CAK-mi, Piareersarfimmi aammalu Tasersuup Atuarfiani ilinniartut ilinniartitsisullu

Kommune Kujalliup siunissaa?

Pingasunngorneq ulloq 18. november nal. 15:00– 17:00
GU-p aulaani, Qaqortoq
Fra:
18. november 2015 03:00
Til:
18. november 2015 05:00

Kommune Kujalliup siunissaa? 

September 2015 Kommune Kujalliup Siunissaa pillugu illoqarfinni pingasuusuni inuttaasunik ataatsimiisitsisoqartarnikuuvoq. Ataatsimiinnerit ingerlalluartarsimapput ornigarneqarluartarsimallutillu; inuusuttulli amerlasarsimanngillat, aammalu immaqa ilinniartoqarfinnit sulisut amerlasarsimanatik. Taamaammat borgmesterip ilissi ilinniartut ilinniartitsisullu Kommune Kujalliup Siunissaa qanoq ilissi takorloornerissi pillugu siunnerfilimmik oqallinnissamut qaaqqunissarsi kissaatigaa.



Kommunalbestyrelsi aalajangersimavoq aaqqissugaanermut politikki ingerlanneqassasoq. Aaqqissugaanikkut politikkimi siunertaavoq innuttaasut imminnut ilaquttaminnullu pilersuisut amerlisarnissaat. Ajornartorsiutit nutaat pissutigalugit inuit ikiliartorput aammalu utoqqaat innuttaasunut sanilliullugit amerliartormata pissutsit illuanut saatsinniarlugit iliuuseqartoqartariaqarpoq.



Kommunalbestyrelsi aalajangerpoq aaqqissugaanermut politikkimik pingasunik sammivilimmik ingerlatsiniarluni, taannalu ataatsimiititsinermi sammineqassasoq kissaatigineqarpoq :

Sammivik 1: Meeqqat inuusuttuaqqallu

Sammivik 2: Suliffeqarnerup avataaniittunik akulerutsitsineq

Sammivik 3: Utoqqaat peqqissusiat qitiutillugu utoqqarnut suliniarneq.



Kommunimut pilersaarut kommunip ineriartorneranut naleqqussartuagassaq taamalu 2016-imi naleqqussagassaasoq. Taakku tamarmik uatsinnut attuumassuteqarput:

 Illoqarfiit nunaqarfiillu sutigut ineriartorfissaqarpat?

 Qanorililluta ilinniarnermut suliffeqarnermullu periarfissat pitsaanerpaat pilersissinnaavavut?

 Inuusuttut, ilaqutariit utoqqaallu qanoq ittunik inissaqartinneqassappat?

 Angallanneq naammaginarpa?

 Asimi ineriartorneq pinngortitamillu illersuineq qanoq qularnaassavavut?

 Suut pingaarutilittut isigaagit?



Kommunimut pilersaarut atuuttoq uani takuuk www.kujalleq.gl peqataagillu kommunimut pilersaarutip nutarterneqarneranut isummat saqqummiukkumallugu.



Inussiarnersumik inuulluaqqusillunga,



Jørgen Wæver Johansen

Borgmesteri