Kommunalbestyrelsip ataatsimiinera - juni 2017

Ataatsimiinnermi oqaluuserisassat

Ileqquusumik ataatsimiinneq 03/2017

 

 

Ataatsimiinneq Qaqortumi ingerlanneqassaaq

juunip 14-ianni 2017 nal. 09.00

 

 

 

OQALUUSERISASSANUT TAKUSSUTISSIAQ:

  

Imm. 1.          Oqaluuserisassat akuerineqarnerat.

Imm. 2.          Borgmesterimit ilisimatitsissutit.

Imm. 3.          Aningaasaqarnikkut killiffik.

Imm. 4.          Kommunimi akiligassat

Imm. 5.          Missingersuutini nikisitsinerit il. il.

Imm. 5A        Tarnip pissusaanik ilisimasalinnik pingasunik atorfinitsitsinissaq siunertaralugu ilassutitut aningaasaliissutissanik qinnuteqaat.

Imm. 6.          Kukkunersiuisut nalunaarusiaat nr. 25 & akissutissatullu siunnersuutit

Imm. 7.          Kommunalbestyrelsimi ilaasortamit Naja Lundimit siunnersuut

Imm. 8.          Atuarfiup siulersuisuini aalajangiisinnaatitaanani ataatsimeeqataasartussaq

Imm. 9.          KANUKOKA: Aallartitat ataatsimiinnerat ataatsimiinnermilu oqaluuserisassat

Imm. 10.        Aningaasaateqarfiit naatsorsuutaasa suliarineqarneri

Imm. 11.        2016-imi ukiumoortumik nalunaarutip saqqummiunneqarnera       

Imm 12.         Ukioq 2018-imi missingersuutini aningaasat atugassat

Imm 13.         Tamalaat.

  

 

PEQATAASUT:

 

Atassut:        Bentiaraq Ottosen

 

Inuit Ataqatigiit:                Henrik Brummerstedt, Stine Egede, Asmus Hansen, Mouritz Karlsen, Naja Lund

 

Siumut:         Mari S. Abelsen, Karla Egede Bisgaard, Monica Dorph, Kiista P. Isaksen, Jørgen Wæver Johansen, Benjamin Kielsen, Anders Olsen, Josef Petersen, Simon Simonsen,

 

Atorfilittat:  Konstitueret kommunaldirektør Kenneth Høegh, sekretariatschef Kim Dahl, økonomisk konsulent Claus Wæde Hansen

 

Oqalutsit:     Kelly Berthelsen, Pilunnguaq E. Nielsen

IMM. 1. OQALUUSERISASSAT AKUERSISSUTIGINEQARNERAT

 

Aalajangiineq:

IMM. 2. BORGMESTERIMIT ILISIMATITSISSUTIT

Aalajangiineq:

 

 

IMM. 3. ANINGAASAQARNIKKUT KILLIFFIK

 

Ulloq 02.06.2017 Kommune Kujallermi naatsorsuutit killiffii. 

02.06.2017 Naatsorsuutit killiffii ataatsimiititalianut agguataakkat. 

Susassaqarfinnit tamanit aningaasaqarnikkut killiffiit nalunaarutigineqarnerat – ataatsimiititalianut agguarlugit.

 

Inatsisit tunngavigisat: Aqutsinermut inatsit § 46 naapertorlugu

 

Aningaasartai: soqanngilaq.

 

Pisortaanerit inassuteqaataat: Tusaatissatut tiguneqassasoq.

 

Aningaasaqarnermut pilersaarusiortarnermullu ataatsimiititaliap (APA-p) aalajangernera 04/17: Tusaatissatut tiguneqarpoq.

 

Aalajangiineq:

 

 

IMM. 4. KOMMUNIMUT AKIITSUT KILLIFFII

 

02.06.2017-imi kommunip pisassai tamarmiusut ilisimatitsissutigineqarnerat,

kiisalu pisortat suliffeqarfiutaanni akiitsoqarnerpaat qulit qaammammusialinnit akunnermusialinnillu pisassat

qinikkaniillu pisassat

Inatsisit tunngavigisat: Aqutsinermut inatsit § 46 naapertorlugu

 

Aningaasatigut kingunissai: Soqanngilaq.

 

Pisortaanerit inassuteqaataat: Tusaatissatut tiguneqassasoq.

 

APA-mi aalajangiineq 04/17: Akiitsut amerliartornerat peqqutigalugu kommunip aammaarluni kommunimi atorfilinnut akissarsiat aqqutigalugit ilanngaasarnissaq neqeroorutigissavaa, malunnarmat PBS naammanngitsoq, peqqutigalugu inuit PBS aqqutigalugu ilanngaassinerup pinngilaataani akissarsianut kontuminnit aningaasanik tigusisarmata, taamaalilluni matussutissarsisinnaannginneq peqqutigalugu PBS aqqutigalugu ilanngaassineq pisinnaaneq ajormat.

Aningaasaqarnermut ingerlatsivik qinnuigineqarpoq nalunaarsuiffimmik sanaqqullugu, kommunimi sulisut akiitsuisa qanoq ingerlarnat takuneqarsinnaaniassammat, taannalu tulliani ataatsimiinnissamut saqqummiunneqarumaarpoq.

 

Aalajangiineq:

 

IMM. 5. MISSINGERSUUTINIK NUUTITSINEQ/ILASSUTITUT ANINGAASALIISSUTIT

QINNUTEQAATIT

Nikisitsinissamut qinnuteqaatit/ilassuteqaatit - Inuussutissarsiornermut Suliffeqarnermullu ataatsimiititaliaq - konto pingaarneq 3 – Aningaasaqarnermut Ataatsimiititaliamit 02/2017

Nikisitsinissamut qinnuteqaaatit tassaapput Namminersorlutik Oqartussaniit aningaasaliissutit, immikkut aningaaasartuutit - taakkulu qinnuteqaatini ersersinneqarput.

Allattoqarfiup qinnuteqaataa nunaqarfiup siulersuisui sinnerlugit nuussusinissamut qinnuteqaat Nunaqarfinni aqutsisut – akissarsiat kr. 96.000,00 APA-miit 03/2017

Isumaginninnermut ataatsimiititaliap qinnuteqaataa akissarsianut tunngatillugu ilassutitut aningaasaliissutinut kr. 800.000,00 03/2017

Inatsisit tunngavigisat:  Aqutsinermut inatsimmi § 44.

Aningaasaqarneq: ingerlatsinermut aningaasaliissutit/ killiliussat Inuussutissarsiornermut Suliffeqarnermullu tunngasuni annertusissapput -

Isumaginninnermut ataatsimiititaliamiit ilassutitut aningaasaliissutissatut qinnuteqaat ilanngaatissat ilanngaatigereerlugit missingersuutit inernerinut sunniuteqassaaq.

Pisortaqarfimmiit nikisitsinissamut qinnuteqaat ingerlatsiviup iluani aningaasarsianik nikisitsineruvoq.

Qullersaqarfiup innersuussutaa: Akuerineqarnissaa innersuussutigineqarpoq.

Aalajangiineq:

IMM. 5A. TARNIP PISSUSAANIK ILISIMASALINNIK PINGASUNIK ATORNITSITSINISSAQ SIUNERTARALUGU ILASSUTITUT ANINGAASALISSUTISSANIK QINNUTEQAAT

Isumaginninnermut Ataatsimiitaliaq tarnip pissusaanik ilisimasalinnut atorfiit pingasut aningaasaleeqataaffiginissaannut ilassutitut aningaasalissutissanik 350.000 kr.-nik qinnuteqaateqarpoq, akuerineqassappallu matumani Isumaginninnermut, Ilaqutariinnut, Naligiissitaanermut Inatsisinullu Atortitsinermut Naalakkersuisoqarfik assinganik aningaasaliisussaalluni (50/50).

Aningaasaliissutit ukiup sinneranut atorfinitsitsinissamut attuumassuteqarput, peqqutigalugu malugeqquneqarmat ilisimaarineqassallunilu siunissami tarnip pissusaanik ilisimasalinnut aningaasartuutissat atorfinnut pingasunut tunngassuteqartut 1.350.000 kr.-ummata, kisianni 50 %-ii naalakkersuisoqarfimmut qinnutigineqarsinnaallutik.

 

Aningaasatigut tunngavik: Kommunip pisinnaatitsissutaa.

 

Aningaasaqarnikkut kingunissat: kr. 350.000,- ukiup matuma iluani.

 

Pisortaanerit inassuteqaataat: Akuerineqassasoq inassutigineqarpoq.

 

Aningaasaqarnermut Ataatsimiititaliaq 04/17 Aalajangerneq: Akuerineqarnissaa kaammattuutigalugu kommunalbestyrelsimut ingerlateqqinneqassaaq.


Aalajangiineq:


Imm. 6. Kukkunersiuisut nalunaarusiaat nr. 25 & akissutissatullu siunnersuutit 

 

Nalunaarut nr. 25 kiisalu nalunaarummut akissutissatut siunnersuut.  

2016-IMUT NAATSORSUUTIT KUKKUNERSIORNEQARNERAT

Kommune Kujalleq pillugu nalunaarut nr. 25 2017-imi septembarip naanerani tiguneqarpoq.

 

Inatsisitigut tunngavik:

Aqutsinermut inatsimmi § 48.

 

Aningaasaqarnikkut kingunissat:

Soqanngilaq

 

Pisortaanerit inassuteqaataat:

Akuerineqarnissaa kaammattuutigalugu kommunalbestyrelsimut ingerlateqqinneqassasoq.

 

APA-mi aalajangigaq 03/17:  Nalunaarusiaq nr. 25 tusaatissatut tiguneqarpoq kommunalbestyrelsimullu inaarutaasumik akuerisassanngorlugu nassiunneqarluni.

 

Aalajangiineq:

PKT. 7. KOMMUNALBETSYRELSIMI ILASORTAMIT NAJA LUNDIMIT SIUNNERSUUT

Kommunalbestyrelsimi ilaasortaq Naja siunnersuuteqarpoq

kommunip meeqqeriviini kiisalu atuarfinni atuareernerullu kingorna paaqqinnittarfinni sulisut akornanni pujortartarneq inerteqqutaatinneqalissasoq.

Maajip 26-anni atuarfiup siulersuisuisa ataatsimiinnerminni siunnersuut oqaluuseraat. Ataatsimiititaliaq siunnersuummut tunngaviusumik isumaqataavoq, inaarutaasumillu aalajangiinnginnermi inatsisitigut nalilersuisoqarnissaa kissaatigineqarpoq, soorluttaaq Suleqatigiinnermut Ataatsimiisitaliami Pingaarnermi oqaluuserineqannginnerani sulisut akornanni, sinniisut atorfillillu kattuffii tusarniarneqaqqaassasut kissaatigineqartoq.

Narsarsuup siunissaa pillugu isumasioqatigiinnermi nunaqarfiup siunissaata isumannaarnissaanut pilersaarusiortoqarlunilu anguniakkanik piviusunngortitassanik pilersitsineq.

Inatsisitigut tunngavik: Imm. 1: Pujortarnermut inerteqquteqarneq pillugu inatsisartut inatsisaat. 2. Immikkoortoq: Kommunip pisinnaatitsissutaa.

Aningaasartai:

Pisortaanerup inassuteqaataa: Politikkikkut oqaluuserineqassasoq

APA-p aalajangernera 04/17:

Pujortarnermik inerteqquteqarnermut tunngasoq: Atuarfeqarnermut ataatsimiititaliaq siunnersuummut tunngaviusumik isumaqataavoq, eqqortuusorineqaranili suleqatigiiaanut aalajangersimasunut taamaallaat atuutissappat. Suleqatigiinnissamut pingaarnertut ataatsimiititaliami (HSU) qaqileqqinneqassaaq, aningaasaqarnermullu ataatsimiititaliami aggustimi ataatsimiinnissami nutaamik oqaluuserineqassalluni.

Narsarsuarmut tunngatillugu: Kommunalbestyrelse ukiap ingerlanerani Narsarsuarmi isumasioqatigiinnissaq pilersaarusioreerpaa, tamannalu borgmesterip ataatsimiititalianilu siulittaasut innuttaasunut ataatsimiisitsineranni nunaqarfimmi innuttaasunut nalunaarutigineqareerluni.

Aalajangiineq:

PKT. 8. ATUARFIUP SIULERSUISUINI AALAJANGIISINNAATITAANANI ATAATSIMEEQATAASARTUSSAQ

Nalunaarut nr. 9, 12. april 2005-imeersoq najoqqutaralugu kommunalbestyrelse pisussaatitaavoq atuarfinni tamani atuarfiit siulersuisuinik pilersitsiviusuni atuarfiit siulersuisunut taasisinnaatitaanani ataatsimeeqataasartussamik toqqaassalluni. Atuarfiit siulersuisuinik pilersitsinermi aalajangiisinnaatitaanani ataatsimeeqataasartussaq atuarfimmi siulersuisut tunuartussat siulittaasuat atuarfiullu pisortaa peqatigalugit atuutissaaq.

Siunnersuut:

Nanortallip Atuarfia:         Henrik Brummerstedt (IA)                       Anders Olsen (S)

Alluitsup Paa:                      Marius Nielsen (IA)                                   Henriette Josefsen (IA)

Ammassivik: Marius Nielsen (IA)                                  Henriette Josefsen (IA)

Tasiusaq:                            Katjo Frederiksen (S)                                Bebiane Enoksen (niuertoq)

Narsarmijit:                        Frank Jakobsen (aquts.all).                      Johanne Aronsen (timelæreri)

Aappilattoq:                      Angajo Manassen (S)                               Larsine Levisen (erninermut atatillugu sulinngiffeqartumut sinniisoq)

 

Tasersuup Atuarfia:           Jørgen Wæver Johansen (S)                     Bentiaraq Ottosen (A)

Eqalugaarsuit:                     Louise Jakobsen (Attaviitsoq)                   Kristen Dahl (Attaviitsoq)

Saarloq:                              Angerlarsimaffimmi atuartitsineq ingerlanneqarpoq

Qassimiut:                          Angerlarsimaffimmi atuartitsineq ingerlanneqarpoq.

 

Narsap Atuarfia:                Benjamin Kielsen (S)                                Asmus Hansen (IA)

Narsarsuaq:                        Naja Lund (IA)                                          Frederik (Nukassi) Frederiksen (S)

Qassiarsuk:                         Frederik Frederiksen (S)                           Naja Lund (IA)

Igaliku:                                Mouritz Karlsen (IA)                                 Naja Lund (IA) iml Frederik Frederiksen (S).

Inatsisitigut tunngavigisaq: Nalunaarut nr. 9 apriilip 12-at, 2005-imeersoq.

Aningaasartai: soqanngilaq.

Pisortaanerit inassuteqaataa: Akuerineqassasoq inassutigineqarpoq.

Aningaasaqarnermut ataatsimiititaliap aalajangernera 04/17: akuerineqarnissaanik kaammattuutitalerlugu kommunalbestyrelsimut ingerlateqqinneqassasoq.

 

Aalajangiineq:

 

 

 

IMM. 9. KANUKOKA: AALLARTITAT ATAATSIMIINNERAT ATAATSIMIINNERMILU OQALUUSERISASSAT

Allakkami maajip 22-anni 2017-meersumi KANUKOKA-p siulittaasuata, Simon Simonsenip, nalunaarutigaa ulluni septembarip 8-anniit 9-annut nuna tamakkerlugu peqatigiiffik Qaqortumi ataatsimiissasoq.

Aallartitat ataatsimiinneranni oqaluuserisassanut siunnersuutit nuna tamakkerlugu peqatigiiffiup kingusinnerpaamik juulip 8-anni tigoriissavai.

Inatsisitigut tunngavik: Kommunip piginnaatitsinera

Aningaasartai: soqanngilaq.

Pisortaanerup inassuteqaataa: Politikkikkut oqaluuserineqassasoq

APA-mi aalajangiineq 04/17: KANUKOKA-p nangitamik ataavarnarnissaanik siunnersuut siuartinneqarpoq, nunalu tamakkerlugu peqatigiiffiup nangitamik Maniitsumi angerlarsimaffeqassasoq aalajangerneqarluni, taamaattorli sulisut ilaasa kommunini ilaasortaasuni najugaqarlutik sulisinnaanerat periarfissaasariaqarluni.

Aalajangiineq:

 

IMM. 10. ANINGAASAATEQARFIIT NAATSORSUUTAASA SULIARINEQARNERI

Kommunip aningaasaateqarfiit assigiinngitsunik siunertallit katillugit arfineq-pingasut aqutarai. Naatsorsuuserinikkut piumasaqaataavoq aningaasaateqarfiit 1 mio. kr.-y sinnerlugit aningaasaateqarfiusut immikkut kukkunersiuisunit oqaaseqaatitalinnik naatsorsuusiorfigineqartassasut, aningasaateqarfinnulli minnerusunut 1 mio. kr.-t ataallugit aningaasaateqarfiusunut piumasaqaataanani, aatsaalli kommunalbestyrelse allaanerusumik kissaateqarpat.   Taamaammat aningaasaqarnermut ingerlatsiviup makku apeqqutigerusuppai:

Aningaasaqarnermut Ataatsimiititaliap naatsorsuutigaa kommunimi aningaasaateqarfiit minnerit 1 mio. kr.-t ataallugit aningaasaateqarfiusut naatsorsuusiorfigineqarnissaat kiisalu kukkunersiuisunit oqaaseqaatitalersorneqarneqassappat?

Malugeqquneqaqqissaaq inatsisitigut piumasaqaataanngimmat periarfissaaginnarlunili, kiisalu pineqartut naatsorsuusiorfigineqarnissaat kukkunersiorneqassappatalu kommunimut aningaasartuutaassammata.

Matumunnga tunngatillugu timersortartut tapersersornissaannut aningaasaateqarfimmut taamaallaat kukkunersiuisumit atsiukkamik naatsorsuusiortoqarpoq.

Inatsisit: Kommunip piginnaatitsinera

Aningaasaqarneq: Kukkunersiuinermi aningaasartuutinik sipaarneq.

Qullersaqarfiup inassuteqaataa: Qullersaqarfiup inassuteqaatigaa aningaasaateqarfinnut minnerusunut kukkunersiuisunit atsiornilinnik naatsorsuusiortoqartarnissaa siunertarisamut naleqqutinngitsoq.

APA-mi aalajangiineq 04/17: Innersuussutigineqartoq akuerineqarpoq, taamaalilluni aningaasaateqarfiit 1 mio. kr.-t ataallugit aningaasaateqarfiusut kukkunersiuisumit atsiukkamik naatsorsuusiorfigineqarnissaat pisariaarulluni, taamaallalli 1 mio. kr.-t sinnerlugit aningaasaateqarfiusut naatsorsuusiorfigineqartassallutik.

 

Aalajangiineq:

IMM. 11. 2016-MI UKIUMOORTUMIK NALUNAARUTIP SAQQUMMIUNNEQARNERA.

Aningaasaqarnermut ukiumoortumik nalunaarummut 2016-mut suliarinninnermik ilisimatitsissut  02-2017 pk. 14.

 

2016-imut naatsorsuutit 2017-imi februaarip naalernerani matuneqarput, aningaasaqarnermullu ingerlatsiviup naatsorsuutaasa  inerneri naapertorlugit 17,7 mio. koruuninik sinneqartooruteqarluni.  

 

Ingerlatsinermut aningaasartuutit 497,3 mio.kr-iullutik missingersuutit 100,8%-eraat. Sanaartornermut aningaasartuutit 25,7 mio.kr.-iupput, tassaallutiuk aningaasat atortussat naatsorsornerisa 62%-ii. Aningaasanik tigoriaannarnik peqarneq eqqarsaatigalugu ukiup naanerani tigoriaannaat 34,8 mio.kr.-iupput, ukiullu aallartinnerani tigoriaannaat 45,4 mio.kr.-iusimallutik, tassa tigoriaannaat 10,6 mio.kr.-inik 2016-imi appariarsimapput. Oqaatigineqassaaq ukiup aallartinnerani naaneranilu aningaasatigut sillimmatit piffissaq taannarpiaannaq pisuummata taamalu ingerlatsinikkut kommunimut pinngitsooratik kinguneqartariaqanngimmata. Aamma oqaatigineqassaaq akiitsut sivisuumik taarsersugassat 42,2 mio.kr-ummata, taamalu 4,2 mio.kr-inik ikileriarsimallutik.

 

2016-imut ukiumoortumik nalunaarut paasissutissiilluarfiusoq pillugu missingersuut, kisitsisitigut paasissutissanik tapertalersugaq, taanna maajip naanerani 2017-imi kommunalbestyrelsip ileqquusumik ataatsimiinnerani akuerisassanngorlugu kommunalbestyrelsimut saqqummiunneqassasoq naatsorsuutigineqarpoq. 

 

Inatsisit:

Aqutsinermut inatsimmi § 47.

 

Aningaasaqarnikkut kingunissat:

Ukiumoortumik nalunaarut ataatsimiilinnginnermi piareerneqareersimassaaq.

 

Pisortaanerit inassuteqaataat:

Inassuteqaat akuerineqassasoq.

 

APA-mi aalajangigaq 03/17: Ukiumut naatsorsuutit inerneri ataatsimiititaliap ataatsimiinnerani marsimi ingerlanneqartumi akuersissutigineqareersimapput 2016-imullu ukiumut naatsorsuutit ilisimatitsissutissatut saqqummiunneqarput ataatsimiititaliamiillu tusaatissatut tiguneqarlutik. 

 

Aalajangiineq:

IMM. 12. 2018-IMUT MISSINGERSUUTINUT KILLIUSSAT

2018-imut missingersuusiorneq aallarnersinnaajumallugu aalajangiinissat missingiusiorneqarput, taamalu missingiut tullliuttoq saqqummiunneqarpoq:

 

2018-imut missingersuutit tamarmiusut aningaasartaannut missingiutit

2018-imi sulisut amerlassusissaannut missingiutit

2018-imut missingersuusiornermi pilersaarutissatut missingiut

 

Inatsisitigut tunngavik:

Kommunit aqunneqarnerat pillugu Inatsisartut inatsisaat nr 22, 18 november 2010-meersumi § 41.

 

Aningaasartai:

2018-imut kommunip missingersuutaanut tunngasoq

 

Pisortaanerit inassuteqaataat: Kaammattuutigineqarpoq missingiutit saqqummiunneqartut akuerineqassasut, kiisalu suliareqqitassanngorlugit kommunalbestyrelsimut ingerlateqqinneqassasut.

 

APA-p aalajangernera 04/17: Akuerineqarpoq.

 

Aalajangiineq:

 

 


IMM. 13. TAMALAAT

 

 

Ataatsimiinneq naammassivoq.

 

 

 

Kiista P. Isaksen                                        Mari S. Abelsen                  Karla Egede Bisgaard

 

 

Monica Dorph                                          Jørgen Wæver Johansen

 

 

Benjamin Kielsen                                      Anders Olsen Josef Petersen

 

 

Simon Simonsen                                       Bentiaraq Ottosen              Henrik Brummerstedt

 

 

Stine Egede   Asmus Hansen                    Mouritz Karlsen                  Naja Lund