Kommune Kujallermi pillorissaasunngoruit kommunimi tamarmi kisivit taama atorfeqassaatit.
Kommune pingasunik illoqarfeqarpoq 11-inillu nunaqarfeqarluni. Timikkut sungiusaasut allat peqatigalugit Qaqortumi aallaaveqassaatit, kisiannili illoqarfinnut nunaqarfinnullu angallammik / qulimiguulimmik suliartortarnissaq naatsorsuutigisariaqarpoq.
Kujataa silamiinnermik pinngortitamillu kusanartumik nuannarisalinnut naleqqulluarpoq, tamatuma saniatigut sunngiffimmi allanik sammisassaqarpoq (ujaqqanik silisineq, amernik mersorneq, sisoraatinik arpanneq, tilluunneq, crossfit, assamik arsarneq, isikkamik arsarneq, nerrivimmi arsaararneq, sulorarneq, timigissarfimmiinneq, sauna / helsekabine il.il.) aammalu inuttut naapisimaaqatigiinnissamut periarfissaqarluni.
Pigisavut:
• Kommune timimik piginnaanngorsaanikkut ineriartorfiulluartoq.
• Suliffeqarfik massakkut timikkut piginnaangorsaasumik qanimut suleqateqarfissat, taannalu ukiuni marlunni sulisimavoq, kiisalu ikiorteqarluni ukiuni 1,5-ini atorfeqarsimalluni.
• Sungiusartarfik iluaqutissanillu toqqorsivik.
• Innuttaasut nuannersorsuit ilinnik utaqqiinnartut!
Kommunimi timikkut piginnaanngorsaasoq ikiortaalu suleqatigalugit imaaliornissannut sapiissuseqassaatit:
• Inuiaqatigiit kalaallit aaqqissugaanerat paasisaqarfigilissavat aammalu Kalaallit Nunaanni sulininni inatsisitigut tunngaviit paasisaqarfigilissallugit.
• Pillorissaasumit ikiorneqalersussanik iluaqusersuutinillu atuisussanik tulleriiaarinissaq siunertaralugu innuttaasut tamalaanik nappaatillit misissortassallugit.
• Innuttaasut assigiinngitsunik sammisaqarniarnerminni ajornartorsiutillit pitsorluutillillu suleqatigalugit piginnaanngorsaaqqinnermi ikiuinissamik neqerooruteqassalluni.
• Iluaqusersuutissanik nakkutilliineq isumagissallugu kiisalu iluaqusersuutinik toqqorsivik isumagissallugu.
• Nuussineq, imminut sungiusarneq allallu pillugit suleqatigiinnissamik inuit ataasiakkaat eqimattakkaallu ilinniartillugillu ilitsersortassallugit.
• Attuumassutillit assigiinngitsut amerlaqisut ataatsimeeqatigisassallugit.
• Immikkut ilisimasalinnik assigiinngitsunik tikittoqartillugu ataqatigiissaarinermut nakorsiartitsinermullu ikiuutissalluni.
Taamaammat sulisussarsiorpugut:
• Pillorissaasutut piginnaanilimmik ersarissusilimmillu, aammali tamalaanik ilisimasalimmik namminersorluni sulisinnaassusilimmik aammalu arlalinnik ataatsikkut sammisaqarsinnaasumik.
• Suleqatikkuminartumik, utaqqisinnaassusilimmik pinertuumillu.
• Pissutsit qanoq ittuussusii eqqumaffigalugit kalaallit kulturiannik paasisaqarnissamut piginnaanilimmik.
• Imminut illaatigisinnaasumik quiasaarumatuumillu.
• Ullut tamarmik assigiittannginnerannik nuannaarutiginnittumik.
• Aaqqiissutissarsiullaqqissumik.
Atorfik piffissaq tamaat suliffiuvoq, tassa sapaatit akunnerannut akunnerit 40-it. Isumaqatigiissutit atuuttut naapertorlugit atorfinitsitsisoqassaaq. Pequsersugaanngitsumik inissaqartitsisoqarsinnaavoq atorfininnermi attartorneqarsinnaasumik, taannalu malittarisassat qaqugukkulluunniit atuuttut malillugit sillimmatinut ineqarnermullu akiliuteqarfigineqartassaaq. Kommune malittarisassat atuuttut naapertorlugit atorfininnermi angalanermut akiliussissaaq minnerpaamillu ukiut pingasut atorfeqareernermi soraarnermi angalanermut akiliussissalluni.