Suliassat:
Immikkoortortami pisortap meeqqeriveqarnermut kommunimi allaffissornikkut ingerlatsineq akisussaaffigaa Nanortalimmilu meeqqanut kultureqarnermullu ingerlatsivimmi inissisimassalluni.
Suliassat pingaarnerit ukuupput:
Qaammatit tamaasa aningaasartuutit ingerlanerisa nakkutiginerat – meeqqerivinni akiligassallit qaammatit tamaasa nakkutiginerat – Qaammatit tamaasa aningaasartuutit killiffiinik meeqqerivinnut nassiussuineq – akiligassanik akilersuineq ingerlaavartoq – meeqqeriviit pisortaanut allaffissornikkut ilitsersuineq – saaffiginnittunik sullissineq – meeqqerivinnut sulisussarsiornermi allagarsiissutissanik suliaqarneq – ingerlatsivimmi kommunimilu immikkoortortat allat atugassanik kisitsisinik piareersaaneq.
Pisortarissavat meeqqanut kultureqarnermullu ingerlatsivimmi pisortaq.
Sulinermut atorfeqarnermullu atugassarititat Namminersorlutillu Oqartussat kiisalu Sulinermik Inuussutissarsiuteqartut Kattuffiata niuernermik allaffissornermillu sulisut isumaqatigiissutaat malillugit. Suliffimmut atatillugu inissaqartitsisoqanngilaq.
Suliffimmut paasissutissat amerlanerusut pissarsiarineqarsinnaapput immikkoortortami pisortamut Maj-Britt Serano-mut saaffiginninnikkut, oqarasuaat 61 41 09, e-mail: majf@kujalleq.gl
QINNUTEQARFISSAQ KINGULLEQ: pingasunngorneq 14. september 2016.