Kommunalbestyrelsip ataatsimiinera - oktober 2017

Ataatsimiinnermi oqaluuserisassat

Ataatsimiinnermi oqaluuserisassat

Ileqquusumik ataatsimiinneq 05/2017

Ataatsimiinneq Qaqortumi ingerlanneqassaaq
3. Oktobari 2017 nal 09.00

OQALUUSERISASSANUT TAKUSSUTISSIAQ:

Imm. 1.            Oqaluuserisassat akuerineqarnerat.

Imm. 2.            Borgmesterimit ilisimatitsissutit.

Imm. 3.            Aningaasaqarnikkut killiffik.

Imm. 4.            Kommunimi akiligassat.

Imm. 5.            2018-imut missingersuutit, siullermeerinninneq.

Imm. 6.            Nuussinerit / ilassutitut aningaasaliissutissatut qinnuteqaatit.

Imm. 7.            Pujortartarnerup inerteqqutiginera.

Imm. 8.            Savaateqarfiit akornanni aqquserngit.

Imm. 9.            Misileraalluni aalisarneq.

Imm. 10.          Alluitsup Paani suliniut.

Imm. 11.          Nunaqarfinnut aqutsisoqarfik.

Imm. 12.          Kommunalbestyrelsip ataatsimiinnginnerini ataatsimiititaliat suliassaqarfiusut akimorlugit ilisimatitsissuteqarluni ataatsimiittoqartarnissaa.

Imm. 13.          Narsami isumaginninnikkut immikkut suliniutit.

Imm. 14.          Meeqqat atuarfiini isumaginninnermi siunnersortinik tapersersortinillu atorfinitsitsisoqarnissaa.

Imm. 15.          Atuareernerup kingorna ornittakkap SISI-p ukioq naallugu ammasalernissaa.

Imm. 16.          Agnethe Nielsenimut eqqaassutissiinissaq

Imm. 17.          Ingerlatsivik nutaaq

Imm. 18.          Taasariaqartut allat.

 

PEQATAASUT:

Atassut: Bentiaraq Ottosen

Inuit Ataqatigiit: Henrik Brummerstedt, Stine Egede, Asmus Hansen, Mouritz Karlsen, Naja Lund

Siumut: Mari S. Abelsen, Karla Egede Bisgaard, Monica Dorph, Kiista P. Isaksen, Jørgen Wæver Johansen, Benjamin Kielsen, Anders Olsen, Josef Petersen,
Manasse Semsen (Simon Simonsen-imut sinniisutut)

Atorfilittat: Pisortaanerugallartoq Kenneth Høegh, allattoqarfiup pisortaa Kim Dahl, aningaasaqarnermut pisortaq, Kim Rosendahl, aningaasaqarnermut siunnersorti Claus Wæde Hansen

Oqalutsit: Pipaluk E. Nielsen, Connie Fontain, Pilunnguaq E. Nielsen

 

IMM. 1. OQALUUSERISASSAT AKUERSISSUTIGINEQARNERAT

Aalajangiineq:

 

IMM. 2. BORGMESTERIMIT ILISIMATITSISSUTIT

Aalajangiineq:

 

IMM. 3. ANINGAASAQARNIKKUT KILLIFFIK

Ulloq 04.09.2017 Kommune Kujallermi naatsorsuutit killiffii.

04.09.2017 aallavigalugu naatsorsuutit killiffii ataatsimiititalianut agguataakkat. 

Susassaqarfinnit tamanit aningaasaqarnikkut killiffiit nalunaarutigineqarnerat – ataatsimiititalianut agguarlugit.

Inatsisitigut tunngavik: Aqutsinermut inatsimmi § 46 naapertorlugu

Aningaasartai:

Pisortaanerit inassuteqaataat: Tusaatissatut tiguneqassasoq.

APA 08/2017 Aalajangiineq: Aningaasaqarnikkut killiffik tusaatissatut tiguneqarpoq, ingerlatsiviillu tamarmik kaammattorneqarput nangitamik mianersortumik aningaasanik atuineq ingerlanneqassasoq.

Aalajangerneq:    

 

IMM. 4. KOMMUNIMUT AKIITSUT KILLIFFII

05.09.2017-imi kommunip pisassai tamarmiusut ilisimatitsissutigineqarnerat, kiisalu

pisortat suliffeqarfiutaanni akiitsoqarnerpaat qulit

qaammammusialinnit akunnermusialinnillu pisassat

qinikkaniillu pisassat

Inatsisitigut tunngavik: Aqutsinermut inatsimmi § 46 naapertorlugu

Aningaasaqarnikkut kingunissat: Aningaasartuutinut allannguutaanngitsoq

Pisortaanerit inassuteqaataat: Tusaatissatut tiguneqassasoq.

APA-p 08/2017 aalajangernera: Tusaatissatut tiguneqarpoq. Ataatsimiititaliap aningaasaqarnermut ingerlatsivik kaammattorpaa atorfillit attaviginiaqqeqqullugit, kommunimi akiitsut akilersornissaannik kajumissutsimik tunngaveqarluni isumaqatigiissummik atsioqatigiinnissaq siunertaralugu. Ilanngullugu A-nut akiliutit politikkikkut ataqatigiissaarisut ataatsimiinnissaannut oqaluuserisassatut ilanngunneqarnissaat kaammattuutigineqarpoq.

Aalajangerneq:

  

IMM. 5. 2018-IMUT MISSINGERSUUTIT, SIULLERMEERINNINNEQ.

2017-imut missingersuutinut killiliussaagallartut, aningaasaqarnermut siunnersortimit Claus W. Hansenimit suliaq, oqaluuserisassanut ilanngussaq ilanngunneqarpoq.

  1. Missingersuusiornermut piffissalersuineq
  2. Missingersuutini aningaasat atugassat akuerisat - CWH.
  3. Ataatsimiititalianiit missingersuutinut oqaasertassat (kalaallisut qallunaatullu) Nassuiaat
  4. 2018-imut missingersuutit kisitsisitaat - kisitsitat sisamat/4 ciffer. (kalaallisut qallunaatullu) Nassuiaat
  5. 2018-imi atorfiit akuerisat amerlassusaannut siunnersuut.

Inatsisit tunngavigineqartut: Aqutsinermut inatsimmi § 41, imm. 1.

Aningaasaqarnikkut kingunissat: Paasissutissani takuneqarsinnaapput

Qullersaqarfiup innersuussutaa: Ataatsimiititaliat killiliussaagallartut atorlugit missingersuutilerinertik ingerlateqqissagaat kiisalu siunnersuutit tamarmiusut akuerineqarnissaat innersuussutigalugit kommunalbestyrelsimut ingerlateqqinneqassasut.

APA-p 08/2017-imi aalajangernera: Missingersuutitut siunnersuut akuerineqarpoq, kommunalbestyrelsimullu siullermeerneqartussanngorlugu ingerlateqqineqassalluni. Inassutigineqarpoq akissarsianik akiliutigisartagaq 2,4 %-imik pisariaqartumik sipaarutigineqassasoq, innuttaasunullu malunnaatilimmik kiffartuussineq ajorseriaateqartinngikkaluarlugu aaqqiiniartoqassasoq, tassalu missingersuutini 15 mio. koruuninik sinneqartooruteqarnissaq anguniarlugu aaqqinniagassat nutaat 2017-imilu aaaqqinniagassat 2018-imut nuunneqartussatut isikkoqartut piarersimaffiginiarlugit.

Aalajangiineq: 

 

IMM. 6. MISSINGERSUUTINIK NUUTITSINEQ/ILASSUTITUT ANINGAASALIISSUTISSATUT QINNUTEQAATIT QINNUTEQAATIT

A: Teknikkeqarnermut ataatsimiititaliaq

Matumuuna nikisitsinikkut 650.000 kr.-t ”Konto 75-02-22 Qaqortumi Meeqqerivik Angajo”-miit ”Konto 71-01-00 kommunip illuutaasa aserfallatsaalineqarnissaannut aningaasaliissutit”-nut nikisinneqarnissaat qinnuteqaatigineqarpoq. Taamatut nikisitsiniarneq peqquteqarpoq Nuummi Sullivinnik Nakkutilliisoqarfimmii naalakkiummik allagarsereerup kingorna Nanortalimmi allaffeqarfiup saavata oqummik saassunneqarsimasup taarserneqarnissaanut aningaasanik pisariaqartitsisoqarmat. Teknikkeqarnermut Avatangiisunullu Ingerlatsivimmit (TAI) piaarnerpaamik taaneqartut suliarineqarnissaannik aallartisaanissaq pingaaruteqarpoq.

Qinnuteqaat una nikisitsinissamut tunngasoq taamaallaat allaffeqarfiup saavanut tunngassuteqarpoq. Teknikkeqarnermut Avatangiisinullu Ingerlatsivik maannakkut allaffeqarfiup kujammut, kangimut kimmullu saqqai/isui iliuuseqarfiginiarlugit suli allanik isertuussassanik neqeroortitsileruttorpoq.

Inatsisitigut tunngavik: Kommunip piginnaatitsinera

Aningaasartai: Nassuiarneqartutut.

Teknikkeqarnermut pisortap inassuteqaataa: imaappoq Nikisitsinissamut qinnuteqaat akuerineqarnissaanik innersuussutitalerlugu aningaasaqarnermut ataatsimiititaliamut saqqummiunneqassaaq.

Teknikkeqarnermut ataatsimiititaliap aalajangiinera: Akuerineqarpoq

Pisortaanerit inassuteqaataat: Akuerineqassasoq inassutigineqarpoq.

APA-p 04/2017 aalajangernera: Akuerineqarpoq.

 

B: Isumaginninnermut ataatsimiititaliaq.

Isumaginnittoqarfik Panbohusimik Qaqortumi Tupernap Aqqutaani inissisimasumik tarnikkut innarluutilinnut najugaqarfissamik pisinissaq siunertaralugu ilassutitut aningaasaliissutinik 1) 1.650.000 kr.-nik qinnuteqaateqarpoq, kiisalu 2) illu Augo Lyngesvejimiittoq 1.850.000 kr.-nik nalilik.

Aningaasatigut tunngavik: Kommunip pisinnaatitsissutaa.

Aningaasatigut tunngavik: 3.500.000 kr.

Qullersaqarfiup inassuteqaataa: Suliaq paasinarsarneroqqullugu Isumaginninnermut Ataatsimiittaliamut utertinneqarnissaa inassutigineqarpoq.

APA-p 04/2017 Aalajangernera: Inassuteqaataat akuerineqarpoq.

Isumaginninnermut Ataatsimiitaliaq tarnip pissusaanik ilisimasalinnut atorfiit pingasut aningaasaleeqataaffiginissaannut ilassutitut aningaasalissutissanik 350.000 kr.-nik qinnuteqaateqarpoq, akuerineqassappallu matumani Isumaginninnermut, Ilaqutariinnut, Naligiissitaanermut Inatsisinullu Atortitsinermut Naalakkersuisoqarfik assinganik aningaasaliisussaalluni (50/50).

Aningaasaliissutit ukiup sinneranut atorfinitsitsinissamut attuumassuteqarput, peqqutigalugu malugeqquneqarmat ilisimaarineqassallunilu siunissami tarnip pissusaanik ilisimasalinnut aningaasartuutissat atorfinnut pingasunut tunngassuteqartut 1.350.000 kr.-ummata, kisianni 50 %-ii naalakkersuisoqarfimmut qinnutigineqarsinnaallutik.

Aningaasatigut tunngavik: Kommunip pisinnaatitsissutaa.

Aningaasaqarnikkut kingunissat: kr. 350.000,- ukiup matuma iluani.

Pisortaanerit inassuteqaataat: Akuerineqassasoq inassutigineqarpoq.

APA-p 04/2017 aalajangernera: Akuerineqarnissaa kaammattuutigalugu kommunalbestyrelsimut ingerlateqqinneqassaaq.

 

C: Aningaasaqarnermut ataatsimiititaliaq.

Kontumiit 59-08-00-imiit 2,7 mio. koruuninik konto 41-mik 48-millu sippuilluni atuivallaarsimanermut amigartoorutinut ilassutitut aningaasaliisoqarnissaa qinnutigineqarpoq, ilassutitut aningaasaliissutit taakku 2017-imi amigartoorutinut naatsorsuutigineqartunut matussuseeqataassapput.

Inatsisit tunngavigisat: Aqutsinermut inatsimmi § 44.

Aningaasaqarneq: Aningaasaliissutit katillugit 2.7 mio. koruunit karsimiittuutinut utertinneqassasut. 

Pisortaanerit inassuteqaataat:

APA-p 08/2017 aalajangernera: Amigartoorutinut ilassutitut aningaasaliisoqarnissaanik qinnuteqaat kommunip 2017-imut naatsorsuutitigut angusaqarnerlunneranik 2,7 mio. koruuninik aningaasartaqartumik matussusiinissaq akuersissutigineqarpoq.

Aalajangiineq:

 

IMM. 7. KOMMUNALBESTYRELSIMI ILAASORTAP NAJA LUNDIP PUJORTAQQUSIUNNAARNISSAMIK SIUNNERSUUTAA  

Kommunalbestyrelsip 03/2017-imi ataatsimiinermini kommunalbestyrelsimi ilaasortamit Naja Lundimit ataani siunnersuutigineqartoq oqallisigaa:

Kommunip meeqqeriviini kiisalu atuarfinni atuareernerullu kingorna paaqqinnittarfinni sulisut akornanni pujortartarneq inerteqqutaatinneqalissasoq.

Maajip 26-anni atuarfiup siulersuisuisa ataatsimiinnerminni siunnersuut oqaluuseraat. Ataatsimiititaliaq siunnersuummut tunngaviusumik isumaqataavoq, inaarutaasumillu aalajangiinnginnermi inatsisitigut nalilersuisoqarnissaa kissaatigineqarpoq, soorluttaaq Suleqatigiinnermut Ataatsimiisitaliami Pingaarnermi oqaluuserineqannginnerani sulisut akornanni, sinniisut atorfillillu kattuffii tusarniarneqaqqaassasut kissaatigineqartoq.

APA-p aalajangernera 04/17:

Pujortarnermik inerteqquteqarnermut tunngasoq: Atuarfeqarnermut ataatsimiititaliaq siunnersuummut tunngaviusumik isumaqataavoq, eqqortuusorineqaranili suleqatigiiaanut aalajangersimasunut taamaallaat atuutissappat. Suleqatigiinnissamut pingaarnertut ataatsimiititaliami (HSU) qaqileqqinneqassaaq, aningaasaqarnermullu ataatsimiititaliami aggustimi ataatsimiinnissami nutaamik oqaluuserineqassalluni.

Pujortartarneq pillugu siunnersuut: tunngaviusumik siunnersuut taperserneqarpoq, HSU-mi qaqilerneqareerpat aggustimi aningaasaqarnermut ataatsimiititaliami suliarineqaqqittussaalluni.

Suliaq HSU-p ataatsimiinnerani ullormi 25/9 naliliiffigineqarpoq: HSU saqqummiinermut atatillugu assigiinngitsunik isumaqarpoq, sulinermilu pujortartarnerup aqunneqarnissaa kissaatigineqarluni.  

HSU-meersut arlallit nalilerpaat pujortartarnerup ersarikkunnaarnissaa anguniarlugu arlaannik sanasoqassasoq, tassa pujortartarfinnik illuaqqanik assigisaannilluunniit taamaasilluni pujortartarneq tamanit imaasiallaannaq takuneqarsinnaannginniassammat. Sulisut meeqqanik inuusuttunillu sullissisut sullitaminnut maligassiuinissaat eqqarsaatigalugu sulinerminni pujortartannginnissaat arlalinnit kissaatigineqarpoq. Pujortarunnaarnissamut pikkorissartitsinissamut neqeroorutit sulisunut tamanut naliginnaasumik neqeroorutigineqartarnissaat periarfissaasariaqarpoq, ingammik sulinerminnut atatillugu pujortartarneq inerteqqutaagaangat.

Inatsisitigut tunngavigineqartut: Pujortartarnermik inerteqquteqarneq pillugu Inatsisartut inatsisaat

Aningaasartai:

Qullersaqarfiup inassuteqaataa: HSU-p inassuteqaataa utaqqimaarneqarpoq.

APA-p 08/2017 aalajangernera: Aningaasaqarnermut ataastimiititaliap siunnersuut taperserpaa, kommunalbestyrelsimilu politikkikkut oqallisigisassanngortillugu ingerlateqqillugu.

Aalajangiineq:

 

IMM. 8. KOMMUNALBESTYRELSIMI ILAASORTAP MOURITZ KARLSENIP SAVAATEQARFIIT AKORNANNI AQQUSINNIORNISSANUT SIUNNERSUUTAA

Kommunalbestyrelsimi ilaasortap Mouritz Karlsenip savaateqarfiit akornanni aqqusernit tallineqarnissaannut iluarsaanneqarnissaannullu aningaasaliissutinik amerlanerusunik immikkoortsisoqarnissaa suliniutigineqassasoq siunnersuutigaa.

Inatsisitigut tunngavik: 

Aningaasartai:

Qullersaqarfiup inassuteqaataa: Qullersaqarfiup ilisimaaraa aqqusinerngit ilaternissaannut aningaasaliissutit ikiliartortinneqarsimasut. 2008-mut aninngaasanut inatsimmi aningaasaliissutit tamakkiisut agguataarneqarput Nanortallip kommunerisimasaanut 100 tsd. koruunit, Qaqortup kommunerisimasaanut 100 tsd. koruunit Narsallu kommunerisimasaanut 300 tsd. koruunit. Taamaalilluni 2008-mut aningaasanut inatsimmi aningaasaliissutigineqartut maannakkut Kommune Kujalliusumut 500 tsd. koruuniupput. Ullumikkut 2017-imi aningaasat nalinginut nallersuutissagaanni 580 tsd. koruuniupput. 2018-imut aningaasanut inatsisissamut 409 tsd. koruunit immikkoortinneqarsimapput, aningaasanut inatsisip kontuani 20.05.20 (kommuninut ataatsimoortumik tapiissutit). 2008-miit 2018-imut savaatilinnut aqquserniornissanut aningaasaliissutit annertuumik millineqarsimapput.

Massakkuugallartoq aningaasaliissutissat aqquserngit aserfallatsaalineqarnissaannut taamaallaat naammapput, taakkulu kommunip kontuanit 7-mit atorneqassapput 837 tsd. koruuniullutik 2018-imullu missingersuutinut atorneqassallutik.  163 tsd. koruuninik appaasoqarsimavoq, aningaasat naleerukkiartornerat eqqarsaatigalugu appaaneq annertugisassaalluni.

Kommune Kujalliup FFL 2018-imut sunniuteqaqataaniarnissaa siunnersuutaavoq, tassani konto pingaarneq nutaaq 20.11.73 “Nerisassanik nammineq pilersorsinnaanerup annertusarneqarnissaanut sillimmat” pineqarpoq. Siunertamut matumunnga 10 mio. koruunit immikkoortinneqarput, aningaasaliissutillu taakku savaatilinni aqquserngit niuerutissanut, ikiorsiissutissanullu assartuiffigiuminarsarnissaannut pitsanngorsaataanissaat siunnersuutigineqarpoq. FL2018 aqqutigalugu ukiuni tulliuttuni attaveqaatinik annertusaanermut sulianut 2.mio.koruunit ukiumut atorneqartassasut, taakkulu aningaasaliissutit FL2018-imi Naalakkersuisut Inatsisartunilu ilaasortat akornanni suleqatigiinnikkut salliutinneqassasut siunnersuutigineqarluni.

APA-p 08/2017 aalajangernera: Ataatsimiititaliap inassuteqaat taperserpaa nunallu atortulersugaanerani aamma nunaminertat UNESCO-p nunarsuarmiunut kingornutassiassaattut toqqakkat, ass. Igalikumiit Sissarluttumut aqqusinniornissat samminissaat. Siunnersuut teknikkeqarnermut avatangiisinullu ataatsimiititaliamit misissorneqaqqittussanngorlugu suliarineqatussanngorlugulu nassiunneqarpoq.

Aalajangiineq:

 

IMM. 9. KOMMUNALBESTYRELSIMUT ILAASORTAP MOURITZ KARLSENIP MISILERAALLUNI AALISARNISSAQ PILLUGU SIUNNERSUUTAA 

Kommunalbestyrelsimut ilaasortap Mouritz Karlsenip kujataata imartaani misileraalluni aalisarnerup aallartisarneqarnissaa siunnersuutigaa, aammattaaq kangerlunni maanna aalisarfioqqusaanngitsuni aalisarnerup ammaqqinnissaanut periarfissanik misissuititserusulluni.

Inatsisit: Kommunip piginnaatitsinera

Aningaasartai:

Pisortaanerit inassuteqaataat: Misileraalluni aalisalernissaq pillugu pinngortitaleriffimmut saaffiginnittoqassasoq.

APA-p 08/2017 aalajangernera: Ataatsimiititaliap siunnersuut taperserpaa, suliamullu tunngatillugu suliareqqinneqarnissaa siunertaralugu inuussutissaqarnermut suliffeqarnermullu ataatsimiititaliamut ingerlateqqillugu.

Aalajangiineq:

 

IMM. 10. KOMMUNALBESTYRELSIMUT ILAASORTAP MOURITZ KARLSENIP ALLUITSUP PAANI SULINIUTEQARNISSAQ PILLUGU SIUNNERSUUTAA

Kommunalbestyrelsimut ilaasortap Mouritz Karlsenip Alluitsup Paani innuttaasut suleqatigalugit aalisakkeriviup ammaqqinnissaata sulissutigineqarnissaa siunnersuutigaa, ilaatigut aningaasanut inatsimmi konto 64.10.17-mi (pulje 5 mio. koruuninik imalik) taperneqarnissamut qinnuteqarnissaq periarfissaammat, aningaasanullu inatsimmi konto 64.01.05 aningaasaliissutinik imaqarmat nunaqarfinni inuussutissarsiornikkut siuarsaanissaq pillugu pilersaarusiortoqassammat.

Inatsisit: Kommunip piginnaatitsinera

Aningaasartai:

Pisortaanerit inassuteqaataat: Politikkikkut oqallisigineqassasoq, tamatumali nalerpiaani teknikkeqarnermut ingerlatsiviup inuussutissarsiornikkullu ingerlatsiviup akornanni qulaani aningaasanut inatsinnit taakkartorneqartunit taperneqarnissamut qinnuteqarnissaq pillugu pilersaarusiortoqassasoq.

APA-p 08/2017 aalajangernera: Ataatsimiititaliap aalajangerpaa Inuussutissarsiorneq pillugu Ataatsimiititaliap borgmesteri peqatigalugu piaarnerpaamik Naalakkersuisunut attaveqassasut, Alluitsup Paani aalisakkeriviup ammaqqinnissaanut aaqqiissutissamik ujartuiniarlutik periarfissaappallu oktobarip qiteqqunnerani politikkikkut ataqatigiissaaqatigiit ataatsimiinnerannut atatillugu naapillutik. Naalakkersuisut peqatigalugit isumaqatigiinniarnermi aalisakkanik pisassiissutit tulaassisussaatitaanerlu apeqqutini pingaarnertut nalilerneqarput.

Aalajangiineq:

 

IMM. 11. KOMMUNALBESTYRELSIMUT ILAASORTAP MOURITZ KARLSENIP NUNAQARFINNI AQUTSISOQARNEQ PILLUGU SIUNNERSUUTAA

Kommunalbestyrelsimut ilaasortap Mouritz Karlsenip ingerlatsiviit assigiinngitsut akimorlugit nunaqarfinnut aqutsisoqarfimmik ataatsimoorussamik pilersitsisoqarnissaa siunnersuutigaa, nunaqarfiit innuttaasuisa kiffartuunneqarnerat taamaalilluni ataasiussammat kiffartuussineq pitsanngorsarneqarlunilu eqaallisarneqarnissaa siunertaralugu.

Inatsisit: Kommunip piginnaatitsinera

Aningaasartai:

Qullersaqarfiup inassutigaa: Qullersaqarfiup siunnersuutigaa nunaqarfinnut tunngasunut suliniutit aaqqissuuteqqinneqassasut, taamaalilluni aningaasaliissutit pitsaanerpaamik atorneqarnissaat anguneqarniassammat. Inassutigineqassaaq konto 11-mi, konto 2-mi aamma konto 6-imilu maannakkut aningaasaliissutit aallaavigineqassasut, aningaasaliissutillu pingaarnersiorneqassasut, taamaaliornikkut nunaqarfinnut ingerlatsivimmi periarfissat ammanerulersillugit, assersuutigalugu nunaqarfinnut pisortaq aamma ikiorti/assistenti. Aammattaaq siunnersuutigineqassaaq konto 2-mi 6-imilu nunaqarfinni assassornikkut suliassanut assigiinngitsunut tiimimusilalinnut aningaasaliissutit katersorneqassasut, atorfiillu akuerisat allattorsimaffianni nutaatut nunaqarfinni kiffartuussinermi ikiortissanut arlalinnut atorneqassasut.

APA-p 08/2017 aalajangernera: Ataatsimiititaliap nunaqarfinni innuttaasunut suliffissinerup pitsaanerutinneqarnissaanut kissaateqarneq taperserpaa, siunnersuutilli kingusinnerusukkut oqallisigineqarnissaanut atatillugu siunnersuuteqartoq itinerusumik nassuiaateqarnissaa kissaatigaa.

Aalajangiineq:

 

IMM. 12. KOMMUNALBESTYRELSIMUT ILAASORTAT MONICA DORPHIP AAMMA NAJA LUNDIP SIUNNERSUUTAAT

Kommunalbestyrelsimut ilaasortat Monica Dorphip aamma Naja Lundip ullut sammisassaqartitsiviit saniatigut ataatsimiititaliat suliassaqarfiusut / sulianik aqutsisoqarfiit assigiinngitsut akimorlugit, kommunalbestyrelsip ataatsimiinnissai sioqqullugit ilisimatitsissuteqarluni ataatsimiittoqartarnissaa pillugu ataatsimoorlutik siunnersuuteqarput.

Inatsisit: Kommunip piginnaatitsinera kiisalu aqutsinermut inatsimmi § 20, imm. 2.

Aningaasartai:

Pisortaanerup inassuteqaataa: Politikkikkut oqaluuserineqassasoq

APA-p 08/2017 aalajangernera: Ataatsimiititaliaq siunnersuutip oqariartuutaanik isumaqataavoq kommunalbestyrelsilli ataaatsimiinnissaanut kissaatit taakku malillugit pilersaaruteqareernera nalilerpaa.

Aalajangiineq:

 

IMM. 13. KOMMUNALBESTYRELSIMUT ILAASORTAT MONICA DORPHIP AAMMA NAJA LUNDIP SIUNNERSUUTAAT

Kommunalbestyrelsimut ilaasortat Monica Dorphip Naja Lundillu ataatsimoorlutik Narsami atornerluinermik ajornartorsiutit annertuut peqqutaallutik, immikkut ittumik isumaginninnikkut iliuuseqartoqarnissaa siunnersuutigaat .

Inatsisit: Isumaginnittoqarfiup aqunneqarnera aaqqissuussaaneralu pillugit Inatsisartut peqqussutaat § 6

Aningaasartai:

Qullersaqarfiup inassutigaa: Qullersaqarfiup borgmesterip siunnersuutaa siunnersuutigaa Narsap kivinneqarnissaanut suleqatigiissitat pilersinneqarnissaat matumani ataqatigiissillugu oqallissutigineqassaaq, tassani Narsami aningaasaqarniarnerup ilusaateqqinnissaanut suliaqarneq ilaassaaq tamannalu isumaginninnermut kinguneqarluarnissaa naatsorsuutaalluni. Maluginiarneqarput maannakkut meeqqat 40-t ulloq unnuarlu inissiisarfinnut inissinneqarsimasut, imalu agguarneqarlutik: Narsami 8 %-it, Nanortalimmi 18 %-it, Qaqortumilu 74 %-it.

APA-p 08/2017 aalajangernera: Borgmesterip kommunalbestyrelsemut saqqummiunneqartussatut, "Narsap kivinneqarnissaanut" suleqatigiissitamik inuussutissarniornikkut isumaginninnermullu suliniutinik suliaqartussanik pilersitsinissamut isummernissamut tunngavissiaq suliaraa. Suliniutip matuma siunnersuuteqartut kissaataat matussuserai nalilerneqarpoq.

Aalajangiineq:

 

IMM. 14. KOMMUNALBESTYRELSIMUT ILAASORTAT MARI S. ABELSENIP AAMMA MONICA DORPHIP SIUNNERSUUTAAT

Kommunalbestyrelsimut ilaasortat Mari S. Abelsenip aamma Monica Dorphip ataatsimoorlutik  meeqqat atuarfianni isumaginninnermi siunnersortinik tapersersortinillu (skolefé) atorfinitsitsisoqarnissaanut suliniartoqarnissaa siunnersuutigaat. 

Inatsisit: Kommunip piginnaatitsinera

Aningaasartai:

Qullersaqarfiup inassutigaa: Qullersaqarfiup inassutigaa, siunnersuut atuarfinnut, ulluunerani paaqqinniffinnut, nutaaliornermullu ataatsimiititaliamut oqallisigineqarnissaanik kaammattuutitalerlugu nassiunneqassasoq kiisalu konto 5-imi missingersuutinut sinaakkut aqqutigalugu aningaasaliiffigineqarnissaata kissaatigineqarnissaa inassutigalugu.

APA-p 08/2017 aalajangernera: Ataatsimiititaliap qullersaqarfiup inassuteqaataa malissavaa, assersuutigalugu suliassaq atuarfeqarnermut, meeqqeriveqarnermut nutaaliornermullu ataatsimiititaliamut ingerlateqqinneqassaaq isumaginninnermullu ataatsimiititaliaq peqatigalugu suliamik isumaginnissallutik.

Aalajangiineq:

 

IMM. 15. KOMMUNALBESTYRELSIMUT ILAASORTAP MONICA DORPHIP SIUNNERSUUTAA

Kommunalbestyrelsimut ilaasortap Monica Dorphip siunnersuutigaa atuareernerup kingorna ornittakkap SISI-p ukioq naallugu ammasalernissaa, soorluttaaq illoqarfinni nunaqarfinnilu inuusuttuaqqat ornittagaannut klubbinut assigisaanullu suliffeqarfiup pilersaarutaanik ujartuisoq.

Inatsisit: Kommunip piginnaatitsissutaa aammalu Kulturikkut sunngiffimmilu sammisassaqartitsinermut Inatsisartut inatsisaat nr. 5, 6. juni 2016-imeersumi, kapitali 5

Aningaasartai:

Qullersaqarfiup inassutigaa: Qullersaqarfiup inassutigaa, siunnersuut atuarfinnut, ulluunerani paaqqinniffinnut, nutaaliornermullu ataatsimiititaliamut oqallisigineqarnissaanik kaammattuutitalerlugu nassiunneqassasoq kiisalu konto 5-imi missingersuutinut sinaakkut aqqutigalugu aningaasaliiffigineqarnissaata kissaatigineqarnissaa inassutigalugu.

APA-p 08/2017 aalajangernera: Ataatsimiititaliap qullersaqarfiup ataatsimiititaliani suliassaqarfiusuni oqallinnissamut inassuteqaataa malissavaa, taamatullu atuarfeqarnermut, meeqqeriveqarnermut nutaaliornermullu ataatsimiititaliaq kiisalu kultureqarnermut sunngiffimmullu ataatsimiititaliaq pineqarput, taamaattorli klubbit aasaanera naallugu ammasartut paaqqinnittarfittut atorneqarsinnaanersut misissorneqartariaqarpoq. 

Aalajangiineq:

 

IMM. 16: KOMMUNALBESTYRELSIMUT ILAASORTAP BENJAMIN KIELSENIP AGNETHE NIELSENIMUT EQQAASSUTISSAQ PILLUGU SIUNNERSUUTAA

Kommune Kujallermi Narsap Kommuniani siornatigut borgmesteriusimasup Agnethe Nielsenip eqqaassutissaanik sanasoqarnissaa kommunalbestyrelsimi ilaasortap Benjamin Kielsenip siunnersuutigaa.

Inatsisitigut tunngavigisaq: Kommunip piginnaatsitsinera

Aningaasartai:

Pisortaanerup inassuteqaataa: Politikkikkut oqaluuserineqassasoq

APA-p 06/2017 aalajangernera: Kommunalbestyrelsimit eqqartugassatut ingerlateqqinneqassasoq, taamaaliortoqannginneranilu siunnersuuteqartoq siunnersuutiminik itisileeqqullugu attavigineqassaaq, soorlu assersuutigalugu eqqaassutissaq qanoq isikkoqassava? Inuusaliaq, qiperugaq imaluunniit qalipagaq?

Aalajangiineq:

 

IMM. 17. KOMMUNALBESTYRELSIMUT ILAASORTAP KIISTA P. ISAKSENIP INGERLATSIVIMMIK NUTAAMIK PILERSITSINISSAMIK SIUNNERSUUTAA

Kommunalbestyrelsimut ilaasortap Kiista P. Isaksenip Siumut sinnerlugu ingerlatsiveeqqamik suliassaqarfinnik kulturimut, pinaveersaartitsinermut, sunngiffimmut aaqqissugaanikkullu aningaasaliissutinut tunngasunik isumaginnittussamik pilersitsinissaq siunnersuutigaa. 

Inatsisit: Kommunip piginnaatitsinera

Aningaasartai:

Pisortaanerit inassuteqaataat: Politikkikkut oqallisigineqassasoq, tamatumali nalerpiaani ingerlatsiveeqqamik taamaattumik pilersitsisoqarnissaa inassutigineqassasoq, aaqqissuussineq maanna atuuttoq naapertuutinngimmat.

Aalajangiineq:

 

IMM. 18. TAASARIAQARTUT ALLAT

 

Ataatsimiinneq naammassivoq:

 

Kiista P. Isaksen Mari S. Abelsen Karla Egede Bisgaard

Monica Dorph Jørgen Wæver Johansen Benjamin Kielsen

Anders Olsen Josef Petersen Simon Simonsen

Bentiaraq Ottosen Henrik Brummerstedt Stine Egede

Asmus Hansen            Mouritz Karlsen          Naja Lund