagartamik pinissat siunertaralugu nunap immikkoortuani akileraaruseriffimmut saaffiginnissaatit.


Malugiuk
Akileraartarnermut allagartaq tammarsimagukku nutaamik akileraartarnermut allagartamik pinissat siunertaralugu nunap immikkoortuani akileraaruseriffimmut saaffiginnissaatit.

Arlariinnik ataatsikkut sulisitsisoqaruit, taava sulisitsisumut akissarsiorfiginerpaasarnut akileraartarnermut allagartat pingaarneq (hovedkort-i) tunniutissavat. Sulisitsisut sinnerinut bikort-it tunniulluguluunniit takutissavat.

Katinnikuullugu aapparisavit ilanngaatissani atussanganngippagit, ilanngaatissai illit akileraartarnermut allagartannut nuunneqarsinnaaneri periarfissaavoq.

Katikkuit imaluunniit averuseruit ilanngaatitit aapparisavilluunniit ilanngaatai illit aapparisavilluunniit akileraartarnermut allagartassinnut nuunniarneqanngippata nuunneqarsimanngippataluunniit akileraartarnermut allagartat allanngortinniassanngilat.


Akileraarutissat sinnerinut matussutissanik akiliineq
Akileraarnikippallaarsimaguit taamaalillutillu akileraarutissat sinnerinut pisortanut akiligassaqalerlutit, akiligassarilikkatit 20. november-i qaangertinnagu akilissavatit. Akileraarutissat sinnerinut akiligassatit 18.000 koruuninit amerlanerunngippata, taava akiligassatit siumoortumik nalunaarsuiffigineqarninnut naatsorsuullugit akileraartarnermut allagartaliortoqarumaarpoq. Imaappoq akileraarutissat sinnerinut akiligassatit Akileraartarnermut Aqutsisoqarfimmut akilersinneqartassapput akileraartarnermut allagartanni ilanngaatissat annikillisinnerisigut.

Akileraartarnermut Aqutsisoqarfik - Qaqortoq
Havnevej B-1338
Postboks 521
3920 Qaqortoq

Oqarasuaat: 34 60 60
Fax: 31 16 77
E-mail: tax@nanoq.gl

Ammasarfii:
Ataasinngorneq: 10.00 - 15.00
Marlunngorneq: 10.00 - 15.00
Pingasunngorneq: MATOQQAVOQ
Sisamanngorneq: 10.00 - 17.00
Tallimanngorneq: 10.00 - 15.00