Eqqagassat ilarpaalussui tassaapput Avatangiisinut navianartut.
Avatangiisinut navianartut makkuusinnaapput:
- Uuliakut
- Akoorutissat angerlarsimaffinni atorneqartartut, soorlu erruissutit errorsissutillu
- Batteriikut
- Qalipaatikut
- Terpentiina
- Innaallagiarsortut, soorlu qarasaasiat, (angallattakkat) oqarasuaatit, dvd-mik isiginnaarutit kiisalu sarsuatitsissut (TV)
Avatangiisinut navianartut igitanut allanut akulerutsinnaveersaartinneqassapput. Sapinngisamik pisiarinerini puuinut ikillugit, soorlu qalipaatit igiinnagassanik sinneqarsimappat, taava puuaniitiinnaruk. Taamaassinnaanngippat, taava poorititanni suunera allaguk.
Avatangiisinut navianartut – Ingerlarnga
Kommunimiit kommunimut allangorartuuvoq, tassa illit innuttaasutut avatangiisinut navianartunik qanoq igitsisinnaanerit. Sumiiffiit ilaanni avatangiisinut navianartut Avatangiisinut navianartunut Tigooraavinnut tunniunneqarsinnaasarput. Allanilu avatangiisinut navianartut kommunimi sulisut aasarpaat.
Taamaakkaluarli tamani atuuttoq unaavoq, avatangiisinut navianartut kikkunnit tamanit tikinneqarsinnaasumiitinnginnissaat, soorlu meeqqanik tigusiffigineqarsinnaasuni.
Kalaallit Nunaanni tamarmi avatangiisinut navianartut imikkoortiterneqartarput, tamatumalu kingorna Danmark-imi suliareqqitassatut nassiunneqartarlutik.