Overassistent Aningaasaqarnermut ingerlatsivik Qaqortumi

Aningaasaqarnermut immikkoortortaqarfimmi (Akiligassaqarfiup immikkoortortaqarfiani) 1. oktober 2015 aallanerfigalugu imaluunniit isumaqatigiissuteqarnikkut atorfinittussamik overassistentinik pissarsiorpugut.
Kingusinnerpaamik ulloq:
14. september 2015
Sumiiffik / immikkoortortaq:
Qaqortoq
Sivisussusaa:
Aaliangersimasumik atorfik
Ulloq sulilerfissaq:
1. oktober 2015
Aningaasarsiat:
Akissarsiat isumaqatigiissutillu atuuttut aaliangerneqassapput

Overassistent Aningaasaqarnermut ingerlatsivik Qaqortumi 

Qaqortumi naatsorsuuseriviup ataaniippoq Akiligassaqarfimmi immikkoortortaqarfik. Aningaasaqarnermut immikkoor-tortaqarfimmiipput, Akiligassaqarfimmi-/Akiliisitsiniartarnermut-/ Naatsorsuuseriffik immikkoortortaqarfik taamatuttaaq naatsorsuuserinermut immikkoortortaqarfik. Akiligassaqarfimmi naatsorsuuserivimmi Qaqortumiittumi atorfiit pingasuupput.

Suliassat pingaarnerit makkuupput: 

Pisiortorfinneersunik aamma Nunatta avataaneersunik akiligassanik takkuttunik tamanik nalunaarsuinerit. Ingerlatsivinnut akiligassanik uppernarsagassanik/innersuussassanik misissugassanillu qarasaasiaq atorlugu nassiussuinerit. Aningaaserivik aqqutigalugu inuussutissarsiutinik ingerlatsivinnut akiliioraanissamut piareersarnerit naatsorsuuserinerillu kingornalu akiligassaqarfiit kontuinik naligiissaarinerit. Kommunimi inuussutissarsiornikkut atuisut nalunaarsorsimaffiinik nutarterinerit. Taamatuttaaq pisortatigoortumik akiliisitsiniartarnerit pillugit akiliisitsiniartarfinnut nalunaarusiortartussanik suleqatigiisitaqarpoq.

Kiisalu naatsorsuuserivimmit suliassanik allanik takkuttoqarsinnaavoq. Nalunaarsuinerit naatsorsuuserinerillu Winformatik-modulit, regneark/tekstbehandling Officepakken atorlugit ingerlanneqartassapput.

Atorfimmi pineqartumi naatsorsuutigaarput uku piginnaasaqarfineqartut:

• Marlunnik oqaaseqartoq
• Niuernermik allaffimmiutullu ilinniagalik naatsorsuuserinermullu tunngasunik suliaqarsinnaasoq
• Qarasaasiamik atuilluarsinnaasoq
• Misilittagalik, isumagissoq akisussaassuseqartorlu
• Nammineersinnaasoq, peqqissaartoq suliassanillu peqqissaarluni naammassinnissinnaasoq
• Sungiussiallunilu suleqatikkuminartoq
• Pisariaqartitsineq naapertorlugu suliassanik nutaanik tigusinissamut piumassuseqartoq

Qinnuteqartoq naatsorsuuserinermi atuagarsorsimanermi saniatigut qulaani atorfimmi pineqartumi piginnaasanik misilittagalittut allagartalik piumaneqarpoq. Piumasaqaatit pineqartut naammassisimagukkit, suliassanut aaqqissuussinermut ingerlatsinermullu kommunimi atorfimmik immikkoortortaqarfimmi najoruminartumi sunniuteqaqataalluarnissamut neqeroorfigisinnaavatsigit.

Immikkoortortaqarfimmi sulisut akornanni feeriartoqartillugu, napparsimasoqartillugu allatigulluunniit sulinngitsoortoqartillugu peqanngitsut suliassaannik tigusilaartarsinnaaneq pingaartinneqaqaaq.

 Atorfinnut atatillugu inissaqartitsisoqanngilaq.

Atorfimmut atatillugu aningaasaqarnermut pisortaq Kim Rosendahl oqarasuaammut 64 53 30 imaluunniit immikkoortortaqarfimmi pisortaq Marie Rødgaard 64 53 56 sianerfiginerisigut sukumiisumik paasiniaasoqarsinnaavoq.

Qinnuteqaat ilinniagaqarsimanermut uppernarsaatip assilinera siornatigullu suliffigisimasat kommunemut nassiutereeqquneqarput

HR-afdeling

Postboks 514

3920 Qaqortoq

Hr-afd@kujalleq.gl