Angajullerni misilitsinnerit

Nalinginnaasumik paasissutissiineq 

Meeqqat atuarfianni angajullerni atuarneq arlalinnik allattariarsornikkut oqaluttariarsornikkullu misilitsinnernik naggaserneqassaaq. Tamatuma saniatigut atuartut aalajangersimasumik qulequtsiilluni suliamik suliaqassapput.

Ukiup atuarfiusup ingerlanerani ukiakkut upernaakkullu faginilu sorlerni misilitsittoqassanersoq atuarfimmit nammineq aalajangerneqassaaq. Ukiakkut upernaakkullu misilitsinnermi naggataarutaasumik misilitsinneq qanoq innersoq atuartunit misigineqarsinnaavoq.

Meeqqat atuarfianni 10. klassimi atuartut naggataarutaasumik allattariarsornikkut oqaluttariarsornikkullu misilitsinnerit maaji juunillu qaammataanni ingerlanneqartarput, aalajangersimasumillu qulequtsiilluni suliamik suliaqarneq januaarip februaarillu qaammataanni ingerlanneqartarluni. Misilitsinneq atuartut atuartitaanerisa sungiusimasaasa ingerlanerisut ingerlanneqassaaq takutissallugulu anguniagassatut angusassaat qanoq angusimatigineraat.

Atuarfinni assigiinngitsuni 10. klassini atuartut fagini sorlerni misilitsissanersut pillugit takussutissamik, Ilinniartitaanermut Aqutsisoqarfimmit Naalakkersuisoqarfiup ataaneersumit kingusinnerpaamik 1. november nassiussisoqassaaq.

Pinngitsoorani allattariarsornikkut misilitsinnerit 

Meeqqat atuarfianni nuna tamakkerlugu atuartitsissutit sisamat allattariarsornikkut misilitsitsissutaasarput:
  • kalaallisut
  • qallunaatut
  • tuluttut
  • matematikki

Allattariarsornikkut misilitsissutaasut sisamat saniatigut, atuartitsissummik ataatsimik ilanissaat Ilinniartitaanermut Aqutsisoqarfimmit aalajangiunneqarsinnaavoq, assersuutigalugu upperisarsiorneq filosofilu, inuiaqatigiilerineq imaluunniit pinngortitalerineq.

Allattariarsornikkut misilitsinnermi piginnaasanik misilitsinnerusinnaallutillu allattariarsornikkut allatigut misilitsinnerusinnaapput.
Oqaatsinik atuartitsinermut tunngatillugu allattariarsornikkut misilitsinnerussaaq, matematikkimilu kisitassat nammineq suliarisassanngorsimassallutik.

Pikkorissutsimut misilitsinneq
Pikkorissutsimut misilitsinnermi atuartup atuartitsissutini pikkorissutsini takutissavai, assersuutigalugu piginnaasaqarfigissavaa:
  • allanneq
  • killiffilersuineq
  • oqaaseqatigiiliorneq
  • vinkelinik uuttuineq
  • brøkinik kisitsineq

Pikkorissutsimut misilitsinnerit akunneq ataatsimik sivisussuseqartarput.

Allattariarsornikkut misilitsissutit allat
Fagit apeqqutaatillugit, taamatut misilitsinnermi 2 tiiminiit 4 tiiminut atorneqartussanngorlugit misilitsittoqartarpoq.

Oqaatsinik atuartitsinermi allattariarsorluni misilitsinneq marlunngorlugu avinneqartarpoq:
  • tulleriiaaraluni oqaloqatigiinnermi nalunaaquttap akunnerata affaanit ilivitsumut. Atuartut suleqatigiillutik issiaqatigiissapput qulequttallu assigiinngitsut oqaloqatigiissutigalugit taamaalillutik suliassat qanoq paasisariaqarnersut qulequttallu sunik imaqarsinnaanersut isummersoqatigiissallutik
  • immikkoortup aappaani allassapput atuartullu tamarmik immikkut qulequttami qulequtarlu pillugit allaaserinnissallutik

Allattariarsornikkut misilitsinnerit ullormi aalajangersimasumi nalunaaquttap akunnerini aalajangersimasuni ingerlanneqartarput.

Oqaluttariarsornikkut misilitsinnerit 

Naggataarutaasumik misilitsittussat ikinnerpaamik pingasoriarlutik oqaluttariarsornikkut misilitsissapput. Pinngitsoorani misilitsinnerit saniatigut atuartup nammineerluni atuartitsissutip misilitsiffiginissaanut nammineq aalajangersinnaavoq. Tamatuma assersuutigalugu atuartitsissutini toqqagassaasinnaavoq / nipilersornermut atuartitsissutaasinnaavoq. Atuartup allamiut oqaasii pingajuinik toqqaasimasup atuartitsissut misilitsissutigissallugu toqqarsinnaavaa.

Oqaluttariarsornikkut misilitsinnernut tunngavittut atuartut isumasioqatigalugit ilinniartitsisut allagaliussapput, atuartut 10. klassimi atuarnerminni suliarisimasaannut suliassaqarfinnut qulequttanullu takutitsisussat. Allassimasat atuartunut agguaanneqassapput. Agguaanneqarnerisigut misilitsinnermi qulequttat suut pineqartussaanersut atuartunit ilisimaneqariissasut qulakkeerneqassaaq.

Aalajangersimasumi qulequtsiilluni suliaqarneq 

10. klassimi atuartut januaarip imaluunniit februaarip qaammataani aalajangersimasunik qulequtaqarlutik suliaqartinneqassapput. Atuartut ilinniartitsisullu ataatsimoorlutik pingaarnermik qulequtassarsiussapput. Tamatuma kingorna atuartut suleqatigiikkaarlutik qulequttat ataanniittunik toqqaassapput sapaatip-akunnerata ingerlanerani sulinerminni najoqqutassaminnik.

Ulluni atuarfiusuni tallimani atuartut suliaqarnerminni suliassaasa akissutissaat misissussavaat kiisalu paasisat nutaat aallaavigalugit saqqummiussassaliussallutik. Aalajangersimasumik qulequtaqarluni suliaq naammassippat, oqaluttariarsornikkut misilitsinnermi saqqummiunneqassaaq.

Saqqummiussereernerup kingorna atuartut karakteerilerneqassapput. Aalajangersimasumik qulequtaqarluni suliap oqaaseqaataa karakteerilersorneralu allaganngorlugu nalilersorneqassaaq.

Napparsimaneq 

Atuartoq napparsimalersimappat taamaammallu naggataarutaasumik misilitsinnerni peqataasinnaanani, angajoqqaat atuarfimmut piaartumik tamatuma nalunaarutiginissaanut aamma nakorsap oqaaseqaataanik uppernarsaanissaannut akisussaapput.

Napparsimatilluni allattariarsornikkut misilitsittoqarsinnaanngilaq. Misilitsinnissap tullissaanut atuartup misilitsinnissaa nalunaarutigineqarsinnaavoq.

Oqaluttariarsornikkut misilitsinnissami napparsimagaanni ukiup atuarfiusup tullissaata aallartinnerani misilitsinnissaq periarfissaavoq.

Atuartoq misilitsinnissamut inortuiguni, atuartoq misilitsinnermi peqataasinnaanngilaq. Taamaattorli atuarfiup pisortaa immikkut ittumik akuersissuteqarnissamut periarfissaqarpoq.

Naggataarutaasumik misilitsinnerit pillugit naammagittaalliuteqarneq 

Meeqqat atuarfianni naggataarutaasumik misilitsinnerit pillugit atuartoq, angajoqqaat imaluunniit angajoqqaatut akisussaatinneqartut allakkatigut naammagittaalliuteqarsinnaapput.

Naammagittaalliutigisinnaavasi:
  • misilitsinnermi saqqummiussat
  • misilitsinnerup ingerlannera
  • karakteerit

Misilitsinnerit kingorna kingusinnerpaamik sapaatit-akunneri sisamat imaluunniit karakteerit nalunaarutiginerisa kingorna kingusinnerpaamik sapaatit-akunneri sisamat qaangiuppata naammagittaalliuut atuarfiup pisortaanut tunniunneqarsimassaaq.

Tamatuma kingorna naammagittaalliuut atuarfimmit Ilinniartittaanermut, Ilageeqarnermut, Kultureqarnermut Naligiissitaanermullu Naalakkersuisoqarfimmut nassiunneqassaaq, tassanngaanniit aalajangiisoqassammat.

Kommune Kujalleq
Postboks 514
3920 Qaqortoq
Oqarasuaat: 704 100
Fax.: 704 177
E-mail: kommune@kujalleq.gl
http://www.kujalleq.gl