Nanortalimmi ilinniartitsisussarsiorpoq

1.november 2015 imaluunniit isumaqatigiissuteqarnikkut Nanortallip Atuarfianut Kommune Kujallermiittumut ilinniartitsisumik ataatsimik pissarsiorpugut.
Mikinerni atuartitsissutini tamani ilinniartitsisinnaasumik pissarsiorpugut
Kingusinnerpaamik ulloq:
5. oktober 2015
Sumiiffik / immikkoortortaq:
Nanortalik
Ulloq sulilerfissaq:
1. november 2015
Aningaasarsiat:
Naalakkersuisut IMAK-illu isumaqatigiissutaat malillugit atorfik
Atorfininnermi atugassarititat
Kalaallit Nunaanni Naalakkersuisut aamma Ilinniartitsisut Meeqqat Atuarfianneersut Kattuffiata, IMAK-ip, Kalaallit Nunaanni Meeqqat Atuarfianni ilinniartitsisut il.il. pillugit Isumaqatigiissutaat 27. august 2014-imeersoq aamma Kalaallit Nunaanni Naalakkersuisut aamma Ilinniartitsisut Meeqqat Atuarfianneersut Kattuffiata, IMAK-ip Pingaarnertut isumaqatigiissutaat 28.10.1998-imeersoq atorfinitsitaaninnut atortinneqassapput.
Atorfinikkiartornermi angalaneq
Atorfinittussaq ilaqutaalu akiliunneqarlutik atorfinikkiartortarput, ukiullu pingasut qaangiukkaangata akiliunneqarlutik angalasinnaapput soraarunik, kiisalu nuunnermut atatillugu tapisisoqartarpoq maleruagassat malillugit. Atorfilik sulinngiffeqarnermi angalanissamut aningaasaateqarfik aqqutigalugu qinnuteqartarpoq.
Paasissutissat allat
Meeqqat atuarfiat pillugu paasissutissat, atorfinitsitaasarnermi atugassarititat ilanngullugit, misissuataarsinnaavatit Kommuneqarfiit Kattuffiata nittartagaanni www.kanukoka.gl -imi.

Ilinniartitsisunut nutaanut pitsaasunik inissaqartitsiniartarpugut. 
Nanortalimmi inissiamik neqeroorfigineqassaatit, ilaqutariit angissusaat apeqqutaatillugu annertussusilimmik.
Attaveqarfigitigut:
Uatsinni ilinniartitsisunngorusullutit soqutiginnilersimaguit,
Meeqqanut kultureqarnermullu Ingerlatsivimmut aamma saaffiginnissinnaavutit uunga telefon
 (+299)70 41 00 Ingerlatsivimmi pisortaq  Jens Korneliussen oqaloqatigiumallugu imaluunniit
 e-mail: jeko@kujalleq.gl aqqutigalugu allallutit. 
Qinnuteqaat scannerlugu atsioriigaq aamma tassunga nassiunneqarsinnaavoq.
Ukununnga aamma sianerlutit paasiniaasinnaavutit: 
Nanortalimmi atuarfiup pisortaa Karl Frederik Danielsen tlf. +299 61 33 25 
Qinnuteqarfissaq kingulleq tassaavoq ataasinngorneq 5.oktober 2015.
Qinnuteqaat ilinniarsimanermik uppernarsaammik ilallugu, oqaaseqaatinillu ilallugu kiisalu pinerlussimannginnermut uppernarsaat ilanngullugu nassiunneqassaaq, aammattaaq atorfininnermut atatillugu meeqqanik pinerliisimannginnermut uppernarsaat piumasaqaataavoq. Taakku tamarmik uunga nassiunneqassapput ima ilisarnaaserlugu: 
Ilinniartitsisutut atorfiit.

Kommune Kujalleq

Postbox 166

3922 Nanortalik

atuarfik@nanbyskole.gl