Qassiarsuk

Qassiarsuk 

Qassiarsuk nunaqarfiuvoq savaateqarfik 90-sit missaanik inuttussusilik, nunaqarfillu Narsarsuup akerpiaaniippoq. Qassiarsuk tassaavoq Erik Aappalaartup Brattahlid-imik taagugaa. Nunaqarfik inissisimavoq Narsamiit 40 km missaanik ungasissusilimmi. Qassiarsuk tunngavilerneqarpoq 1924-mi savaatilimmit Otto Frederiksen-imit.

Ullumikkut nunaqarfik inuiaqatigiinnguatut ingerlalluartutut inissisimavoq niuertarfilik, atuarfilik, utoqqarnut inissialik, oqaluffilik allakkerivilillu. Nunaqarfimmiipput qaallunaatsiaat illorsuakui allanngungaarsimanngitsut aamma qanga eskimuut nunaqarfigisimasaat. Nunaqarfimmi illukut Kujataani takornarissanit takuniarneqarnerpaasarput.

Ukiuni kingullerni 10-15-ni innuttaasut amerlassusii allanut naleqqiullugit allanngujaasimapput 55-60-nik inuttussuseqarami, ukiunili kingullerpaani ikilerialaarsimapput, taamaalilluni 2015-imi juulip aallaqqataani innuttaasut 46-usimapput.

Nunaqarfimmi illut amerlanersaat ilaqutariinnut ataasiakkaanut illuupput siamasissumik inissitsitersimasut. Taakku saniatigut illuliat allat tassaapput pisortat illuutaat, savaasiviit sannaviillu assigiinngitsut