Ataatsimiinnermi oqaluuserisassat Ileqquusumik ataatsimiinneq 05/2015


Ataatsimiinnermi oqaluuserisassat
Ileqquusumik ataatsimiinneq 05/2015


Ataatsimiinneq ingerlanneqassaaq Nanortalimmi Alummiumi.
3. december 2015 nal 09.00


OQALUUSERISASSANUT TAKUSSUTISSIAQ:

1. Oqaluuserisassat akuerineqarnerat
2. Siulittaasup ilisimatitsissutai
3. Aningaasaqarnikkut killiffik.
4. Kommunimut akiitsut killiffii.
5. Missingersuutitigut nikisitsinissamik qinnuteqaat
6. 2016-mut missingersuutit – kommunip inissiaatai (inissiaatileqatigiit ini-mit siunnersuut)
7. Kukkunersiuisut nalunaarutaannut nr. 20-mut akissutissatut siunnersuut
8. Kukkunersiuinermit nalunaarummut nr. 21-mut akissutissatut siunnersuut
9. Kommune Kujallermi upalungaarsimanermut pilersaarut
10. Kommune Kujalliup siunissami asfaltiliorfissaanut innersuussut pillugu
11. 2016-imut missingersuutit
12. 2016-imi Kommunalbestyrelsip ataatsimiiffissaatut siunnersuutit
13. Tamalaat


PEQATAASUT:

Siumut: Jørgen Wæver Johansen, Simon Simonsen, Kiista P. Isak-sen, Ole Mølgaard-Motzfeldt, Ánásse Kleist Karolussen (Bena Olsenimut sinniisutut), Samuel Simonsen (Lars Lundbladimut sinniisutut), Benjamin Kielsen, Manasse Semsen, Karla Egede Bisgaard

Inuit Ataqatigiit: Avaaraq Olsen, Kelly Berthelsen, Stine Egede Nørbæk, Ki-sta Isaksen, Henrik Brummerstedt (Debora Kleistimut sin-niisutut)

Atassut: Josef Petersen

Peqataanngitsut: Bena Olsen, Lars Lundblad, Debora Kleist

Atorfillit: Kommunaldirektør Frank H. Jørgensen, allaffeqarfiup pisortaa Kim Dahl, aningaasaqarnermut pisortaq Kim Ro-sendahl

Oqalutsit: Dorthea Berthelsen, Jens Karlsen


IMM. 1 OQALUUSERISASSAT AKUERSISSUTIGINEQARNERAT.

Aalajangerneq:

IMM. 2. SIULITTAASUP ILISIMATITSISSUTAI.

Aalajangerneq:


IMM. 3. ANINGAASAQARNIKKUT KILLIFFIK.

Naatsorsuutinik oqimaaqatigiissitsineq pr. 02.11.2015 for Kommune Kujalleq
Suliassaqarfinnit tamanit aningaasatigut killiffimmik nassuiaat
11.11.2015 Naatsorsuutit killiffii ataatsimiititalianut agguataakkat

Inatsisitigut tunngavigisaq.
Aqutsinermut inatsimmi § 46 imm. 1 naapertorlugu.

Aningaasaqarneq:

Pisortaanerup inassuteqaataa:
Ilisimatitsissutitut tiguneqassasoq inassutigineqarpoq

Aningaasaqarnermut Pilersaarusiortarnermullu Ataatsimiititaliap aalajangernera 11/2015: Tusaatis-satut tiguneqarpoq.

Aalajangerneq:


IMM. 4. KOMMUNIMUT AKIITSUT KILLIFFII.

11.11.2015-imi kommunip pisassai tamarmiusut ilisimatitsissutigineqarput kiisalu
• pisortat suliffeqarfiutaat akiitsoqarnerpaat qulit
• qaammammusialinnit akunnermusialinnillu pisassat
• qinikkaniit pisassat

Inatsisitigut tunngavigisaq.
Aqutsinermut inatsimmi § 46 imm. 1 naapertorlugu.

Aningaasaqarnikut sunniutissat:
Aningaasartuutinut allannguutaanngitsoq.

Pisortaanerup inassuteqaataa:
Kommunip pisortaanerata inassuteqaataa: PBS atorneqarfiginngisamini atorneqalissaaq. Sulisut 100.000 kr. sinnerlugit akissarsitinneqarpallaarsimasut immikkut iliuuseqarfigineqassapput.

Aningaasaqarnermut Pilersaarusiortarnermullu Ataatsimiititaliap aalajangernera 11/2015: Inatsisileri-tuujuneq Michael Mikkelsen taassuminnga suliassinneqassaaq inuit 100.000,00 kr.-it sinnerlugit aki-ligassaqartut akiliisinniarnissaat siunertaralugu, aammattaaq inuit Danmarkimut nuussimasut pillugit Akiliisitsiniartarfik sulisinneqalisassoq. Aningaasaqarnermut Ataatsimiititaliaq suliaq pillugu inger-laavartumik ilisimatinneqartassaaq. Tamatuma saniatigut tusarniaanerit kinguarsarneqaratik inger-lanneqassapput.

Aalajangerneq:


IMM. 5. 2015-IMI MISSINGERSUUTITIGUT NIKISITSINISSAMIK QINNUTEQAAT

Inuussutissarsiornermut Suliffeqarnermullu Ataatsimiititaliamiit kiisalu Meeqqanut Kulturimullu Ataatsimiititaliamiit missingersuutitigut nikisitsinissamik qinnuteqaatit.

Konto pingaarneq 3 - Inuussutissarsiorneq suliffeqarnerlu
Konto pingaarneq 5 – Kulturi

Inatsisitigut tunngavigisaq.
Aqutsinermut inatsimmi § 44

Aningaasaqarnikut sunniutissat:
Aningaasaqarnermut sunniuteqassanngilaq taakku namminneq missingersuutaasa iluanni nuussisoqartussaammat.

Pisortaanerup inassuteqaataa: Akuerineqassasoq inassutigineqarpoq.

Aningaasaqarnermut Pilersaarusiortarnermullu Ataatsimiititaliap aalajangernera 11/2015: Akuerineqarpoq. Ilassutitut aningaasaliissutit kiisalu missingersuutitigut nikisitsinerit akissarsianut tunngasortallit eqqarsaatigalugit akuerineqarnissaannik kaammattuuteqarluni Kommunalbestyrel-simut ingerlateqqinneqarput.

Aalajangerneq:


IMM. 6. 2016-MUT MISSINGERSUUTIT – KOMMUNIP INISSIAATAI (INISSI-AATILEQATIGIIT INI-MIT SIUNNERSUUT).

2016-mut missingersuutinik iluarsisanik INI nassiussaqarpoq.
Ineqarnermut akiliutit sapinngisamik appasinnerpaatinniarlugit INI piginnittup pissarsiassaanik naatsorsueriaatsinik nutaanik atuutsitsilersimavoq, taamaalillunilu piginnittup pissarsiassai illup tunineqaruni akigisinnaasaanik tunngaveqarluni naatsorsorneqartalerput inissiat ataasiakkaat sananeqarnerminni akiinik tunngaveqarunnaarlutik.
Tamatumunngalu ilanngullugu Kommune 18,8 mio. kr.-inik inissianut oquttunut atugassanik kassekreditteqarmat inissiat oquttut missingersuutiniit INI-p peerpai.

Inatsisitigut tunngavigisaq.
§ 41, imm. 1-mut

Aningaasaqarneq:
Ilanngussani nassuiarneqartutut.

Teknikkeqarfimmi pisortap inassutaa:
missingersuutit misissorneqassasut aningaasaqarnermullu ataatsimiititaliamut nassiun-neqarlutik.

Teknikkimut Ataatsimiititaliami AALAJANGERNEQ
Missingersuutit Aningaasaqarnermut Ataatsimiititaliamut ingerlateqqitassanngorlugit akuerineqarput.

Pisortaanerup inassuteqaataa:
Akuerineqartussatut inassutigineqarpoq paasissutissammi siulliit atorsinnaasimanngimmata. Inas-sutigineqarpoq ineqarnermut akiliutit appaatissaat 2016-mut missingersuutinut ilanngullugit 1. januar 2016-imilu atuutilersussanngorlugit inaarutaasumik akuerisassanngorlugit oqaluuserineqassasut. Aamma inassutigineqarpoq piginnittup pissarsiaaniit 3 mio. kr.-it illuutinik iluarsaassinernut pisari-aqarluinnartunut atorneqassasut.

Aningaasaqarnermut Pilersaarusiortarnermullu Ataatsimiititaliap aalajangernera 11/2015: Akuerineqarnissaa kaammattuutigalugu Kommunalbestyrelsimut ingerlateqqinneqarpoq.

Aalajangerneq:


IMM. 7. KUKKUNERSIUISUT NALUNAARUTAANNUT NR. 20-MUT AKISSUTIS-SATUT SIUNNERSUUT

Aningaasaqarnermik Ingerlatsivik nassiussaqarpoq
* Nalunaarut nr. 20, Namminersorlutik Oqartussat suliassaqarfiinut 2014-imi kommunit naatsor-suutaaniittunut tunngasut kiisalu nalunaarummut akissutissatut siunnersuut.

Kommune Kujalleq pillugu nalunaarut nr. 20 septemberip naanerani 2015 tiguneqarpoq.

Inatsisitigut tunngavigisaq.
Aqutsinermut inatsimmi § 48.

Aningaasaqarnikut sunniutissat:
Soqanngilaq

Pisortaanerup inassuteqaataa:
Akuerineqarnissaa kaammattuutigalugu kommunalbestyrelsimut ingerlateqqinneqassasoq.

Aningaasaqarnermut Pilersaarusiortarnermullu Ataatsimiititaliap aalajangernera 11/2015: Akuerineqarnissaa kaammattuutigalugu kommunalbestyrelsimut ingerlateqqinneqarpoq. Ingerlatsiv-inni pisortat akissuteqaateqarsimannginnerat taamaammallu aningaasaqarnermut pisortap akissute-qaasiortariaqarsimanera Aningaasaqarnermut Ataatsimiititaliamit isornartorsiorneqarpoq. Kommunip pisortaanerata ingerlatsivinni pisortanik pineqartunik aggersaanissaa kiisalu taama pisoqaqqinnginnis-saanik qularnaarinissaa ataatsimiititaliamit maluginiarneqarpoq.

Aalajangerneq:


IMM. 8. KUKKUNERSIUINERMIT NALUNAARUMMUT NR. 21-MUT AKISSUTIS-SATUT SIUNNERSUUT.

Aningaasaqarnermik Ingerlatsivik nassiussaqarpoq
* Nalunaarut nr. 21 kiisalu nalunaarummut akissutissatut siunnersuut.

Kommune Kujalleq pillugu nalunaarut nr. 21 2015-imi septemberip naanerani tiguneqarpoq.

Inatsisitigut tunngavigisaq.
Aqutsinermut inatsimmi § 48.

Aningaasaqarnikut sunniutissat:
Soqanngilaq

Pisortaanerup inassuteqaataa:
Akuerineqarnissaa kaammattuutigalugu kommunalbestyrelsimut ingerlateqqinneqassasoq.

Aningaasaqarnermut Pilersaarusiortarnermullu Ataatsimiititaliap aalajangernera 1/2015: Akuerineqarnissaa kaammattuutigalugu kommunalbestyrelsimut ingerlateqqinneqarpoq. Ingerlatsiv-inni pisortat akissuteqaateqarsimannginnerat taamaammallu aningaasaqarnermut pisortap akissute-qaasiortariaqarsimanera Aningaasaqarnermut Ataatsimiititaliamit isornartorsiorneqarpoq. Kommunip pisortaanerata ingerlatsivinni pisortanik pineqartunik aggersaanissaa kiisalu taama pisoqaqqinnginnis-saanik qularnaarinissaa ataatsimiititaliamit maluginiarneqarpoq.

Aalajangerneq:


IMM. 9. KOMMUNE KUJALLERMI UPALUNGAARSIMANERMUT PILERSAARUT.

Kommune Kujalliup upalungaarsimanermut pilersaarutaa suliarineqarsimavoq

Upalungaarsimanermut pilersaarut atorneqartarpoq pisoq qanoq iliuuseqarfiginiarlugu ajornartorsior-nermi aqutsivimmik pisariaqartitsisoqartillugu.
Pilersaarummi siunertarineqarpoq ajornartorsiornermi aqutsivimmik pilersitsinermi suut pisariaqar-nersut nassuiassallugit taamaalilluni Kommune Kujalliup suliassani pilertortumik pitsaasumillu naammassisinnaaniassammagit.


Inatsisitigut tunngavigisaq.

Aningaasaqarneq:

Pisortaanerup inassuteqaataa:
Pisortaaneqarfiup inassuteqaataa: Upalungaarsimanermut pisortap suliai akuerineqarlutillu atortuuler-sinneqassasut.

Aningaasaqarnermut Pilersaarusiortarnermullu Ataatsimiititaliap aalajangernera 1/2015: Akuerineqar-nissaa kaammattuutigalugu kommunalbestyrelsimut ingerlateqqinneqarpoq.

Aalajangerneq:


IMM. 10. KOMMUNIP SIUNISSAMI ASFALTILIORTARNERA PILLUGU KAAM-MATTUUTIT.

Siunissami asfaltiliortarneq pillugu siunnersuut

Inatsisitigut tunngavigisaq.

Aningaasaqarneq:
Aningaasartassai sanaartugassanut immikkoortitatigut akilerneqassapput

Pisortaanerup inassuteqaataa:
Pisortaanerup inassuteqaataa: 2,5 mio. kr.-inik asfaltiliorfimmut 2016-mut missingersuutit pillugit kommunalbestyrelsip ataatsimiinnissaani aningaasaliisoqassasoq.

Aningaasaqarnermut Pilersaarusiortarnermullu Ataatsimiititaliap aalajangernera 1/2015: Akuerineqar-nissaa kaammattuutigalugu kommunalbestyrelsimut ingerlateqqinneqarpoq. Illoqarfinni tamani aqqusinilerisoqarmat aqquserngit itersaat iluarsarneqartassapput.

Aalajangerneq:


IMM. 11. 2016-IMUT MISSINGERSUUTIT.

2016-mut missingersuutit suliarineqarnerisa nanginneqarnerat, tak. Kommunalbestyrelsip 23. oktober 2015-imi ataatsimiinnerani 04/2015-mi siullermeerinninneq

1. 2016-imut missingersuutip suliarinera

2016-mut missingersuutinut killiliussaagallartut, aningaasaqarnermut siunnersortimit Claus W. Hansenimit suliaq, oqaluuserisassanut ilanngunneqarput.
Missingersuusiornermi piffissaliussat.
Inatsisit tunngavigineqartut: Aqutsinermut inatsimmi § 41, imm. 1.
Aningaasaqarnikut sunniutissat:
Paasissutissani takuneqarsinnaapput
Pisortaanerup inassuteqaataa:
Ataatsimiititaliat killiliussaagallartut atorlugit missingersuutilerinertik ingerlateqqissagaat kiisalu siunnersuutit tamarmiusut akuerineqarnissaat kaammattuutigalugit kommunalbestyrelsimut ingerlateqqinneqassasut.
ANINGAASAQARNERMUT ATAATSIMIITITALIAQ 09/2015: Konto 1-mut missingersuutissatut siunnersuutit akuerineqarput. Missingersuutissatut siunnersuut tamarmiusoq akuereqqullugu kaammattuutigalugu kommunal-bestyrelsimut ingerlateqqinneqarpoq.
Aalajangerneq: Akuerineqarpoq.

20/20/60 atorlugu illuliornissamik qinnuteqartoqartilulgu allaffeqarfik kommunip an-ingaasaleeqataassutissaanik neriorsuuteqartarnissaanik piginnaatinneqarpoq.

Siunnersuut Aningaasaqarnermut Ataatsimiititaliamit oqaluuserineqassaaq kommunalbestyrelsimullu inassuteqaateqartoqassalluni.

Inatsisitigut tunngavigisaq: Aqutsinermut inatsimmi § 25, imm. 1 aamma § 41.

Aningaasaqarneq:

Pisortaanerup inassuteqaataa:
Missingersuutissatut siunnersuutit inaarutaasut pigineqaleriarpata akuerineqassasoq inassutigi-neqarpoq.

Aningaasaqarnermut Pilersaarusiortarnermullu Ataatsimiititaliap aalajangernera 1/2015: Akuerineqarnissaa kaammattuutigalugu kommunalbestyrelsimut ingerlateqqinneqarpoq. Sanaartu-gassanut atugassat suussusissaat aalajangersagaanngitsut 11 mio. kr.-iusut pillugit siunnersuutigi-neqarput makku: 2,5 mio. kr.-it asfaltiliorfimmut, 2,2 mio. kr.-it Nanortalimmi utoqqaat illuliorner-mut aningaasaliissutinut ilassutissat, 300 t.kr. Alluitsup Paani katersortarfik, 200 t.kr. Alluitsup Paani utoqqarnut illuliat marluk qerisoorfiusimasut, sinneruttullu 6 mio. kr. ivigaasanik arsaattarfiliorner-mut kommunip 50%-imik tapiissutissaanut, taamaalilluni illoqarfinni tamani suliniuteqartut nammin-neq aalajangersinnaanngussavaat ivigaasanik arsaattarfik qanoq angitigissanersoq. Tamatuma sania-tigut immikkut suliniarfissanut, soorlu isumaginnittoqarfimmut atuarfeqarnermullu, aningaasaliis-sutissanik immikkoortitsisoqarnissaa isumaqatigiissutigineqarpoq. Taamaammat aaqqissugaanermut aningaasaliussat 5 mio kr.-inik ilallugit 8 mio. kr.-inik missingersuuteqartussanngorlugit qaffanne-qarput.

2015-mi sanaartugassanut aningaasaliissutit atunngitsuukkat 2016-mi missingersuutinut nuunneqas-sapput.

20/20/60 atorlugu illuliornissamik qinnuteqartoqartilulgu allaffeqarfik kommunip an-ingaasaleeqataassutissaanik neriorsuuteqartarnissaanik piginnaatinneqarpoq. Taamaammat 2017-imiit ukiumut
4 millioner kr.-iinik 20/20/60 atorlugu sanaartornermut immikkoortitsisoqartarnissaanik missinger-suusiortoqarpoq, taakku illut ukiumut 14 sananeqarnerannut kommunip aningaasaleeqataassutissarai.

Aalajangerneq:


IMM. 12. 2016-IMI KOMMUNALBESTYRELSIP ATAATSIMIIFFISSAATUT SIUN-NERSUUTIT.

2016-mi Kommunalbestyrelsip ataatsimiiffissaatut allaffeqarfimmiit ullut makku siunnersuutigi-neqarput:

• 16. marts Narsaq
• 25. maj Qaqortoq
• 28. september Nanortalik
• 23. november Qaqortoq

Inatsisitigut tunngavigisaq: Aqutsinermut inatsimmi § 8

Aningaasatigut kingunissai:

Pisortaanerit inassuteqaataat: Ataatsimiiffissanik pilersaarutit ataatsimiititaliat ataatsimiiffissaannik ilallugit KK-kalender-imut ingerlaavartumik nutarterneqarsinnaasunngorlugit ikkunneqassapput.

Aalajangerneq:


IMM. 13. TAMALAAT.




Ataatsimiinneq ingerlanneqarpoq nal.




Jørgen Wæver Johansen Simon Simonsen Kista P. Isaksen


Manasse Semsen Ole Mølgaard-Motzfeldt Ánásse Kleist Karolussen


Samuel Simonsen Benjamin Kielsen Karla E. Bisgaard


Stine Egede Nørbæk Kista Isaksen Avaaraq Olsen


Kelly Berthelsen Henrik Brummerstedt Jo-sef Petersen