Imigassamik aalakoornartulimmik sassaallersinnaanermut akuersissut – Qinnuteqarneq

Imigassamik aalakoornartulimmik sassaallersinnaanermut akuersissut – Qinnuteqarneq 

Imigassamik aalakoornartulimmik sassaallersinnaanermut akuersissut tassaavoq imigassamik aalakoornartulimmik tuniniaasinnaanermut sassaallersinnaanermullu ataavartumik akuersissut. Inuit, suliffeqarfiit imaluunniit peqatigiiffiit imigassamik aalakoornartulimmik tuniniaaniarunik sassaallersinnaaniarunilluunniit, imigassamik aalakoornartulimmik sassaallersinnaanermut akuersissummik peqartussaapput.

Illit imaluunniit suliffeqarfiutit peqatigiiffiilluunniit imigassamik sassaallersinnaanermut akuersissummik qinnuteqassaguit/qinnuteqassappat, qinnuteqarnissamut immersugassaq immersussavat/immersussavarsi.

Type A-mik akuersissut atuuppoq, imigassanik aalakoornartortalinnik kimittuunik aamma imigassanik aalakoornartortalinnik kimikitsunik nioqquteqarsinnaanermut:

Type B-mik akuersissut atuuppoq, imigassanik aalakoornartortalinnik kimittuunik kimikitsunillu sassaallersinnaanermut:

Type C-mik akuersissut atuuppoq, imigassanik aalakoornartortalinnik kimikitsuinnarnik nioqquteqarnissamut:

Type D-mik akuersissut atuuppoq, imigassanik aalakoornartortalinnik kimikitsuinnarnik sassaallernissamut:

Type E-mik akuersissut atuuppoq, mittarfiit kiosk-iini akunnittarfinnullu unnuiffiusunut piffissami nal. 06.00-imiit nal. 12.00-ip tungaanut imigassanik kimittuunik kimikitsunillu sassaallernissamut:

Qinnuteqaammut ilanngutissavatit imaluunniit ilanngutissavasi:
  • Kommunip illuuteqarnermut oqartussaasuaniit atuilernissamut akuersissut
  • Kommunip qatserisartoqarneranut oqartussaasuaniit qatserisartut misissuinerannit nalunaarusiaq
  • Nunatsinni Inuussutissalerineq aamma Inuussutissat pillugit Oqartussaasuniit nerisassanik sassaallernissamut akuersissut

Illit ilissiluunniit nammineq akuersissutit pissarsiarinissaannut akisussaavusi.

Inuttut kisimiittutut imigassamik aalakoornartulimmik sassaallersinnaanermut akuersissummik qinnuteqarniaruit, qinnuteqarfissatut immersugassap saniatigut akuersissutit pisariaqartut ilanngutissavatit makku:
  • Pinerlussimannginnermut uppernarsaammik kommunip pissarsiniarsinnaaneranut ilinnit inuttut akuersilluni atsiugaq kiisalu pisortanut akiitsuusinnaasut pillugit paasissutissat aamma akileraarutaasussamik isertissimasat kingulliit
  • Inuussutissarsiorsinnaanermut uppernarsaat imaluunniit GER-normunnut uppernarsaat
  • Kinaassutsimut uppernarsaat atorsinnaasoq (najugaqarnermut uppernarsaat, biilinik angallassisinnaanermut uppernarsaatip nuutinnera, pas-ip nuutinnera imaluunniit kuisinnermut allagartap nuutinnera)

Suliffeqarfittut imaluunniit peqatigiiffittut
imigassamik aalakoornartulimmik sassaallersinnaanermut qinnuteqarniarussi, qinnuteqarnermut immersuiffissap aamma akuersissutit pisariaqartut saniatigut ilanngutissavasi makku:
  • Piginnittup imaluunniit aktie-tileqatigiiffik imaluunniit piginneqatigiiffimmi siulersuisunut ilaasortat pinerlussimannginnerannut uppernarsaammik kommunip pissarsiniarsinnaaneranut inuttut akuersilluni atsiugaat
  • Inuussutissarsiorsinnaanermut uppernarsaat imaluunniit GER-normumut uppernarsaat
  • Kinaassutsimut uppernarsaat atorsinnaasoq (najugaqarnermut uppernarsaat, biilinik angallassisinnaanermut uppernarsaatip nuutinnera, pas-ip nuutinnera imaluunniit kuisinnermut allagartap nuutinnera) piginnittumut tunngasoq imaluunniit aktie-tileqatigiiffik imaluunniit piginneqatigiiffik pineqarpat, siulersuisunut ilaasortanut tunngasoq
  • Suliffeqarfiup piffissami matumani allattugaataasa naqiterneri aamma suliffeqarfiup naatsorsuutai saqqummiunneqartut kingulliit

Illit imaluunniit ilissi qinnuteqarnermut immersugassaq, akuersissutit kiisalu ilanngussat sumiiffissinni innuttaasunut sullissivimmut imaluunniit nunaqarfiup allaffianut tunniutissavatit/vasi.

Allaaserisat attuumassutillit

Kommune Kujalleq
Postboks 514
3920 Qaqortoq
Oqarasuaat: 704 100
Fax.: 704 177
E-mail: kommune@kujalleq.gl
http://www.kujalleq.gl