Timmisartumut ilaasutut pisinnaatitaaffiit – timmisartuussinissamik taamaatitsineq aamma ikinissamut itigartitaaneq

Timmisartumut ilaasutut pisinnaatitaaffiit – timmisartuussinissamik taamaatitsineq aamma ikinissamut itigartitaaneq 

Timmisartup ilaaffissavit aallarfissaa taamaatinneqarpat imaluunniit timmisartumi inissaqannginneq pissutaalluni ikinissamut itigartitaaguit, timmisartumut ilaasutut arlalinnik pisinnaatitaaffeqarputit.

Timmisartup ilaaffissavit aallarfissaa taamaatinneqarpat imaluunniit timmisartumi inissaqannginneq patsisigalugu ikinissamut itigartitaaguit, makkua pisinnaatitaaffigisinnaavatit:

  • Billet-ivit akiata utertinnissaa
  • Angallassinermut piumasaqaatit assersuunneqarsinnaasut atorlugit ornitassannut angalanissavit allanngortinnissaa
  • Sumiiffimmut angalanerpit aallartiffianut periarfissaq siullerpaaq atorlugu akeqanngitsumik utimut timmisartuunneqarnissaq
  • Piffissamut utaqqinermi atorneqartumut naleqqiullugu naammaginartumik naleqquttunik nerisaqarnissaq aamma imeruersaateqarnissaq
  • Akeqanngitsumik oqarasuaammik fax-imik imaluunniit e-mail-imik atuisinnaanissaq
  • Ineqartitaaneq aamma mittarfiup unnuiffigisallu akornanni angallanneqarneq
  • Aningaasatigut taarsiiffigineqarneq


Ikinissamut aamma itigartitaasinnaavutit assersuutigalugu makku patsisigalugit:

  • Kingusinaartumik takkunneq
  • Napparsimaneq
  • Aalakoorneq
  • Siorasaarisutut pissusilersorneq 
  • Imaluunniit allatut pissusilersorneq imaluunniit timmisartumi isumannaallisaanermik navianartorsiortitsisumik pissuseqarneq


Pissutsit taakku patsisigalugit ikinissamut itigartitaasimaguit, siuliini taaneqartunut pisinnaatitaaffeqanngilatit.


Malugiuk
Pisinnaatitaaffinut timmisartornermi ingerlaarfik sorleq aqqutiginerit aamma timmisartuutileqatigiiffik suna ilaaffiginerit apeqqutaapput. Taamaattumik pisinnaatitaaffitit tusagaqarfigiumagukkit illit timmisartuutileqatigiiffik atukkat siusinaartumik saaffigisariaqarpat. Amerlanertigut timmisartuutileqatigiiffiup nittartagaani illit pisinnaatitaaffitit pillugit paasissutissat aamma nassaarisinnaavatit. Pisuni allani quppersakkamik nassiussivigisinnaavaatsit.

Timmisartuussinissat taamaatiinnarneranni aamma ikinissamut itigartitaanermi pisinnaatitaaffitit pillugit annertunersumik Danmark-imi Trafikstyrelsen-ip nittartagaani aamma Forbruger Europa-p nittartagaani paasisaqarsinnaavutit.

Allaaserisat attuumassutillit

Kommuninut, Nunaqarfinnut, Isorliunerusunut, Attaveqaqatigiinnermut Ineqarnermullu Naalakkersuisoqarfik
Imaneq 1A - 601
Postboks 909
3900 Nuuk

Oqarasuaat: (+299) 34 50 00
E-mail: box909@nanoq.gl
Nittartagaq: www.naalakkersuisut.gl