Isumaginninnermi siunnersortitut ilinniarsimasumik, kommunimiluunniit isumaginninnermi suliassalerinermi misilittagaqartumik pissarsiorpugut. Atorfik Qaqortumi inissisimavoq.
Sulinerpit ilarujussuani ikiortissarsiormi aallaaviusut pillugit inuit ikiortissarsiortut suleqatigalugit pisortanit ikiorsiisarneq pillugu inatsisit naapertorlugit suliassalerisassaatit.
Isumaginninnermi sullissisut allat sisamat suleqatigissavatit taakkuullusilu suliasi pillugit taperser-soqatigiittuassaasi.
Nutaanik suleqatigiissitaliornikuuvugut, tamatumani siunertaraarput inunnik isumaginnittoqarfimmi saaffiginniffissap ataasiunissaa, taamaalilluni innuttaasunik sullissineq oqinnerulerlunilu paasiuminarneruleqqullugu, aammalu sullissinermi tamakkiinerusumik ingerlasoqalernissaa anguniarlugu.
Suliaq ineriartortuuvoq, sulinermi inunnik isumaginninnikkut suliassat pitsaasumik aqunneqarnissaat sulissutigaarput, aammalu eqqortumik naatsorsuussisoqartarnissaa eqqortumillu pisortatigut ikiorsiisoqartarnissaata isumannaarnissaa sulissutigalutigu.
Suliassat taakkartorneqarsimasut atorlugit sulisut eqeersimaartut suleqatigerusukkukkit attavigitigut.
Piginnaasatigut piumasaqaatit makkua pigissagitit naatsorsuutigaarput;
• Inatsisit malillugit qanoq sulinnissat ilisimassagit.
• Kisitsisilerillaqqinneq aammalu ikiorsiissutinik naatsorsuillaqqinneq.
• Qarasaasiatigut kisitsissutinik allanillu atuillaqqinneq.
• Innuttaasunik sullissineq ilisimasaqarfigissavat - aamma attaveqatigiinneq pitsaasoq.
• Suleqatigiit ulapaaqisut peqataaffiginissaannut ammasuunissat pingaaruteqarpoq.
Uagut neqeroorutigisinnaavavut;
• Sulineq assigiinngisitaartoq ilaatigullu ulapaarfiusartoq, illit suliffigisanni sullissisut allat peqatigalugit sunniinissannut periarfissaqassaatit.
• Atorfik pissanganartuuvoq sulianik unammillernartunik namminersuutigisassanik imaqartoq, ilinniartitaaneq pikkorissarneqartarnissarlu sulinermi annertuumik pingaartinneqarlutik.
• Sulinikkut avatangiisit pitsaasut eqeersimaarfiusullu.
Inissaqartitsisoqarsinnaavoq malittarisassat malillugit ineqarnermut qularnaveeqqutinullu akilerneqartartussamik, aamma angalanermut nutsernermullu aningaasartuutit malittarisassat malillugit kommunimit isumagineqassapput.
Atorfik pillugu paasissutissat sukumiinerusut siunnersortimit Kiista P. Isaksenimit 64 53 42 atorlugu pissarsiarineqarsinnaapput.