Kommunimut pilersaarusiakkut kommunip ineriartortinneqarnera tunngavilerneqassaaq ilusilersorneqassallunilu. Taamaammat kommunimut pilersaarummi ipput pingaarnerpaatigut anguniakkat kommunip ineriartortinneqarnerani tunaartassatut kommunalbestyrelsip kissaatigisimasai. Kommunimut pilersaarummissaaq ipput aalajangersakkat pingaarnerit kommunimi piffinnik ataasiakkaanik atuinerup qanoq pinissaanik aalajangersaavigisai kiisalu atortorissaaruteqarfiit, illutat nunaminertallu atorneqanngitsut pillugit aalajangersakkat sukumiinerusut. Kommunimut pilersaarutip allanngortinneqarnissaa kissaatigineqarpat imaluunniit piffik pillugu sukumiisunik aalajangersaasoqassappat kommunimut pilersaarummut ilassummik suliaqartoqassaaq.
Kommunimut pilersaarusiaq nunaminertanik qinnuteqaatit aammalu sanaartornissamik qinnuteqaatit suliarineqarneranni tunngaviusarpoq. Qinnuteqaatit kommunimut pilersaarummut akerliuppata Kommunalbestyrelsi sanaartornermut inerteqquteqarsinnaavoq imaluunniit nunaminertap allatut atorneqarneranut inerteqquteqarsinnaalluni.
Kommunimut pilersaarutip iluani piffinnut ataasiakkaanut pilersaaruteqarpoq piffinni taakkunani sanaartornernut tunngasutigut aalajangersaaffiusunik.
Piffinnut ataasiakkaanut pilersaarutit Kommune Kujallermut pilersaarutip iluani sukumiinerusumik aalajangersakkatut suliarineqarsimapput.
Kommunalbestyrelsip qinigaaffiit tamarmik affaanni siullerni kommunimut pilersaarut allanngortittariaqarnersoq isummerfigissassavaa kommunimullu pilersaarusiornermi periaasissiortassalluni. Kommunimut pilersaarummut tamarmiusumut allannguutissatut siunnersuut imaluunniit kommunimut pilersaarutip allannguutissai annertuut sivikinnerpaamik sapaatit akunnerini 12-ini tamanut takusassiarineqarsimassapput pilersaarutip inaarutaasup kommunalbestyrelsimit akuerineqannginnerani.
Kommunimut pilersaarummut ilassutit suliariniakkat aalajangersimasut (siusinnerusukkut piffinnut ataasiakkaanut pilersaarutinisulli) aallaavigalugit suliarineqakkajuttartut sapaatit akunnerini arfinilinni tamanut saqqummiusimaneqassapput. Siunnersuutit tamanut saqqummiunneqarnerat najukkami aviisit, kommunip nittartagaa kiisalu illoqarfinni nunaqarfinnilu allagarsiiviit atorlugit pisassaaq. Taakkunuunatiguttaaq kommunimut pilersaarutit akuerineqarsimasut tamanut nalunaarutigineqartassapput.
Kommune Kujallermi kommunalbestyrelsi 12. maj 2010 ataatsimiinnermini "2010-imi kommunimut pilersaarusiornermi periusissamik'" akuersissuteqarpoq. Kommunimut pilersaarusiornermi periaasissaq kommunip 2011-2022-imut pilersaarusiorneranut tunngavissiisimavoq. Kommunimut pilersaarusiornermi periaasissap akuerineqarnissaa sioqqullugu kommunimut pilersaarusiornermi periaasissap imarisassai pillugit kommuni oqallitsitsisarpoq quppersagaq oqallisissianik imaqartoq tunngavigalugu.
"2010-imi kommunimut pilersaarusiornermi periaasissaq" uani toqqaannartumik aaneqarsinnaavoq. (PDF - 2,6MB)
2012-imi siunnersuut pillugu tamanut tusarniaanerup kingorna kommunalbestyrelsip 23. maj 2013 ataatsimiinnermini 2011-2022-mut kommunimut pilersaarut akuersissutigaa.
Taanna 2. augusut 2013 tamanut saqqummiunneqarpoq. Kommunimut pilersaarut qarasaasiakkoortoq aammalu
tamanut tusarniaanerup nalaani akerliliissutaasimasut oqaaseqaatillu uani takuneqarsinnaapput.
Kommune Kujalliup 2017-imiit 2028-imut kommunitut pilersaarutaa
Kommunip pilersaarutaa ukiut sisamakkaarlugit nutarterneqartassaaq, tassa qinigaaffimmi ataasiarlugu, taamaattumik Kommune Kujalliup kommunalbestyrelsip siunnersuutitut 2017-imiit 2028-imut kommunitut pilersaarutaa innuttaasunut tusarniaassutigineqassaaq. Siunnersuut miss. sapaatip akunnerini qulini tamanut ammasumik tusarniaassutigineqassaaq, matumani innuttaasut, suliffeqarfiutillit, kattuffiit allallu kommunip ineriartorneranut soqutigisaqartut oqaaseqaatitik, siunnersuutitik maalaarutitillu saqqummiussinnaallugit. Kommune Kujallermut uunga nassiunneqarsinnaapput: ”Kommuneplan”, Postboks 514, 3920 Qaqortoq imlt. mailikkut mail teknik@kujalleq.gl taamaalillutik kommunimut apuunniassammata kingusinnerpaamik tallimanngorneq februaarip 10-anni, 2017.
Februaarip naalernerani kommunalbestyrelsip oqaaseqaatit apuussimasut isummerfigiumaarpai, inaarutaasumillu kommunimut pilersaarut akueralugu.
2017-imiit 2028-imut kommunimut siunnersuutitut pilersaarut uani takuneqarsinnaavoq
Kommunimi pilersaarummi allannguutissat pillugit allaaserisaq uani aanneqarsinnaavoq
Kommune Kujalliup 2017-imiit 2028-imut kommunitut pilersaarutaa, qulaani allassimasoq takujuk
Innuttaasunut ataatsimiisitsinerit uani takukkit