Timmisartumut ilaasutut pisinnaatitaaffiit – Inuit aamma nassatat ajoqusernerat

Timmisartumut ilaasutut pisinnaatitaaffiit – Inuit aamma nassatat ajoqusernerat  

Illit angalanivit nalaani ajoquseruit imaluunniit nassatatit ajoquserlutilluunniit tammarpata timmisartumi ilaasutut arlalinnik pisinnaatitaaffeqarputit.


Nassatat ajoqusertut tammartulluunniit
Angalanivit nalaani nassatatit ajoquserlutilluunniit tammarpata taarsiiffigineqarnissamut pisinnaatitaavutit. Makku eqqumaffigissavatit:

  • Timmisartumut nammineq tigummiarlugit nassatat aamma nassatat oqimaalutakkat assigiinngisinneqartarput
  • Annerpaamik 9.000 koruunit missaanni taarsiiffigineqarsinnaavutit


Inuit ajoquserneri
Timmisartornermut atatillugu inuttut ajoqusersimaguit, tunngaviusutigut timmisartuutileqatigiiffik 900.000 koruunit missaat tikillugit taarsiissutinik tunniussinissamut pisussaaffeqarpoq.

Taassuma saniatigut aningaasanik siumoortitsinissamik timmisartuutileqatigiiffik pisussaaffeqarpoq. Inuup ajoqusernerata imaluunniit toqunerata malitsigisaanik tassanngaannartumik aningaasaqarnikkut pisariaqartitannut aningaasat siumoortumik tunniunneqartut matussusiisussaapput. Toqusoqartillugu aningaasat siumoortumik tunniunneqarsinnaasut 144.000 koruunit missaannik annertussuseqarput.


Malugiuk
Pisinnaatitaaffinnut timmisartornermi ingerlaarfik sorleq aqqutiginerit aamma timmisartuutileqatigiiffik suna ilaaffiginerit apeqqutaapput. Taamaattumik pisinnaatitaaffitit tusagaqarfigiumagukkit illit timmisartuutileqatigiiffik atukkat siusinaartumik saaffigisariaqarpat. Amerlanertigut timmisartuutileqatigiiffiup nittartagaani illit pisinnaatitaaffitit pillugit paasissutissat aamma nassaarisinnaavatit. Pisuni allani quppersakkamik nassiussivigisinnaavaatsit.

Timmisartuussinissat taamaatiinnarneranni aamma ikinissamut itigartitaanermi pisinnaatitaaffitit pillugit annertunerusumik Danmark-imi Trafikstyrelsen-ip nittartagaani aamma Forbruger Europa-p nittartagaani paasisaqarsinnaavutit.

Allaaserisat attuumassutillit

Kommuninut, Nunaqarfinnut, Isorliunerusunut, Attaveqaqatigiinnermut Ineqarnermullu Naalakkersuisoqarfik
Imaneq 1A - 601
Postboks 909
3900 Nuuk

Oqarasuaat: (+299) 34 50 00
E-mail: box909@nanoq.gl
Nittartagaq: www.naalakkersuisut.gl