Sanaartornermik aatsitassarsiornermillu suliallit suleqatigiiffiliornissaat pillugu paasissutissiilluni ataatsimiinneq

Suleqatigiiffiit pilersinniarneqartut tassaassapput inuussutissarsiortut, innuttaasut aammalu Kommune Kujalliup akornanni ataatsimut isumassarsianik suliniutissanillu oqallittarfissat
Fra:
17. september 2015 19:00
Til:
17. september 2015 22:00
Sumiiffik:
Kommune Kujallermi qinikkat ataatsimiittarfiat Qaqortumiittoq
Aaqqissuisoq:
Inuussutissarsiornermik ingerlatallit aamma Kommune Kujalleq
April 2015-imi Borgmester Jørgen Wæver Johansenip Kommune Kujallermi inuussutissarsiutinik ingerlatallit qinikkat ataatsimiittarfiannut aggersarpai Kommune Kujalliup siunissaanik oqalliseqatigiumallugit. Kommune Kujalliup aningaasatigut sinneqartooruteqarlualerluni, patajaatsumik inuussutissarsiorfiulerluni ilinniarluarnissamillu sammisaqarfiulerluni aqqut takisooq atorlugu makiteqqinnissaanut takorluukkamik borgmesteri taamani saqqummiussaqarpoq.

Inuussutissarsiutinik ingerlatsisut suliniut tigulluarlugu kujataata siunissaa pillugu eqqarsaatiminnik takorluukkaminnillu saqqummiussaqarput. Ataatsimiinnermut peqataasut akisussaaffimmik misiginerat annertoqaaq.

Illuatungeriit tamarmik ataatsimoorluni sulinissap pisariaqassusianik ersersitsipput.

Taamanikkullu oqaloqatigiinnerit kingunerisaannik siunniunniunneqarpoq inuussutissarsiorneq pillugu siunnersuisoqatigiiliornissaq taassumalu ataani assigiiaanik suliallit suleqatigiiffiliussasut.