Peqqinnissaqarfik aamma taarsiineq

Nalinginnaasumik paasissutissiineq 

Taarsiiffigitinnissaq pillugu qinnuteqarsinnaavutit:
• peqqinnissamut tunngasutigut sullissisoq ilinnik suliarinninnerminut atatillugu peqqinnissakkut sullissinerminut atatillugu kukkussuteqarsimappat
• napparsimasutut naammagittaalliutit akuerineqarsimappat, peqqinnissamullu tunngasutigut sullissinermi kukkusoqarsimappat, aamma
• inuttut ajoqusersimaguit, peqqinnissamut tunngasutigut sullissisup toqqaannartumik kukkussuteqarnerata malitsigisaanik

Taarsiiffigineqarnissamut piumasaqaateqarsinnaavutit:
• Sulinikkut iluanaarutisiassanit annaasat
• Anniaateqalerneq
• Inuunerup sinneranut innarluuteqarlerneq
• Inuussutissarsiorsinnaassutsimik annaasaqarneq
• Pilersuisumik annaasaqarneq
• Kukkusumik suliaritinnerup malitsigisaanik peqqissartinnermut atatillugu aningaasartuutit allatigullu annaasaqarnerit

Taarsiissuteqarfigitinissat ilaanni aningaasatigut annaasaqarsimaneq piumasaqaataasarpoq.

Piumasaqaatit 

Namminersortumit sullinneqarsimaneq
Peqqinnissakkut sullissisoq namminersortoq, allatut periaaseqarluni suliarinnittartoq imaluunniit tamatumunnga assingusumik suliaqartartoq saaffigisimagukku, pisortanit taarsiiffigitinnissat piumasarisinnaanngilat.

Tamakkununnga kigutit nakorsaat namminersortut pillugit naammagittaalliuteqarnerit ilaanngillat.

Killissarititaasut
Aammattaaq tamakkiisumik ilaannakortumilluunniit taarsiiffigitinnissannut pisinnaatitaaffiit annaasinnaagakku eqqumaffigissavat, ajutoornerup ilaanut tunngatillugu illit nammineq pisuussuteqarsimaguit imaluunniit annaasaqarnerit annikinnerulersinniarlugu arlaatigut iliuuseqarsimanngikkuit.

Ajutoornermi ataatsimi marloriaammik taarsiiffigitissinnaanngilatit. Assersuutigalugu sulinikkut iluanaarutisiassannit annaasatit sillimmasersimagukkit matussusersimagukkit, peqqinnissaqarfimmi taakku matussuserneqarnissaat piumasaqaatigisinnaanngillat.

Aammattaaq suliaritinninnut atatillugu akornuteqarsimaguit aamma iluaagisaqarsimaguit, taakku pillugit taarsiiffigitissinnaanngilatit.

Qinnuteqarneq 

Taarsiiffigitinnissat qinnutigisinnaavat piumasaqaatit uunga nassiullugu:

Peqqissutsimut Naalakkersuisoqarfik
Imaneq 1A - 401
Postboks 1160
3900 Nuuk

E-mail: pn@nanoq.gl


Taarsiiffigitinnissamut qinnuteqaat aningaasartuutinut naatsorsuusiamik taarsiiffigitikkusutatut kissaatigisannik imaqassaaq, taakku naatsorsorneqarsinnaappata.
Ajornanngippat aningaasartuutinut taarsiiffigitikkusutanut uppernarsaammik ilanngussigit.

Atorunnaarfissaa
Taarsiissutisinissamik piumasaqaat ukiut 5-t qaangiunneranni atorunnaassaaq. Piffissaliussaq piffissamit ajoqusernerup ilinnit ilisimaneqalerneraniit imaluunniit ilinnit ilisimasaqarfigilerneraniit naatsorsorneqassaaq. Piffissaliussap naannginnerani ajoquserneq nalunaarutigisimanngikkukku, suliassiissutit suliarisinnaanngilarput.

Nakorsartittup naammagittaalliuutaa 

Peqqinnissaqarfimmi sullinneqarneq pillugu naammagittaalliutivit tunniunnerani peqatigitillugu taarsiivigineqarnissamik piumasaqaatit tunniussinnaavatit.

Nakorsartittup naammagittaalliutaa qanoq tunniunneqarsinnaanersoq sukumiinerusumik atuarsinnaavat allaaserisami: Peqqinnissaqarfik – Nakorsartittup naammagittaalliuutaa.

Takusinnaavattaaq www.peqqik.gl

Allaaserisat attuumassutillit

Peqqissutsimut Naalakkersuisoqarfik
Imaneq 1A - 401
Postboks 1160
3900 Nuuk

Oqarasuaat: (+299) 34 50 00
Fax: (+299) 34 55 05
E-mail: pn@nanoq.gl
Nittartagaq: www.naalakkersuisut.gl