Ilaqutariinnut siunnersuisussamik


Inunnik isumaginninnermut immikkoortortap Nanortalimmi Ilaqutariit illuani ilaqutariinnut siunnersuisussamik pissarsiorpoq.

Soqutiginartumik ilinnut atorfimmik neqerooruteqarpugut, apriilip ulluisa aallaqqaataat 2019-imi aallarnerfigalugu imaluunniit immikkut isumaqatigiissuteqarnikkut atorfinitsissinnaallutit.
Kingusinnerpaamik ulloq:
1. marts 2015
Sumiiffik / immikkoortortaq:
Nanortalik
Ulloq sulilerfissaq:
1. april 2019
Aningaasarsiat:
Isumaqatigiissutit atuuttut naapertorlugit

Atorfik Nanortalimmi Ilaqutariit Illuanniippoq, immikkoortortamilu aqutsisoq qullersaraa.

Perorsaasutut assingusumilluunniit ilinniarsimasuuit? Aalajaajaatsuuit? Ammasuuit? Aammalu eqeersimaartuuit? Suleqatigiit akornanni sulisinnaavit kiisalu ammasuullutillu eqaatsumik sulisinnaavit?

 

Ilaqutariit illuat suleqatigalugu ilaatigut makku suliarisassavatit:

  • Ilaqutariinnut siunnersuisup akisussaaffigaa ilaqutariinnik ilaqutariittut siunnersorneqarnissamut innersuunneqarsimasunut perorsaanerup tungaatigut tapersersuillunilu, aqqutissiuinissani soorlu:

  • Ilaqutariit pulaarlugit ajornartorsiutaanik erseqqissaallunilu qulaajaaneq.

  • Ilaqutariit nammineq ilaqutariinnerminni ajornartorsiutinik aaqiinissaanut sakkussaanik tunillugit.

  • Ilaqutariit iliuusissatut pilersaarusiuunneri malinnaaviginerilu.

  • Ilaqutariit peqatigalugit ”pisortat” ataatsimeeqatigineri.

  • Ilaqutariit peqatigalugit pilersaarusiukkanik angalanissat aaqqissuunneri aammalu/imaluunniit peqataaffigineri.    

  • Ilaqutariinnik Sullissivimmi pikkorissaanerni ilinniartitsineq.

  • Siusinaartumik iliuuseqarnermi suliamut attuumassuteqartunik suleqateqarneq

  • Kalaallisut oqaaseqarnissaq piumasaqaataavoq, aamma marluinnik kalaallisut/dansk-isut oqaaseqartuuguit iluaqutaassaaq.

 

Meeqqanik pinerliisimannginnermut uppernarsaammik:

Atorfik una meeqqanik pinerliisimannginnermut uppernarsaammik pissarsiniarsinnaatitaaneq pillugu inatsimmut ilaatinneqarpoq. Inatsit naapertorlugu kommunip pinerlussimannginnermut uppernarsaatip tigunerata kingorna aatsaat atorfinittoqarsinnaavoq.

Kommunip nalilersuinerani atorfimmi tassani kina ivertinneqassanersoq meeqqanik pinerliisimannginnermik uppernarsaat aalajangeeqataasussaavoq. 

 

Aallaavittut qinnuteqartup isumaqatigiissutaa naapertorlugu akissarsiat atorfininnermullu atugassarititat aalajangersarneqassapput.

 

Atorfininnermut atatillugu inissannik tunineqarsinnaavutit, tassunga tunngatillugu inimut qularnaveeqqusissut, inimut akiliut, ilaallu ilanngullugit sukkulluunniit inatsisit atuuttut naapertorlugit akiliissallutit, soorluttaaq atorfininnermi angalanermut nuunnermullu aningaasartuutit sukkulluunniit malittarisassat atuuttut naapertorlugit kommunimit akilerneqassallutik, minnerpaamillu ukiut pingasut atorfeqareernerup kingorna atorfimmiit soraarnermi angalaneq pigisallu nuunneri sukkulluunniit malittarisassat atuuttut naapertorlugit kommunimit akilerneqassallutik.

 

Atorfik pillugu sukumiinerusumik paasissutissanik pissarserusukkuit uunga saaffiginnissinnaavutit: Nanortalimmi immikkortortami pisortaq Conny Hansen, oqarasuaat +299 614083 imaluunnit mailimut: coha@kujalleq.gl imaluunniit Qaqortumi Ilaqutariinnut Sullissivimmi pisortamut Naja Lund Kielsen, oqarasuaat +299 70 41 00 imaluunniit toqqaanartoq 645422, mail: naki@kujalleq.gl.

 

Qinnuteqaat, ilinniagarisimasat siornatigullu suliffigisimasat, ilinniagarisimasat allagartaasa sulisitsisorisimasallu oqaaseqaataasa assilineri  il. il. kingusinnerpaamik ulloq 01. Marts 2019 nal. 12:00 kommunimit tiguneqareersimassapput, uungalu nassiunneqassallutik:


Kommune Kujalleq

HR-afdeling

Postboks 514

3920 Qaqortoq

job@kujalleq.gl

 

Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqalerpoq. Tamanna 2018-imi ukiortaamiit eqqunneqassaaq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq